محشر یا آزاتی نا دے
نوشتہ کار: دلوش بلوچ
دی بلوچستان پوسٹ
دا اِرا دے بندغا تا جوانی یاکہ خرابی تا تول مریک ہرکس تینا تینٹ جند ئنا کروکا کڑد اتون جِک مریک مثیل کہ جنّت یا دوزخ ئٹ کل آ اُمت نا مونا فرشتہ غاک گپ آتے بیان کیرہ۔
کہ دا بندغ اخس بندغی نا قدر ءِ کریکہ اَخس حق آتے واخُب مسکہ اخس راستءِ راست پاریکہ یا اخس دروغ ئٹ خاہوت آتے ریفیکہ خُدا نا مَسیت ئٹی و ریاست آن بھیم کریکہ
ولے خُدا نا خوف است ئٹی تا اَلؤ فرعونیت نا پوجا ءِ کریرہ چندی خدا نا پنا باٹی پین است ئٹ پین گڑا دا کل محشر نا دے خن تے شیف کیرہ خدا نا مونا مخلوق نا مون آ گڑا ہرافک۔
جنّتءِ تینا کرینو راستءِ راست پارینو دروغ ءِ دروغ پارینو گڑا ہمو گو ہے کٹانو دا دے ءِ کٹّانو ہموک خوش آ زند ءِ زیبا کیرہ شہیدی تے درینو ہمو تیکن ہفتاد حور سلوک مرور یا جنّت نا ہفت آ رنگ ءُ ندارہ غاک اروک ءُ شرابءِ تنگور براک آتیا سوار مرور زندگی دادے انت انت رنگ انت انت سینگار انت خواہش یا ہمو دے نا ہیت ءِ کین ہرا آزاتی نا دے ء ِ ، ہمو دے آزاد بلوچستان نا شوخا دے تا بنا ءِ ، ہمو دے وتن نا باتی تا مہرو مابت نا گدانے۔ گڑا ہمودے ناپ و تول تا دے ءِ انتس وتن کن کریس قوم ئنا سوال ءِ نی ورنا وتن کن انتس کریس؟ رہشون نی انت انت راج اکن کرینس ؟ او رہشون دا قوم ئنا سوال پورا کہ اخس نما تنظیم نا کاریمک ءُ یا اخس دژمن ءِ نما تنظیم بیوس کرے یا نما دک آک او نا حاکمی تے پرغار یا نما گام گیج جنگ ئنا تینا وَلر ئسے نا یا بیان بازی ٹی نم خاس کر جنگ کریرے، یا نما تنظیم کوزہ گیر کن ڈغار تنگ کرے، گِڑا بندغ آک تینا جند ءِ تینا زند ءِکل آ ندر کریر، کوشت آک مسونو ہمو تا ہرا اُرا آلم کل ءِتسرگڑا انتس کریسن ہموتما سما مریک کل قومءِ یا خن تے لڑونج کینہ یا کہ لمہ غاک بُک ہلیرہ پیشانی آن ننا کنا مسخت ہندادے کہ کڑد ءِ تینٹ زیبا کین ای جُہد ئٹی ہندا خہ گڑا ہیل کرینٹ ہراخہ کس اسکول کالج ئٹ ہیل کپک ، کنکن دا درسگاہ غان زیاتء انتئے کن داڑے ہندنو عالم ارے انت پاوہ او تا ای کڑد آ انت لِکھوہ ہندنو علم دار ءُ سنگت اسل گیشترءِ۔
بندغ داڑے ذہنی تربیت ہلیک علمی حوالہ غا جوان مریک گڑا دا ہمو بندغ نا جند ئنا زی آ ٹے اگہ کنےآ کس شعور ءِسرکےتوشعور اکن عمل کروئی ءِ اگہ شعور مس عمل متو گڑا ہچس۔
متو مثیل کہ شعور بِج ءِ یا درخت ءِ گڑا ننے درخت و بجءِ امہ بھلن کروئی ءِ او تے دِیر شان گڑا بھلن مریرہ میوہ کیرہ گڑا شعور نا دیر عمل عمل کرین ننے میوہ رسیننگ میوہ مقصدءِ۔
مقصد ننا آجوئی ءِ گڑا ہندا میوہ ءِ دے خواپک ہرکس دادے خواہک غُٹ بلوچستان خوائک تینا ہنین آ میوہ غا آجوئی کن ہرا دترتسر وتن کن ہموتے دا دیہاڑ تینا تینٹ پنہ غا تا لکّھانے زافران ئٹ او شہید آکو اگہ نن جنگ ئٹ خلنگن گڑا ہمو شہید آتا مونا انت جواب وَلدِی ترون ۔۔۔
دی بلوچستان پوسٹ: دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔











































