آپریشن زرپہازگ نا جندندر آک
نوشت : سُمعیہ بلوچ
دی بلوچستان پوسٹ
جہان ئٹی بھاز جندندری جہلو مسنے و بھلو کچ ئسیٹ ورناک تینے تینا لُمہ ڈغار کِن ندر کرینو، اندُن بلوچستان ںٔٹی ہم مجید برگیڈ نا دلیر آ جندندر آک اندا ڈغار کن تینا زیبا غا زند آتے ہُشانو۔ ہراتم دژمن آ جہلو کن بشخ ہلکو تو گڑا ہمو ساعت ںٔٹ اونا جَند ئنا ہند آ اسہ گچینو جنگ ںٔس بِناء کرینو اوفک تینا دلیری و تُرند آ جوزہ غاتے آ غٹ جہان ءِ ہبکہ و حیران کرینو ہمو جند ندر آک ہرا کہ مالوّ آن سرپند ءُ کہ دژمن آ جہلو آن گڈ نن تینا ہنین آ سنگت آ تتون پدا ہمراہ مفرون و اندا ہم سرپند ءُ کہ ننا زند بیرہ اندا جنگ نا ایسری اسکان مرون ولے او تینا ساہ آن ہیج ہرفسہ دژمن آ جلہو کن مستی گام خلیرہ و مدام سرسوب مریرہ۔ او غٹ آ ویل آتے آن سرپند ءُ ولے اوفتا سوگؤ آ ایمان و دلیری نا مونا دژمن نا تنخواہ خور آ سپاںٔی تا کاٹمک ساندہ شیف مریرہ، ہمو جند ندر آک نن کن چیدہ ءُ۔
اندُن کہ چین و پاکستان نا بِناء کروکا ہمو پروجیکٹ آتے نا بےسوب کننگ نا مسخت ںٔٹ بلوچ لبریشن آرمی آپریشن زرپہازگ ءِ بنا کرے، اندا آپریشن ٹی چندی ورناک تینا بے مٹ آ ساہ تے لمہ ڈغار نا رکھ ئکن ندر کرینو۔ دا آپریشن ٹی بشخ ہلوکا ورنا تا مسخت ہم اندا مسنے کہ چین نا سرمایہ کاری ءِ تباہ کننگ و اودے بےسوب کننگ۔ اندُن جند ندر آک تینا زند آتے ندر کرِسہ دا آپریشن نا پنج لڑ ءِ سرسوبی ئٹ ایسر کریر و تینا زگر آ دتر تے شولار و ہر بھیم آن ایپار گام تخِسہ تینا مسخت ںٔٹ سرسوب مسُر۔
اندن کہ اندا آپریشن نا اولیکو لڑ 11 مںٔی 2019 آ گوادر ںٔٹ کوہ باتیل آ پرل کانٹینینٹل ہوٹل آ فدائیک جہلو کریر ہراٹی فداںٔی کچکول، فداںٔی محراب، فداںٔی کامریڈ حمل و فداںٔی منصف ہمراہ اسُر و داکان بیدس 20 اگست 2021 آ اندا آپریشن نا ارٹمیکو لڑ گوادر ںٔٹ چینی انجینئر آتا گاڑی آ تراک مس ہراٹی فداںٔی سربلند تینا زیبا غا زند ءِ ندر کرے۔ داکان گُڈ پین ہم ورناک اندا آپریشن ءِ سرسوب کننگ کن تینا زند و زند ئنا اُست خواہی تے ندر کریر، دُنکہ مسٹمیکو لڑ 13 اگست 2023 آ گوادر ںٔٹ جوڈیشنل کمپلیکس نا ہند آ چینی تے آ جہلو مس ہراٹی سینہ تروکا ورناک فداںٔی مقبول و فداںٔی نوید دژمن آ جہلو کریر و دژمن آ لڑزہ ںٔس شاغار اندن کہ ورناک تینا ڈغار کن تینا ساہ آن ہیج ہرفسہ 20 مارچ 2024 آ چارمیکو لڑ ءِ گوادر ںٔٹ آںٔی ایس آںٔی و ایم آںٔی نا ہیڈکوارٹر آتے آ فداںٔیک جلہو کریر ہراٹی سرسوب مروک آ ورناک فداںٔی شوکت حکیم، فداںٔی بابر ناصر، فداںٔی خدا دوست ،فداںٔی ریاض، فدقںٔی صوالی، فداںٔی مروان، فداںٔی کریم و فداںٔی مسلم تینا خُیسن آ دِتر تے شولار ننے آجوںٔی ءِ دوںٔی کننگ کن ہمو جند ندر آک تینا گڈیکو سُم تسکان جیرت و سوگوی ںٔٹ جنگ کریر ہمو جندر ندر آتا دلیری و حوصلہ غا دژمن اربشی مرِسہ اسہ وار پدا بےسوبی تون مون تس۔
اندن کہ اندا آپریشن نا پنچمیکو لڑ ئٹ 25 مارچ 2024 آ تربت ںٔٹ دژمن نا نیول بیس پی ایس این صدیق آ جند ندر آک جہلو کریر ہراٹی بشخ الوکا دلیر اک جند ندر ایوب اعظم، جند ندر خلیف، جند ندر مراد حاصل، جند ندر وجداد دژمن نا جند نا ہند آ اودے سرپند کریر ہمو جند ندر آک ہرا تینا دتر ںٔٹ دا ڈغار تون مہر و مابت ءِ درشان کریر اوفتا پُتک ہلوکا جونک اوفتا دلیری نا شاہدی ءِ تسُرہ۔ او تینے چُنڈ چُنڈ کریر تینا ڈغار نا اندا مڈی تا رکھ ئکن۔ او تینا ملی تے ڈھیر کریر تینا گڈیکو سُم تے ںٔٹ، گواچن ںٔٹ دا بھاز بلو گپ ںٔسے ولے ہمو جندندر آک اندا ڈغار نا رکھنگ کن تینا زند، چنا ،لمہ، باوہ، ایڑ و ایلم تا جاگہ غا تینا راج نا پِن آ کریر دا کسہ بیرہ ہمو جندندر آتا کِسہ اف بلکن دا ہمو راج ءِ درشان کیک ہرافک تینا ننگ تینا حق و تینا ڈغار کن تینا ساہ تے ندر کننگ آن ام خُلپسہ۔
ہمو جندر آک ہرا تینا جنگی آ اٹکل تیان راج ءِ سرپند کرینو دژمن تیا سم تے بے بالِسہ مستی گام تخانو اوفک تینا تلاری آجغر و سَگ ئٹ دژمن ءِ مدام باء تسنو، اوفتا قربانی ءِ درشان کننگ بیرہ ہیت ںٔٹ اڑزان ءِ ولے او تینا تیوہ غا زند ءِ تینا راج کن تدیفینو مَش تیا پندھ و خواری کرینو، ملاسی، بینگنی و بےتُغی سگھانو، تینا بے سِیک آ جون تتون باریم بڈ کرینو ٹاک آہڑ و یخ آتیٹ مُرغنو پندھ خلکنو و تینا گڈیکو سُم تسکان بشخندہ کرینو دژمن نا بےسوبی ءِ ہُرِیسہ آجوںٔی نا تغ ءِ پورہ مریسہ و تینا دِتر ںٔٹ ہمو جنگ ءِ ایسر کریسہ تینے ندر کریر۔ ہمو جندر ندر آک تینا زیبا غا کڑد ئتون مثیل ئٹ گواڑخ ءُ۔ اوفتا قربانی، سَگ، حوصلہ، مخلصی و دلیری ئے مدام یات کرون ہمو ورنا تے کاٹم شیف خیسنو دروت ندر کینہ ہرا تینا زند آتے ندر کریر بشخندہ تون۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
