کنا قصہ
نوشت: فدائی عزیز زہری عرف بارگ
مٹ: دیار زیب بلوچ
دی بلوچستان پوسٹ
ای پنچمیکو جماعت ئٹ خواننگ اسٹ و کنا اُرا نا بندغ آک کنا لائخی آ ناز کریرہ، او وخت ای بھاز خوش اسُٹ انتئے کہ اسہ خواندہ ئسے کن خوانوک آ زند آن بیدس پین ہچ گڑا ئس معنی تخپک۔ تعلیم نا وخت ہر خوانندہ تینا زند ئٹی اختہ مریک۔ ای ہم امو خوانوک آ چُنا تا وڑ ئٹ گوازی تیٹی اختہ اسُٹ۔ زند ئنا ہچو غم ئس الو، زند گواچن آن نا واخف ئس۔
ہرا تم ای مچ ئٹ بھلون مسُٹ گڑا کنے یات ءِ کہ امو گرمی تا چھوٹیک ئسر، ہراتم نا گمان آ اسہ سنگت ئسے نا فون بس و پارے کہ پکنک کن تیار مر، ای سنگت ءِ پاریٹ مچٹ سلہ کہ ای تینا باوہ جان آن موکل کیو۔ سنگت پارے سہی ءِ، ای باوہ جان نا کیب آ ہناٹ و پاریٹ کہ کنا گڑا ئس سنگت پکنک کن ہننگ ء کنے ہم موکل ہیت ای ہم سنگت تیتون کاوہ؟ گڑا مچٹ ئس باوہ جان نا دروشم ئٹی چپی مس و ای تینا اُست ئٹی تکنگ اسٹ کہ باوہ جان دا ہیت آ راضی مفک، ولدا باوہ جان پارے کہ، مڷ کنا نا دائسکان یکہ پکنک آ ہننگ نا سن اف، و ای بنگُنٹ کہ نا غٹ سنگت آک نشئی ءُ۔ ای نے موکل تننگ کپرہ، دُن مف کہ نے ہم نشہ نا مزہ تمے، اینو آن گُڈّ دن ئنگا سنگت آتون تینا حال حوال ءِ بند کیس۔
ای کاوڑ آن تینا کوٹی آ ہناٹ و سنگت تیتو حوال کریسہ پاریٹ کہ کنے کنا باوہ موکل تننگ اف، گڑا سنگت آک پاریر کہ دا ہرا بھلا ہیت ءِ نی تینا اُرا آن بیدس موکل آن ننا پارہ غا بہ۔ نن نا ودار ئٹ تولوک اُن، ای ہم دم دستی تیار مریسہ اُرا آن پیشتماٹ و سنگت آتیا سر مسُٹ و نن بازار آن پکنک نا مڈی تے ہلکُن او روانہ مسُن۔
اِرا دے آن گُڈّ نن پکنک نا جغہ ” چٹوک ” آ رسینگان گڑاس سنگت پاٹ مچ کریر گڑاس ارغ کننگ ئٹ آختہ مسُر و گڑاس سنگت تون اوار مچھی نا شکار کن چٹوک نا دیر آ سر مسن و گڑاس گھنٹہ نا نیامٹ بھلو کچ ئسیٹ مچھی دوئی کرین و سنگت تیکن سر ہلکُن پدا اوڑے سر مسُن گڑا مچھی تے بسنگ آن گڈ ارغ کنگن۔
اِرغ کُننگ آن گُڈّ گڑاس سنگت پاریر کہ عزیز ایلم بر اینو نن نے اندنو گڑا ئسے نا باروئٹ پانہ ہرا تیوہ زند نے سکون بشخک۔ ای پاریٹ نی کنے پاسہ کہ او گڑا انت ئسے؟ او پارے اینو نن نے شیشہ کشیفنہ و ای ہم ہئو کریٹ و نن تیوہ اسہ گھنٹہ ئسے کان شیشہ کشیسہ کرین۔ نشہ نا حالیت ئٹ کنے اسہ گڑا ئسے نا ہم خبر الو۔ ولدا نن پدا اُرا نا پارہ غا روانہ مسُن، ہرا وخت ای اُرا غا سر مسُٹ غٹ کنے آن کاوڑ ئٹی ئسُر۔ ای سدھا تینا کوٹی آ ہناٹ او زرس گھنٹہ آن پد کنا کاٹُم دڑد ءِ بناء کرے۔
منہ دے ئٹی ای سرپند مسُٹ کہ کنے نشہ نا حالیت کگھانے، ای ہر دے سنگت تیان نشہ خوائفسہ کریٹ و گڑا ای نشہ نا عادت ئٹی کور مسٹ، کنا یخین ہم اُرا نا بندغ آ تیان پناسس۔
اسہ دے ئس کنا گچین آ سنگت ماما کنے تینا خڑک آ تولیفہ و سرپندی تریسہ کرے کہ اگہ نی گڑاس جوان کننگ کپیسہ گڑا خراب ہم کپہ۔ او بھاز کوشست کریسہ کرے کہ ای نشہ نا وڑ انگا چاگڑ تیان مُر مریو۔
کنے اسہ دے ئس جوان یات ءِ، دا 2016 نا سال ئس، ہرا وخت اسہ دے ئس کنکہ قیامت نا دے جوڑ مس، امو دے کنا جنگ کنا لکھ مرادی آ و لائخ آ استاد ماما تون مس و ای کاوڑ آن اُرا آن پیشتماٹ او تینا اسہ خڑک ءُ سنگت ئسے نا اُرا غا ہناٹ۔ ہرا وخت ای سر مسُٹ گڑا سنگت کنے خنا و ہبکہ مس۔ ای کاوڑ آن خیسُن و تیوہ خید آن اسٹ ئسُٹ و نشہ نا حالیت ئٹ اسُٹ۔ نشہ نا حالیت ئٹ کنا خنک بند مسُر۔
ہرا وخت سُہب ئنا ای تغ آن بش مسُٹ گڑا کنا سنگت کنے آن سوج کرے کہ انت مسنے کہ بندغ آک نے پٹنگ ءُ۔ ای پاریٹ کہ کنے اندنو گڑا ئس کروئی ءِ کہ ای ماما ءِ نسخان ہیتو۔ کنا سنگت دا ہیت آن فائدہ ارفیسہ کنا اوڑدئی ءِ اسہ گھٹیا ءُ سڑدار ئسے تون کریفے۔
ای امو سردار ءِ پاریٹ کہ ماما کنے کنا زند ء کنا وڑ ئٹ تدیفنگ آن بیدس تینا وڑئٹ تدیفنگ خوائک۔ نی کنے اندنو کسر ئس نشان ہیت ہرا دا ویل ئنا حل مرے؟ تو سڑدار پارے کہ ماما ءِ گیشتر نسخان تریسہ کر، تانکہ نا جان اوڑان ایسر مرے۔
اسہ دے ئس ہرا وخت ای نشہ آن بے سُد اسُٹ گڑا سڑدار نا اِرا بندغ بسر و کنے پاریر کے سڑدار نا پدا تینا اِرا بندغ خلکُنے۔ اسہ کنڈ نشہ نا حالیت و الیو کنڈ ماما نا غصہ کنا کاٹُم آ سوار ئس، ای نشہ نا حالیت ئٹ سڑدار آ ہناٹ۔
ای تینا ضِد و انا نا سوب آن گڑا ئس دروغ پاریسہ سڑدار نا دو آن ماما ءِ بیگواہ کننگ نا خواست ءِ کریٹ و گڑا ئس دے آن گُڈّ کنے مارِشت مس کہ ای رد کننگ اٹ۔ اسہ دے ئس کنا خن تامون آن سڑدار نا سرف گاڑی ماما ءِ بیگواہ کننگ کن پیشتما و ای بھیم آن رُمب کریسہ ماما نا کیب آ ہناٹ۔
ای خناٹ کہ سرف گاڑی خڑک آ پیری کننگ ئس۔ ای پوہاڑ کریسہ ماما ءِ پاریٹ کہ تیوہ گڑاک ایسر مسُر، ای گڑاس سرپند مسنٹ، نی دم دستی وڑئٹ داکان پیشتم، انتئے کہ دا گاڑی نیکن پیری خلنگ ء، کنے بشخس۔ کنا سنگت ماما ءِ ہرا بھیم آن پد ہم کنے تینا سینہ ٹی خلیسہ تسلی تننگ ئس، او پارے کہ نی بے فکر مر، ولدا کنے پارے کہ تیار مرک پگہ سہب ئنا ای نے دا جہنم آن کشیوہ۔
ایلو سُہب ئنا خاہوت آن رخصت کریسہ سفر آ روانہ مسُن، کنے کنا عظیم انگا سنگت راز داری ئٹ اوار سفر آ روانہ کرے، کنے سماہ الو کے ای ہرانگ ہننگُٹ، نن نا دئے بجہ ئس، ہرا وخت نن مش تیا سر مسُن، ننا مون آ مُسہ توفکی ءُ بندغ بسُر، او کنے دروت ہلیسہ پارے کہ اِرغ کمبو تیار مبو دائسکان مزل آ رسینگتنن، سفر نا بناء داسہ مسنے۔
بھیم ئما سوب آن ای اِرا باخو ارفیٹ کنا پڈ سیر مس، نن شام ئنا اوندائی ئٹی پند ئٹ سفر آ روانہ مسُن، ای بھاز دمدرینگاسُٹ گڑا اندا سلہہ بند بندغ آک کنا حالیت ءِ خنار و پاریر کہ اینو نا نن ءِ انداڑے تیر کینہ۔ ہرا تم سُہب مس گڑا نن وتاخ نا پارہ غا روانہ مسُن و گڑاس گھنٹہ آن گُڈّ وتاخ آ سر مسن اوڑے چِل سلہہ بند بندغ آن زیات بندغ ئسُر، گڑا بھیم آن ای گیشتر پین وڑ مسُٹ ولے غٹ اسٹ ایلو آن زیات کنتون مہر ئٹ اوڑدئی کننگ ئسر پدا ہم خلیس کنا اُست ئٹ جہی ئس۔
اندا سلہہ بند بندغ آتا کمانڈر کنا خڑک آ بس توس و پارے کہ خلپہ نن ظالم افن بلکن دا غٹ سنگت آک بلوچ جہد کار ءُ تینا بقا و پجار نا جنگ ءِ کننگ ء۔ ننا دژمن بیرہ کوزہ گیر فوج تون ءِ۔ نم ننا بلوچ اُرے نم ننا مہمانک ارے، نمے انت ہم گڑا ئسے نا گرج مس بیدس خلیس آن پارے۔ کمانڈر تون اوڑدئی آ کنے بھلو خوئشی ئس مس و کنا خُلیس ہندا ساعت ایسر مس، او ایلو پارہ غا کنا ملی ٹی بھاز آ سوال آک پیری کریرہ۔
اوڑے کنے سال ئس مسک، اندا اسہ سال ئنا نیامٹ کنے بھاز آ گڑاک چاہنداری کن دوئی مسر، کنے زند ئنا شعور رسینگا۔ کنا نشہ نا عادت ایسر مس۔ ای تینا و تینا چاگڑد و راج ئنا بزگی ءِ سرپند مسُٹ۔ اسہ دے ئس گھاٹ والا کنے توار تس کہ نیٹورک آ کاسہ نیتون کسس حال حوال کننگ خواہک۔
ای نیٹورک آ سر مسُٹ کہ او ماما ئس، ننا موبائل آ بھاز ہرے اسکان حالی حوال مس گڑا ماما کنے آن سوج کرے کہ حالیت نا ہمر مسُنے۔ نشہ نا عادت ایسر مسنے گڑا داسہ تینا ڈٹ ئٹی اُس اگہ بننگ خواہسہ گڑا بر۔ ولے ای پدا ہننگ نا چاہنداری الوٹ ای اسہ گچینو بندغ ئس مننگ نا چاہندار اسُٹ و ای ہموڑے ہڈ کریٹ۔
زند ئٹی غٹ آن بھلا گڑا مارشت مریک۔ ہندا مارِشت نے نا خاہوت، چاگڑد، جہان و تینا ذات ئکن گڑاس گچین کریفک۔ کنے اسہ ہیت ئسے نا سرپندی مس کہ ہمر دا کوزہ گیر ریاست نشہ، بے روزگاری، غریبی، بھیم و زوراکی تے کارمرز کریسہ ننا دا مارِشت ءِ ایسر کننگ خواہک۔ انتئے کہ اسہ بے احساسو بندغ ئس اسہ جانور ئسے نا وڑ ئٹ نے توننگ کیک۔ ولے ہرا وخت کہ مچٹ ئس مارِشت ودی مس گڑا ہندن چاہنگک کہ نی اسہ کُڑمبو تغ ئسیٹی پلویڑ کننگ ئس۔ انتئے کہ مارشت نے آجو کیک، ولے دا آزاتی نا بھلو نہاد ئس مریک، بلکن دا ہر حالیت، ہر وخت، ہر جاگہ بیدادی تیان لکھ وڑ ئٹ گچین مریک۔ ای دا مارِشت و آزاتی ءِ تینا کریٹ ای ہچو وڑ ئسیٹ پدا چک خلننگ نا خواہندار الیوٹہ، داسہ ای اسہ آجو ءُ بندغ ئسے نا وڑ ئٹ زندہ مننک خواہسٹہ و آجو ءُ بندغ ئسے نا وڑ ئٹ مرگ خواہسٹہ۔
کنے اوڑے اِرا سال مسس، اسہ دے ئس ہرا تم ای تینے مشیسہ وتاخ آ بسُٹ گڑا سنگت تا دروشم ئٹ بشخندہ ئس، ای سوج کریٹ کہ انت مسنے؟ گڑا سنگت آک گل کریسہ ورندی تسُر کہ اینو گوادر پی سی ہوٹل ئٹی مجید برگیڈ فدائی جلہو کرینے، ہراڑے دژمن ءِ بھلو کچ ئسیٹ جانی و مالی نسخان مسنے، گڑا ہمو دے ای تینا زند ئنا ویدن ءِ سرپند مسُٹ و ای فیصلہ کریٹ کہ ای مجید برگیڈ نا بشخ جوڑ مریوہ۔
ہرا وخت ای اسہ بے شعور و نشہ نا عادی ءُ بندغ ئس ئسوٹہ گڑا سڑدار و سرکار اڑتما تا خن تا نور اسُٹ، ولے ہرا وخت کنے شعور ملا، چاگڑد نا اسہ گچینو بندغ ئس مسُٹ، تینا راج ئنا دڑد ءِ سرپند مسُٹ گڑا ولدا ای سرکار و سڑدار اڑتما تیکن خطرہ ئس جوڑ مسُٹ۔
کنا دا پوسکنا زند و سفر ءِ مُسہ سال تیر مسُر، اسہ دے ئس کنا اوڑدئی پدا کمانڈر تون مس۔ گڑا ای کمانڈر آن تینا خوائش نا درشان ءِ کریٹ کہ ای مجید برگیڈ نا کاروان ئٹی اوار مننگ خواہوہ۔
کمانڈر کنے پارے کہ نی گیشتر وخت دائسکان جوان سوچ خل، دا اسہ معمولی ءُ فیصلہ ئس اف، تسلی ئٹ وخت ہڷ و تیوہ پہلو تے سرپند مریسہ فیصلہ کر، دائسکان نیتو وخت بھاز ءِ اسیکہ نی جوان سوچہ پدا نن گپ کینہ۔
ای مجید برگیڈ نا بشخ دا سوب آن مننگ خواہسٹہ انتئکہ ای تینا راج ئنا حالیت ءِ سرپند مسوسٹ و ہندا فرض و قرض ء ہم سرپد مسٹ ہرا کنا کوپہ غا تیا اس، ای ہمو فرض ء پورہ کننگ و قرض ءِ ادا کننک خواہسٹہ۔ ای اسہ آزات ءُ بندغ ئسے نا وڑ زند و مرگ ئنا چاہندار اسُٹ و مجید برگیڈ دا آزاتی نا بناء معلوم مس، کنے تینا ڈیہہ و راج تون مابت مسس ئس و ندر مننگ دا عشق ئنا انتہا معلوم مس۔
گڑاس تُو ہندُن تدینگار، ای ولدا کمانڈر ءِ فون کریٹ و پاریٹ کہ ہرا وخت ای تینا دا فیصلہ نا بابت ئٹ تکہوہ گڑا کنا مون آ کنا بیوس آ راج بریک، دا اسہ جزباتی ءُ فیصلہ ئس اف، کنے جوان سماء ء کہ ای انت کننگ خواہوہ، ای فیصلہ ہمو دے کریسٹ و گڈیکو دم ئسکان کنا فیصلہ ہندا مریک، ای اخس ہم سوچو یا کہ وخت ہلیو دا فیصلہ بدل مفک۔
گڑاس دے آن گُڈّ ای مجید برگیڈ نا بشخ جوڑ مسُٹ و ٹریننگ کِن پیشتماٹ، دا دے کنکہ غُٹ آن گچین ہنگا دے ئس، ہمو دے ہراتے ای داڑے سنگت تا ہمراہ تدیفنگُٹ، دا کنا زند ئنا گچین ہنگا دیک ء۔ و انت ویدن ئسیکن ای داسہ روانہ مننگ اٹ۔ او ہر وڑ ئنا مُرغنا زند آن گچین ءِ، دا کنا واھگ ءِ کہ ای انت ہم ویدن ئسیکن پیشتمنگُ اٹ او دے سرسوبی ئٹ سرجم کیو و دا کنا یخین و ایمان ءِ کہ ہراتم ننا توفک تمک گڑا دادے دوئی کننگ کن کیہی ورناک اسہ پین کُنڈ ئسے آن ودی مریرہ۔ دا چرجُوئی ننا ڈیہہ ئنا آجوئی ئسکان برجاہ مریک۔ کنا گُڈّیکو خواست دادے کہ انت ہم مرے دا توفک ءِ تمنگ کن الپیرے، دا زند تو بریک و کائک دا زند ئنا ہچو ہیت ئس اف۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
