حوال تا رد ئٹ پاکستان اسمبلی نا باسک ارا سال بندی مننگ آن گڈ یلہ مس۔ علی وزیر سہراب گوٹھ تھانہ ٹی بغاوت نا مقدمہ ٹیدزگیر کننگاسس اونا برخلاف  تیوہ پاکستان ٹی درزن آ مقدمہ آک ئسر، تیوہ غا مقدمہ آتیٹ ضمانت مننگ آن گڈ اینو اودے سینٹرل جیلآن یلہ کریر۔

علی وزیر نا وکیل نا پاننگ ءِ اودے دا مقدمہ ٹی پشاور آن دزگیر کریسر و او ارا سال آن زیات جیل ئٹی گدریفینے۔ او پین پارے کہ مقدمہکراچی نا علاقہ سہراب گوٹھ ٹی نوشت کننگاسس۔

علی وزیر 31 دسمبر 2020 ء ٹی ریاستی ادارہ آتا بر خلاف نفرت و سوختہ کننگ کن تران کننگ نا تومت آ جیل ئٹی بند ئسک اونا برخلاف کراچی نا جتا تھانہ آتیٹ چار مقدمہ نوشت کننگاسس۔

علی وزیر و پارٹی نا گڑاس راہشون نا برخلاف پن کروک تومت آتا بابت انسداد دہشت گردی ایکٹ (اے ٹی اے) نا دفعات نا رد ئٹ سہرابگوٹھ، شاہ لطیف ٹاؤن و بوٹ بیسن تھانہ آتیٹ چار اسٹ ان بارہنگا مقدمہ آک نوشت کننگاسر۔

بلوچ لبریشن آرمی نا ترجمان جیئند بلوچ تینا شینک کروک بیان ئٹ پارینے کہ بی ایل اے نا سرمچار آک ہرنائی پنجگور و بلیدہ ئٹی مُسہجتاء جلہو تیٹ کوزہ گیر پاکستانی لشکر ءِ نسخان تسر و اوفتا حوالکاری ٹاور ءِ بھس کریر۔

جیئند بلوچ پارینے کہ بی ایل اے نا سرمچار آک ننکان ہرنائی ٹی کوزہ گیر پاکستانی لشکر نا گچین پوسٹ ءِ بھلا سلاء و گرنیڈ لانچرآتیٹ ٹک کریر سرمچار آک دژمن لشکر نا پوسٹ آ کیہی گرنیڈ آتے خلکر و جلہو ئٹ اِرا دژمن کارندہ جاگہ غا مرگ ئنا گواچی اندن کہیکٹپی مسر۔

ترجمان پارے کہ شکست کُنوک دژمن جلہو آن گڈ جتاء کنڈ آتیا مارٹر گولہ خلک واہم بلوچ سرمچار آک سوگوْ منصوبہ بندی نا رد ئٹ تینارکھوک جاگہ تے اسکان سر مسر۔

جیئند بلوچ پارے کہ بی ایل اے نا سرمچار آک  پنجگور نا علاقہ گچک، کہن ئٹ کوزہ گیر پاکستانی لشکر نا بنجائی کیمپ آ گرنیڈ لانچرنا گولہ خلیسہ دژمن کارندہ تے جانی و مالی نسخان تسر۔

ترجمان پین پارے کہ مسٹمیکو جلہو ئٹی بلوچ لبریشن آرمی نا سرمچار آک بلیدہ نا مَشی آ لڑ ئٹ کڈکی نا ہند آ پی ٹی سی ایل کمپنینا حوالکاری ٹاور ءِ تراکی مواد کڈ کریسہ بھس کریر و مشینری ءِ ہشیسہ بھس کریر۔ پن کروک ٹاور ءِ انٹرنیٹ و ایلو حوالکاری تیکندژمن کاریم ئٹ ہیسکہ۔

جیئند بلوچ نا پاننگ ئس کہ بلوچ لبریشن آرمی پن کروک جلہو تا ذمہ واری ءِ ارفک۔ نن دا ہیت ءِ دوارہ کینہ کہ کوزہ گیر لشکر نا تیوہپیشتمنگ اسکان ننا جہد برجاء مرو۔

حکومت پاکستان جہانی مالیاتی ادارہ( آئی ایم این ) نا شرط ءِ پورو کریسہ  گیس ئنا نرخ آتیٹ ودکی کرے حکومت گیس ءِ 16 اعشاریہ6 فیصد آن 124 فیصد اسکان کبین کرینے پوسکنا نرخ جنوری نا اولیکو تاریخ آن 30 جون 2023 ء اسکان اندا نرخ آ ٹہیفوک مرو۔

حکومت نا گیس ئنا نرخ آتیٹ کروک زوت ودکی ارائی، کمرشل، پاور سیکٹر ، کھاد کار خانہ آک، سیمنٹ انڈسٹری، صنعت و سی اینجی تون اوار تیوہ آ شعبہ آتیکن کننگانے۔

گیشتر حوال تا رد ئٹ گیس ئنا پوسکنا نرخ تیوہ پاکستان نا بندغ آتیکن مرو، بیرہ 50 کیوبک میٹر گیس تو ئنا ارائی مخلوق ءِ کاریم ٹیہلوئی ءِ حکومتی پڑو نا رد ئٹ100 کیوبک میٹر گیس کاریم ٹی ہلوک ارائی مخلوق کن نرخ16 اعشاریہ 6 فیصد نا ودکی کننگانے۔

پڑو نا رد ئٹ 100 کیوبک میٹر گیس نا نرخ 300 رپئی آن ودیسہ350 رپئی ایم ایم بی ٹی یو کننگانے اندن حکومتی پڑو نا رد ئٹ200 کیوبک میٹر گیس کاریم ٹی الوک ارائی مخلوق کن نرخ ئٹی 32 فیصد ودکی کننگانے۔

اندن 200 کیوبک میٹر گیس کاریم ٹی الوک ارائی مخلوق کن نرخ 553 آن ودیسہ 730 رپئی ایم ایم بی ٹی یو کننگانے وزیر خزانہاسحاق ڈار نا صدارت ئٹ اقتصادی حوال کمیٹی ( ای سی سی ) نا مجلس ٹی گیس کبین کننگ نا موکل تننگا۔

بلوچستان نا ضلع کیچ آن پاکستانی لشکر نا دو آن ورنا نا زوراکی ئٹ بیگواہی نا بر خلاف خاہوت و ہندی بندغ آتا کنڈ آن سی پیکسڑک آ تولوک برانز آ استو پولیس جلہو کرینے۔

دی بلوچستان پوسٹ ءِ دوئی مروک ویڈیو ٹی خننگ مریک کہ بیگواہ زمان بلوچ نا یلہ مننگ کن تولوک برانزی تے برانز ءِ ایسر کننگ ناپاننگ ءُ اندن برانزیک ورنا نا یلہ مننگ اسکان برانز ءِ برجاء تخنگ نا ہیت ءِ کریسہ ءُ۔

اندا وخت ئٹ برانزی تیان خڑک ترند سم کاری بناء مریک واہم برانز کروک آک تینا برانز ءِ برجاء تخانو۔

خیال ئٹ مرے کہ درو آن زوراکی ئٹ بیگواہ زمان بلوچ نا خاہوت کیچ ہوشاپ نا ہند و سڑک آ ہڑاند بش کریسہ سڑک ءِ ہن بر کن بندکرینے۔

زمان بلوچ ءِ مُسہ دے مالو تربت آن پاکستانی لشکر دزگیر کننگ آن گڈ تینتون اوار دریسس ہراڑان گڈ او پاش کننگتنے ورنا نا زوراکیئٹ بیگواہی نا بابت پریس کانفرنس کریسہ خاہوت نا پاننگ ئس کہ سپاھان نا مار زمان ہرا کیچ ئنا علاقہ بالگتر نا ہندی ئسے اودے 10 فروری 2023 جمعہ نا دے تربت بازار آن زوراکی ئٹ بیگواہ کننگا و دائسکان اونا ہچو حوال اس اف۔

خاہوت پارے کہ دا اولیکو وار اف کہ زمان ءِ زوراکی ئٹ بیگواہ کننگانے بلکن داڑان مالو ہم زمان بلوچ و اونا ایلم ماجد بلوچ ءِ 9 جون2020 ئٹ سکیورٹی ادارہ غاک زوراکی ئٹ بیگواہ کریر ہرافتے شش تُو بے دادی نا گواچی کننگ آن گڈ یلہ کننگا۔ خاہوت پارے کہسکیورٹی ادارہ غاک چرجوئی تون ننا خاہوت ءِ خُلیفنگ ءُ و ننا خاہوت نا بندغ آتے ٹک کریسہ زوراکی ئٹ بیگواہ کننگ ءُ۔ خاہوت نا پینپاننگ ئس کہ زمان بلوچ نا زند ئنا بابت ننے بھاز خُلیس ءِ۔

بلوچستان اکیڈمی نا سروکی ٹی مُسہ دے ئی عطاشاد ادبی مجلس نا درو باقاعدہ بناء مس۔ بلوچ نوشتکار و دانشور یوسف گچکی،بلوچستان نا مسکوہی سر وزیر ڈاکٹر عبدالمالک بلوچ تون اوار فیتہ ءِ کاٹ کریسہ مجلس نا بناء ءِ کرے۔

بنائی وخت آ بلوچستان اکیڈمی تربت نا چیئرمین پروفیسر ڈاکٹر غفور شاد، ڈاکٹر نعمت اللہ گچکی، عبید شاہ، پروفیسر غنی پرواز،بجار بلوچ، اے ڈی سی کیچ تابش بلوچ، اے سی تربت بھرام سلیم، آل پارٹیز کیچ ئنا کنوینر خالد ولید سیفی و ایلو سیاسی، چاگڑدی وادبی بندغ آک ساڑی ئسر۔

عطاء شاد ادبی مجلس نا درو نا دے پنی آ ادیب و دانشور ڈاکٹر شاہ محمد مری، پروفیسر فاروق بلوچ، پروفیسر غلام رسول خالد،صوبائی مشیر پی ایچ ای لالا رشید دشتی، قاضی مبارک، غنی پہوال، ڈاکٹر بدل خان، اسحاق رحیم، ڈاکٹر فضل خالق، اسلم تگرانی،بھرام بلوچ، وہاب بلوچ، خلیل تگرانی، عارف حکیم، پروفیسر ندیم اکرم، ارشاد پرواز، میجر رسالدار اسماعیل خالق، خان محمد جانگچکی و ایلوفک اوار ئسر۔ دا وخت ورنا تون اوار زالبول تا اسہ بھلو کچ اس ہم ساڑی ئس۔

مجلس آن نیشنل پارٹی نا سروک ڈاکٹر عبدالمالک بلوچ، بلوچستان اکیڈمی تربت نا چیئرمین پروفیسر ڈاکٹر غفور شاد، پروفیسر صبوربلوچ، واجہ عبداللہ و ایلوفک تران کریسہ عطاشاد ادبی مجلس ءِ کیچ ئنا چاگڑدی و ادبی تاریخ ئٹ اسہ پاش ءُ ودکی اس پن تسر۔

اوفک پاریر کہ عطاشاد بلوچ ادب نا روشن ءُ پِن اس ئس اونا کذیت دے آ داخس بھلن کچ ئنا مجلس عطاشاد ئنا ادبی شرف آ جوانوٹیکی ئسے۔

بلوچستان اکیڈمی تربت نا کنڈ آن مُسہ دے ئی ادبی مُچی برجاء ءِ ہرا نا اولیکو دے اِرا کتاب نا مون پاشی مس دافتیٹ فضل بلوچ نا مٹکروک کسہ تا کتاب ‘منتخب بلوچی کہانیاں‘ و قدیر لقمان نا افسانہ نا کتاب ‘نمدی جاھے سربوت‘ اوار ءُ اوفتیا پروفیسر اے آر داد وشارف شاد تبصرہ کریر۔

مجلس ئٹ “عطاشاد یادوں کے دریچے میں” نا سرحال آ پینل ڈسکشن ئٹ ڈاکٹر نعمت اللہ گچکی، یوسف عزیز گچکی، بجار بلوچ وڈاکٹر فضل خالق ہیت کریر ہرا ٹی ممتاز یوسف ماڈریٹر ئس۔ پروفیسر غنی پرواز نا کسہ و اونا لائخی آ پینل ڈسکشن ئٹ پروفیسر ڈاکٹرآے آر داد، شرف شاد و محسن بالاچ بشخ الکر ہرا نا ماڈریٹر قدیر لقمان ئس۔

مجلس نا گڈیکو بشخ بلوچی خلقی شئر تیکن گچین کننگاسس، ہرا ٹی پہلوان عظیم کلاہوی و پہلوان شیر محمد تینا لائخی درشانیکریر اندن سرونز ئٹ ماسٹر عارف مزار و ایلوفک اوار مسر۔

مجلس ئٹ تیوہ پاکستان آن 30 آن زیات شینکار آک کتاب مُچی ہڈ تننگ ءُ ہرا ٹی اسہ اندازہ ئسے نا رد ئٹ اولیکو دے لکھ آتیٹ کتابآک بہا مسنو۔

بلوچستان نا ضلع دکی ٹی شکبر گاڑی ءِ توننگ آ سلاء بند بندغ آک پولیس آ سم کاری کریر،سم لگینگ نا سوب آن اسہ کارندہ اس مرگئنا گواچی مس۔

ایس پی سید صبور آغا نا پاننگ ءِ دوشمبے نا دے دکی نا علاقہ دے ٹکی بائی پاس نا ہند آ پولیس اسہ مشکوک گاڑی ئسے توننگ ناکوشست کرے ہرانا سوب آن گاڑی ٹی سوار سلاء بند بندغ آک پولیس آ سم کاری کریر، سم کاری نا سوب آن اے ایس آئی محمد سلیمویل ئنا ہند ساہ تس۔

اندن پولیس نا پارہ غان ہم سم کاری کننگا ولے جلہو کروک آک نرینگ ٹی سرسہب مسر پولیس نا کہوک آ کارندہ نا جون پوسٹ مارٹم کناسپتال آ سر کننگ آن گڈ ویل ئنا سر و سوج بناء کننگا۔

ایس پی سیدصبور آغا نا رد ئٹ ویل دزی ناس لگیک دز 14 سولر شمسی پلیٹ،اسہ کلاشنکوف و میگزین اس ہم ہند ہلیسہ نرانے ویل آنگڈ پولیس ڈودار آتا پٹ و پول ءِ بناء کرینے اندن پین کاروائی ہم برجاہ ءِ۔

بلوچستان نا ضلع قلات نا علاقہ منگچر ٹی بجلی نا بیدس پڑو و مرغن ہننگ نا برخلاف برانزی وڑ ئٹ کراچی کوئٹہ بھلا روڈ بند کننگانے، ہرانا سوب آن ہزار آ مسافر و مال دروک گاڑیک گٹ مسونو و کسر نا ہڑتوما پارہ آتیان گاڑیک مرغنو لیک اسیٹ سلوک ءُ ۔

برانز کروک آک پاریر بجلی نا بیدس پڑو ہننگ آن کشت کشار آک بھس مسونو بیست و چار گھنٹہ ٹی بیرہ ارا گھنٹہ بجلی تننگ اُست ہسونی نا ہیت ئسے۔

او پاریر کہ کیسکو نا بے دادی ننے شل کرو تخو، ارا گھٹنہ بجلی تننگ نا سوب آن کشت و کشار آتے دیر تننگ بھاز مر ئنا ہیت ئسے موبائل آک ہم چارج مننگ کپسہ، زمیندار تپہ کیسکو نا بے دادی نا سوب آن لڈ و ہنپ کننگ آ بیوس مننگ ءِ۔

اوفتا پین پاننگ اس کہ بجلی آن مروک کاریم تا سوب آن ارائی و کاروباری بندغ آک ہم بجلی نا بیدس پڑو ہننگ کن سختی تا گواچی مننگ ءُ اگہ کیسکو بجلی ءِ بحال کتو گڑا تیوہ تپہ آتیان تعلق تخوک بندغ آک واپڈا نا برخلاف بش مرور و دانا تیو ذمہ واری کیسکو آ خلینگو۔

پاکستان نا پِنی آ اداکار و مہماندار ضیا محی الدین 91 سال نا سَن ئٹ کراچی ٹی بیران مس و اونا نماز جنازہ ڈفینس فیز فور ٹی خواننگانے ۔

سنہ 1931 ٹی پنجاب نا شار فیصل آباد ٹی ودی مروک ضیا محی الدین پاکستان نا اولیکو فلم ” تیری یاد ” ءِ نوشتہ کریسس ۔

تینا کُبین و جادوئی توار نا سوب آن بندغ آتا اُست آتیٹ ہند جوڑ کروک ضیا محی الدین نا کہنگ آ تیوہ پاکستان ٹی اوڑکن مہر کروک آک ڈُکھ نا درشانی کننگو۔

اردو ادب و شاعری نا جہان ٹی سوگوْ ہند تخوک آن لائن پورٹل ‘ریختہ’ اسہ ٹوئٹ اسیٹ نوشتہ کرے کہ ‘ضیا محی الدین نا کہنگ اُست ہلوک ڈکھ ئسے، ہراڑان اسہ اندُنو ہورکی اس ودی مس ہرا اسُل پُر مفرو۔’

ضیا محی الدین 1949 ٹی گورنمنٹ کالج لاہور آن گریجویشن کریسس اندن اوکان گُڈ آسٹریلیا و انگلینڈ ٹی ہم خوانیسہ کرے۔ او رائل اکیڈمی تھیٹر آرٹس تون ہم تفوک ئس و ڈائریکشن نا تربیت ہم ہلک اندن اداکاری و صداکاری نا کنڈا ہم ہنا۔

اوکان گُڈ ہم او تلہ تون تفوک ئس و بھاز آ ڈرامہ آتیان بیدس منہ ہالی وُڈ فلم آتیٹ ہم کاریم کرے۔

سنہ 1970 ٹی ہرا وخت او پاکستان آ ہنا گڑا پاکستان ٹیلی ویژن آ ‘ضیا الدین شو’ نا پِن ئٹ سٹیج پروگرام ءِ بناء کرے ہرا بھاز ارفنگا۔

اندا وڑ او اسہ پاکستانی فلم ‘مجرم کون’ ئٹ ہم کاریم کریسس۔ او پی آئی اے آرٹس اکیڈمی نا ڈائریکٹر نا اوغدہ آ ہم کاریم کریسہ ئس۔

ضیا محی الدین ادبی فن پارہ تا صداکاری نا زریعت ئٹ پیش کننگ کن گچین چاہنداری تخاکہ او پی ٹی وی آن بیدس کہی نجی چینلز آتا پروگرام آتیٹ ہم اہم مضامین و ناول آتا اقتساب آتے خوانیسہ بنفے۔

اودے تغمہ حسن کارکردگی و ہلال امتیاز تون اوار پین داد ہم تننگا۔

ترکیہ و شام ئٹ 6 فروری آ مروک زمین جمب آن مرگ آتا کچ 34 ہزار آن گدرینگانے۔

ترک ڈیزاسٹر اینڈ ایمرجنسی مینجمنٹ اتھارٹی یک شمبے آ پڑو کرے کہ تدوکا ہفتہ ٹی ملک ئنا جاندم ئٹ بروک زمین جمب آن زیمیمروک آتا کچ ودیسہ 29 ہزار 605 مسنے۔ ترکی نا سرکاری “ٹی آر ٹی” چینل ڈیزاسٹر مینجمنٹ نا بابت پارے کہ اسہ لکھ 47 ہزار934 بندغ ءِ رکھوک جاگہ تیا دننگانے۔

ایلو پارہ غا سیریئن آبزرویٹری فار ہیومن رائٹس پارینے کہ شام ئٹ مرگ آتا کچ 5,273 اسکان سر مسنے۔ دا کچ 7 ہزار اسکان سرمننگ کیک۔

زمین جمب آن بھس مروک ماڑی تا کیرغ آن بندغ آتے کشنگ برجاء ءِ، ترکیہ ٹی 140 گھنٹہ آن گڈ 7 تُو ئنا چنا ئسے ہِس تیان کشنگانے،داڑان بیدس 136 گھنٹہ آن گڈ 13 سال ئنا مسڑ ئسے ہم ہِس تیان کشنگا، اسہ پین ماڑی ئسے نا کیرغ آن 70 سال ئنا ترک زالبولئسے کشنگاسس۔

ترک وزارت انصاف بے سوگوْ تعمیرات ئٹ اوار انگا بندغ آتا دزگیری نا وارنٹ شینک کریسہ 12 بندغ ءِ دزگیر کرینے۔

برجاء سال 3 فروری آ کوئٹہ آن پاکستانی لشکر نا دو آن بیگواہ رشیدہ زہری و رحیم زہری نا خاہوت نا کنڈ آن لسبیلہ پریس کلب نا مونااسہ دپدرشانی اس کننگا۔

دپدرشانی لسبیلہ پریس کلب نا مونان بناء مس و بنجائی بازار حب آن تدیسہ واپس لسبیلہ پریس کلب نا مونا بریسہ برانز کننگا۔ ہرا ٹیبھلو کچ اسیٹ زالبول و چناک اوار مسر۔

دا دپدرشانی بلوچ سیاسی راہشون، دانشور آک تران کریر و رشیدہ بلوچ و رحیم بلوچ نا زوراکی ئٹ بیگواہی نا مذمت کریسہ پاریر کہریاستی فورسز آک تینا ملک ئنا آئین و قانود ءِ لتاڑیسہ 3 فروری آ کوئٹہ ئٹی گشکوری ٹاؤن ناشناس کالونی آن چاکر خان زہری نا ماررحیم زہری ءِ اونا اسہ سالی مسڑ دعا زہری، چار سالی مار یحیٰ زہری، اونا زائیفہ رشیدہ زہری و لُمہ بس خاتون ءِ بیدس عدالت آندزگیر کریسہ اوفتے زوراکی ئٹ بیگواہی نا گواچی کننگا و دزگیر آن بس خاتون و اونا نواسہ تے یلہ کننگا اندن رشیدہ زہری و رحیمزہری دائسکان ریاستی زندان ئٹ قیذ ءُ، ریاستی فورسز و اوفتا ڈھکوک ادارہ تا چرجوئی تون بلوچ زالبول و چنا تے زوراکی ئٹ بیگواہینا گواچی کننگ بندغی حق آتا لتاڑنگ ئسے۔

اوفک پاریر کہ برجاء فروری نا تُو ئٹ جتاء جاگہ تیٹ جشوک جونک خسنگانو و بلوچستان نا جتاء علاقہ تیان بندغ آتے زوراکی ئٹبیگواہی نا گواچی کننگانے، دا ملک ئنا تہٹی بلوچ، پشتون، و سندھیک رکھوک افس ہڑدے بیدس عدالت آن بندغ آتے بیگواہ کننگک،اسٹیبلشمنٹ نا مونا ملکی عدالت آتے ہچو اہمیت اس اف ہرا نا برجاء مثیل حفیظ زہری نا ءِ ہرادے عدالت نا کنڈ آن شرف ئٹ یلہ کننگ آنگڈ کسر ئٹ ڈھکوک ادارہ تا کارندہ غاک بھاز بے دادی نا گواچی کریسہ دوارہ بیگواہ کننگ نا کوشست کریر ہراڑان دا پاش مریک کہملک ئٹ عدلیہ نا ہچو کڑد اس اف۔ بیگواہ بندغ تا معاملہ غا کمیشن جوڑ کننگا ولے دا بیرہ پن ئنا کمیشن و بندغی حق آتا ادارہ غاکبلوچستان ئٹ بیدس عدالت آن زوراکی نا بیگواہی تا معاملہ غا بے وس ءُ۔

لسبیلہ پریس کلب نا مونا مروک برانز ئٹ نیشنل ڈیموکریٹک پارٹی نا بنجائی آرگنائزر شاہ زیب بلوچ، اے این پی نا ضلعی صدر لالامنان افغان، بی ایس او نا مسکوہی کماش عمران بلوچ، بلوچ اسٹوڈنٹس فرنٹ حب زون ئنا صدر حمل بلوچ، بندغی حق آتا باسکعبداللہ بلوچ، بی ایس او پجار حب زون ئنا صدر عارف بلوچ، نواز برفت و ایلوفک تران کریسہ تینا خیال آتا درشانی کریر و حکومتوخت، جہانی بندغی حق آتا ادارہ تیان بیگواہ رشیدہ بلوچ و رحیم بلوچ نا رکھوک یلہ مننگ کن اہم کڑد سر تننگ نا خواست کریر۔