بلوچ نیشنل موومنٹ نا محکمہ چاگڑدی جوانکاری تینا رپورٹ ئٹ پارے کہ ضلع آواران نا تحصیل جاھو ٹی بلوچستان نا محکمہ تعلیم25 اسکول بند کریسہ کیہی اسکول آتے پاکستانی فوج ئنا دو ٹی تسنے، ہراڑان تیوہ ضلع ٹی ہمو اسکول تیٹ خوانفنگ نا عمل تیوہ بندءِ۔ دا اسکول آتے بند کننگ نا وخت پانزدہ سال، دئے سال، ہفت سال ،پنچ سال، شش سال، اِرا سال و اسہ توہ ئنا نیام ئٹ ءِ۔

رپورٹ نا رد ئٹ بوائز پرائمری اسکول زیرکانی جاھو تدوکا پنچ سال، بوائز پرائمری اسکول واستی گوٹھ جاھو تدوکا پنچ سال، بوائزپرائمری اسکول وادی بجار جاھو تدوکا پنچ سال، بوائز پرائمری اسکول عثمان چنال گوٹھ جاھو تدوکا اسہ توہ، بوائز پرائمری اسکولسورگر جھاؤ  تدوکا دئے سال،  بوائز پرائمری اسکول سری ٹڑانچ جاھو تدوکا پنچ سال ، بوائز مڈل اسکول نوندڑہ  پیلار جاھو تدوکاپنچ سال، بوائز پرائمری اسکول نرمگی جاھو تدوکا اِرا سال، بوائز پرائمری اسکول نیک محمد گوٹھ جاھو تدوکا پانزدہ سال، بوائزپرائمری اسکول ملاگزی جاھو تدوکا ہشت سال، بوائز پرائمری اسکول میر ابراہیم کنڈی جاھو تدوکا پنچ سال، بوائز پرائمری اسکولمیتگو جاھو تدوکا پنچ سال، بوائز مڈل اسکول مردانگو نوندڑہ جاھو تدوکا دئے سال، بوائز پرائمری اسکول لاڑاندری جاھو تدوکا اسہسال، بوائز پرائمری اسکول کچ کمبی جاھو تدوکا پانزدہ سال، بوائز اسکول کورک پیلار جاھو تدوکا پانزدہ سال، بوائز پرائمری اسکولکولنج نوندڑہ جاھو تدوکا دئے سال، بوائز اسکول کوہڑو جاھو تدوکا نوہ سال، بوائز پرائمری اسکول  کریم جان بازار جاھو تدوکا اسہتوہ، بوائز پرائمری اسکول کپور پیلار جاھو تدوکا پنچ سال، بوائز پرائمری اسکول کلاتو جاھو تدوکا پنچ سال، بوائز پرائمری اسکولجمعہ محمد حسنی گوٹھ جاھو تدوکا اِرا سال، بوائز پرائمری اسکول جکی جاھو تدوکا یک و نیم سال، بوائز پرائمری اسکول سوادانجاھو تدوکا پنچ سال و بوائز پرائمری اسکول حکیم داد گوٹھ نوندڑہ جاھو تدوکا ہفت سال آن بند ءِ۔

بی این ایم نا محکمہ چاگڑدی جوانکاری نا کنڈ آن شنگ مروک رپورٹ ئٹ پاننگانے کہ ضلع آواران نا تحصیل جھل جاھو اسہ پد تموکعلاقہ سے، ہراڑے نہ تعلیم نا آسراتی ارے و نئے جانجوڑی نا آسراتی۔تعلیم و صحت آن بیدس حوالکاری و ہِن ءَ بر نا بست و بند ہمخراب مننگ نا سوب آن مخلوق ءِ ہِن ءَ بر ٹی باز ہڑاند آتون مون تروئی تمک۔ جھل جاھو نا کیہی خلق آتا بھلو آبادی اس تعلیم نا آسراتیآن پد تموک ءِ۔ تیوہ علاقہ ٹی گیشتر اسکول آک یا تو بند ءُ یا اوفتے پاکستان آرمی و ایف سی تینا چوکی و کیمپ جوڑ کرینے۔

رپورٹ ئٹ پاننگا کہ بی این ایم نا محکمہ چاگڑدی جوانکاری تون بیست و پنچ اسکول آتا ریکارڈ ارے ہرا کیہی وخت آتیان بند ءُ ہرافتاسوب آن نہ بیرہ علاقہ نا چناک تعلیم آک پد تمنگ ءُ بلکہ او اسکول آتے فوج ئنا دو ٹی تریسہ جاھو نا الس ئنا ذہنی و جسمانیاستحصال مننگ ئٹی ءِ۔

بی این یم نا رد ئٹ اسکولوں آتے بند کننگ آن پاش مریک کہ ریاست پاکستان و اونا ذمہ وار ادارہ آک بلوچ قوم ءِ تعلیم آن پد بٹنگ نا چماس کننگ ءُ ہرا جھاؤ نا چُنا تے تعلیم آن پد بٹینو۔

بی این ایم نا سیکریٹری چاگڑدی جوانکاری ماسٹر اقبال بلوچ پارے کہ بلوچ نیشنل موومنٹ نا محمکہ چاگڑدی جوانکاری ءِ اڈ تننگ نامسخت بلوچستان ئٹ جانجوڑی و تعلیم نا حالیت و بلوچ باہوٹی تا ویل آتا پیدواری کریسہ جہانی ادارہ آتے دا ویل آتا کنڈ آ پام تننگ ءِتاکہ جہان نا مہذب آ ڈیہک چار کہ پاکستان نا چٹی کروکا نو آبادیاتی بست و بند بلوچ الس ئنا زند آتے نہ بیرہ ڈکھیائی کرینے بلکہپاکستان نا استحصالی بست و بند بلوچ الس ئنا ذہنی ،معاشی،چاگڑدی استحصال تون اوار تعلیمی استحصال ہم کننگ ءِ تاکہ بلوچقوم شعور آن پد تمیسہ تینا قومی حق آتیان بے پام مرے و پاکستان نا کوزہ بلوچستان آ پین سوگو مرے۔

او پارے کہ بلوچستان نا جتا ضلع آتیٹ کیہی اسکول آک بند ءُ یا اوفتے فوجی کیمپ جوڑ کننگانے، بی این ایم نا محکمہ چاگڑدیجوانکاری دا بارو ئٹ رپورٹ ہم شنگ کرو تاکہ بلوچستان ئٹ تعلیم نا بد حالی ءِ پاش کننگ مرے۔

بلوچ لبریشن آرمی نا شعبہ شینکار “ہکل” بی ایل اے نا سال 2022 ئٹ غٹ کاروائی تا رپورٹ “دک” ءِ شینک کرے، سالانہ رپورٹ نا ردئٹ 188 جلہو ئٹ 364 آن زیات پاکستانی فوجی کارندہ مرگ ئنا گواچی و 155 آن زیات ٹپی مسنو۔

“دک” ئنا پن ئٹ شینک مروک سالانہ رسالہ ٹی بی ایل اے مجید بریگیڈ نا “آپریشن گنجل” و اولیکو بلوچ فدائی زالبول شاری بلوچ نابارو ئٹ خاص پنہ غاک اوار ءُ اندن بی ایل اے نا اسپیشل ٹیکٹیکل آپریشنز اسکواڈ (ایس ٹی او ایس) نا بارو ئٹ ہم خاص پنہ اس اوارکننگانے۔

بی ایل اے رپورٹ نا رد ئٹ تدوکا سال گل ئنا 35 سنگت شہید مسر، 46 گاڑی و ٹاور آک بھس مسنو اندن اِرا فوجی کیمپ آ کوزہکننگا۔

خیال ئٹ مرے کہ فدائی جلہوک پنجگور، نوشکی و کراچی ٹی ایسری تننگار، پنجگور و نوشکی نا جلہو تیٹ بی ایل اے مجید بریگیڈ ناجلہوکار آک ہڑتوما کیمپ آتیا مُسہ دے اسکان کوزہ ءِ برجاء تخار اندن کراچی ٹی چینی آفیشلز آتیا مجید بریگیڈ نا اولیکو زالبول فدائیشاری بلوچ جلہو کریسس۔

رپورٹ نا رد ئٹ پاکستانی لشکر نا 14 آلہ کار مرگ ئنا گواچی اندن 13 ٹپی و چار ءِ زندہ دزگیر کننگا۔ یاتی مرے کہ دزگیر مروک آتیٹپاکستانی لشکر نا اسہ کرنل اس ہم اوار ءِ ہرادے بی ایل اے بلوچستان نا علاقہ زیارت آن اونا اسہ سنگت ئسے تون اوار دزگیر کریسہاوکان گڈ مرگ ئنا گواچی کریسس اندن ایلو اِرا کارندہ ءِ ہرنائی آن دزگیر کننگا۔

رپورٹ ئٹ پاننگانے کہ تدوکا سال بی ایل اے 9 اسپیشل آپریشن ایسری تسنے ہرافتیٹ اِرا ہیلی کاپٹر، اسہ ڈرون اس خلنگا اندن اسہآپریشن اسیٹ فورسز آتا سلاء تے کوزہ کننگانے۔

دسیک ننکے خاخر گلاب آن خولیکک

امر تما ہول اٹ کتاب آن خولیکک

خولیکک او فکری آ ورناتا دک آن

شعوری آ او انقلاب آن خولیکک

خنک خنتا مون آ تینا او زوالے

سوال آن خولیکک جواب آن خولیکک

یزید اس خُلنگے تینا کڑد و کار آن

فرعون اس تینا احتساب آن خولیکک

دا بد زوق آ بے شوق آ خن شیف آ جاتؤ

سرونز آن خولیکک رباب آن خولیکک

دا ورناکو گنڈوک رزاقی آ فکر ئٹ

دا خضداری آ ہر وقاب آن خولیکک

میرین بلوچ

بلوچستان نا بنجائی شار شال ئٹ زوراکی نا بیگواہی تا برخلاف برجاء برانزی کیمپ ئٹ بیگواہ جاوید شمس نا لمّہ اوار مریسہ تینا مارئنا آجوئی نا خواست کرے۔

لمّہ نا پاننگ ئس کہ 31 اگست 2021 نا نن کوئٹہ کیچی بیگ ئٹ ننا اُراغان کنا مار جاوید شمس ءِ پاکستانی لشکر دزگیر کریسہ بےڈس ءُ جاگہ سے آ درے ہرا داسکان بیگواہ ءِ۔

او پارے کہ کنا مار ئنا آجوئی کن کنا مسڑ کمیشن آتیا ہنانے واہم اونا آجوئی داسکان منکن مننگ کتنے۔

اونا پاننگ ئس کہ سیکورٹی کارندہ آک اونا مار ءِ اونا خن تا مونا گریسہ تینتو دریر و اوفتے اونا بارو ئٹ ہچو معلومداری تننگ متنے۔

او ذمہ وار آتیان خواست کرے کہ اودے اونا مار ئنا بارو ئٹ معلومدارے تننگ مرے و اودے زوت یلہ کننگ مرے۔

او پارے کہ اگہ کنا مار قانود آن چپ کاریم اس کرینے تو اودے قانودی وڑ ئٹ سزا تننگ مرے تاکہ ای انتظار نا دڑد و اذیت آن پیشتمو،دا وڑ اودے بیگواہ کننگ و کنتون اوار کنا خاہوت تون بےانصافی نا انتہاء ءِ۔

او تینا مار ئنا آجوئی کن بندغی حق آتا ادارہ آتیان خواست کرینے کہ کنا مار ئنا آجوئی کن تینا کڑد ءِ ایسری ایتر تاکہ نن دا اذیت آنپیشتمن۔

عورت فاؤنڈیشن تینا سالانہ کچ و حساب ءِ شنگ کرے۔ بلوچستان ئٹ زالبول تیا بےدادی نا تدینی تیٹ 2022 نا سال ئٹ ودکی مسنے،66 زالبول خون کننگانو–

تنظیم نا سروے رپورٹ نا رد ئٹ بلوچستان ئٹ زالبول تیا بےدادی نا تدینی تیٹ پاش ودکی مسنے، 2022 ٹی 66 زالبول خون کننگانو و2021 ٹی خون مروکا تا کچ 57 ئس۔

بے سرکاری تنظیم عورت فاونڈیشن نا کنڈ آن شنگ مروک کچ و حساب نا رد ئٹ 2022 ٹی زالبول تیا بےدادی نا 95 تدینی رپورٹ مسنوو 2021 ٹی زالبول تیا بےدادی نا 78 تدینی مونا بسوسر۔ تدوکا سال جتا تدینی تیٹ 66 زالبول ءِ کسفنگانے۔

تنظیم نا رپورٹ نا رد ئٹ سال 2021 ٹی خون مروکا زالبول تا کچ 57 ئس 2022 ٹی سیاہ کاری نا پنا 19 زالبول ءِ کسفنگا و 2021 ٹیسیاہ کاری نا پنا  28 زالبول کسفنگاسر، 2022 ٹی اُرائی جیڑہ آتیا مُسہ زالبول خودکشی کریسر 2021 ٹی اِرا زالبول اُرائی جیڑہآتیا خودکشی کننگ آ بےوس مسوسر۔

تنظیم نا رپورٹ نا رد ئٹ 2022 ٹی اِرا زالبول برمتہ مسر و 2021 ٹی دا کچ ہشت ئس۔ بندغی حق آتا باسک آک بلوچستان ئٹ ودوکابےدادی نا تدینی تا اسہ بنداوی سوب انصاف نا نہ تننگ ءِ پاریر۔

او پاریر کہ دا وڑ ئنا تدینی تیٹ ہرا بندغ آتا دو مریک اوفتے انصاف نا کٹہرہ ٹی ہتنگ مرے تاکہ دا عمل ءِ ایسر کننگ مرے۔

زالبول تا حق آتیکن کاریم کروکا باسک آک بلوچستان ئٹ زالبول تیا بےدادی کروکا بندغ آتا برخلاف قانود آ سختی ئٹ عمل کننگ ناخواست کریر۔

بندغی حق آتا باسک و وکیل ایمان زنیب مزاری چاگڑدی حوالکاری ویب سائٹ ٹوئٹر آ پارے کہ بلوچ خوانندہ آتیکن ہچو جاگہ سے آ امنو جارات اف۔

او اسہ واقعہ سے نا بارو ئٹ نوشتہ کرے کہ دا باز اُست ءِ ہسون کروکو ہیت ئسے کہ چار بلوچ خوانندہ زرس مُست راولپنڈی نا علاقہشمس آباد ٹی پنڈی فوڈ سٹریٹ نا مونا سلوک ئسر کہ پنجاب پولیس نا کارندہ آک اوفتے تنگ کننگ بناء کریر۔ کارندہ آک تینا پن تے پاشکننگ آن نمن کریسہ وڈیو ریکارڈنگ کروکا خوانندہ نا موبائل ءِ ہم پُھلار۔

ایمان نا رد ئٹ او ہڑتوما خوانندہ آتا عکس آتون اوار اوفتا شناختی کارڈ نا عکس آتے ہم ہلکنو۔

ایمان مزاری پائک کہ بلوچ خوانندہ آتون نسلی تعصب تون اوار دا ہم پاننگا کہ نُم بلوچ آک ساندہ بے قانودی کاریم تیٹ تُد مریرے۔ ہراوخت بلوچ ورناک پاریر کہ او خوانندہ ءُ تو پولیس کارندہ آک ورندی تسر کہ او خوانندہ لگیپسہ۔

او پارے کہ مگہ تیوہ ڈیہہ ئٹی بلوچ خوانندہ آتے تنگ کننگ نا دا لڑ ایسر مرو؟

ایرانی سیکورٹی کوالخواک دےکہی بلوچستان نا ہندی اِرا ایڑ ءِ دزگیر کریسہ نادرست جاگہ آ درینو۔

حوال تا رد ئٹ دےکہی بلوچستان نا ہندی اِرا ایڑ غزل پاکزاد و ریحانہ پاکزاد ءِ تدوکا دے قانود ٹہیفوک ادارہ غاک بنجائی شار زاہدانآن دزگیر کریسہ تینتون دریر۔

حوال تا رد ئٹ قانود ٹہیفوک ادارہ تا دو آن دزگیری آن گڈ ہڑتوما زالبول تے نادرست جاگہ آ دننگا اندن دزگیری آن گڈ اوفتا سوشل میڈیاہینڈل تا پروفائل آک ہم بدل کننگانو۔

خُلیس دا پاش کننگک کہ ہڑتوما ایڑ تے ایران ئٹ برجاء حکومت نا برخلاف برانز آتا مُخ تفی ٹی تینا چاگڑدی حوالکاری اکاؤنٹ آتیا موادشینک کننگ نا سوب آن دزگیر کننگانے، واہم ایرانی کوالخواہ تا کنڈ آن دا بارو ئٹ ہچو ہیت اس مونا بتنے۔

یاتی مرے ایران ئٹ برجاء حکومت نا برخلاف برانز آتیٹ اوار مروک کہی شاری تے داکان مالو ہم دزگیر کننگانے، بندغی حق آتا ادارہ تارد ئٹ ایرانی فورسز برانز آتیٹ اوار مروک شاری تے بیر ئنا گواچی کننگے۔

بندغی حق آتا تنظیم تا دعویٰ ءِ کہ برانز آتا بناء مننگ آن گڈ داسکان کم آن کم 14 ہزار بندغ ءِ دزگیر کننگانے، اندن 63 چنا تون اوار کمآن کم 458 بندغ بیران مسنو، شاری تا کہنگ آک کل آن زیات دےکہی بلوچستان ئٹ مسر۔

ایران ئٹ تدوکا سال مہیسا امینی پنی ءُ زالبول نا اخلاقی پولیس نا دو آن دزگیری و خون آن گڈ تیوہ ایران ئٹ برانز آک بناء مسوسر۔مہیسا امینی نا خون ئنا برخلاف برانز آتا لڑ اینو ہم ایران نا جتاء علاقہ تیٹ برجاء ءِ۔

استو بلوچستان نا علاقہ ڈھاڈر ئٹ پاکستانی لشکر نا بنجائی کیمپ آ مروک جلہو نا ذمہ واری ءِ بلوچ لبریشن آرمی ارفے۔

ہندی حوال تا رد ئٹ سلاء بند بندغ آتا بھلو کچ اس کیمپ آ جلہو کرے ہرانا سوب آن تیوہ علاقہ ٹی تراک و سم کاری نا توار بِننگا۔

بلوچ لبریشن آرمی نا ترجمان جیئند بلوچ بیان اس شینک کریسہ پارے کہ بی ایل اے نا سرمچار آک سبی نا علاقہ ڈھاڈر، سوران ئٹٹہیفوک کوزہ گیر پاکستانی لشکر نا بنجائی کیمپ ئنا چوکی ءِ استو اسہ جلہو اسیٹ ٹک کریر۔

او پارے کہ سرمچار آک راکٹ و ایلو بھلا سلاء تیٹ دژمن آ جلہو کریر، سنگر نا تہٹی راکٹ نا تمنگ آن دژمن نا اِرا کارندہ جاگہ غا مرگئنا گواچی مسر۔ بیست منٹ اسکان برجاء مروک جلہو ئٹ دژمن ءِ جانی و مالی نسخان تون مون تروئی تما۔

جیئند بلوچ پارے کہ جلہو آن گڈ دژمن لشکر جتاء پارہ تیا کہی مارٹر گولہ خلک واہم سرمچار آک سوگو منصوبہ بندی نا رد ئٹ تینارکھوک جاگہ تیسکان سر مسر۔

جیئند بلوچ پین پارے کہ بلوچ لبریشن آرمی دا جلہو نا ذمہ واری ءِ ارفک و دا ہیت ءِ دوارہ کیک کہ آزات وطن نا دوئی کننگ اسکان نناکاروائیک برجاء مرور۔

سندھ بلوچستان نا سیم جیکب آباد نا ہند آ سندھ پولیس یوٹیلیٹی اسٹور آتا نُت آتیان لوڈ ٹرک آتے تورے۔

نصیرآباد و سبی ڈویژن ئٹ نُت ئنا نیستی ترندی ئٹ ودنگ ءِ، 40 کلو نُت ئنا تھیلہ 6600 روپئی آن زیات مس۔

یوٹیلیٹی اسٹور آتیٹ بننگ کن مزور آک کم پوریا ہلوک بندغ آتا قطار لگا، نُت رسینگ کتو تا۔

شابیتی حوال تا رد ئٹ بلوچستان نا علاقہ سبی ریجن نا یوٹیلیٹی اسٹور آتیکن بروکا یوٹیلیٹی اسٹور آتا نُت آتے سندھ پولیس بےچاننگوک سوب سندھ بلوچستان نا بھلا روڈ آ جیک آباد نا سیم آ تورے ہراڑان علاقہ ٹی نُت ئنا نیستی ودی مسنے۔ الس مزور طبقہ کمپوریا سرکاری ملازم آتا نُت ہلنگ کن قطار لگا ولے سندھ پولیس یوٹیلیٹی اسٹور آتا نُت آتے الیتو۔

اندن یوٹیلیٹی اسٹور سبی ریجن نا ریجنل منیجر ملک محمد اکبر شاہوانی حوال کننگا پارے کہ سندھ پولیس نا کنڈ آن یوٹیلیٹی اسٹورآتا نُت آتے توننگ آ نُت ئنا نیستی ودی مرو، یوٹیلیٹی اسٹور آتیا الس ئنا مُچی ودنگ ءِ، سندھ پولیس نا کنڈ آن بلوچستان نا یوٹیلیٹیاسٹور آتا نُت آتے توننگ آ صوبائی وزیر ریونیو سکندر خان عمرانی،صوبائی وزیر ایریگیشن حاجی محمد خان لہڑی سوختئی نادرشانی کریسہ وزیر اعلی سندھ سید مراد علی شاہ آن نوٹس ہلنگ نا خواست کریر۔

بلوچستان نا بنجائی شار شال ئٹ گیس ہننگ نا سوب آن اُرا ٹی تراک مس ہراڑان اسہ بندغ اس ہُشنگیسہ ٹپی مس۔

حوال تا رد ئٹ یک شمبے نا دے شال ئنا علاقہ سریاب روڈ شفیع کالونی ٹی کیس ہننگ نا سوب آن تراک مس ہرا نا سوب آن تنویرشاہوانی پنی ءُ بندغ اس ہُشنگیسہ ٹپی مس۔

بست و بند ٹپی مروکا ءِ جانجوڑی کمک کن اسپتال آ سر کرے۔

یات مرے کہ شال تون اوار بلوچستان نا جتا علاقہ آتیٹ سیڷ ئٹ گیس پریشر ئٹ کمبوتی و بند مننگ نا سوب آن دا وڑ ئنا تدینیک مریرہ۔

داکان مُست بلوچستان نا ضلع لسبیلہ ٹی سلنڈر تراک آن پد خاخر لگاسس ہرا نا سوب آن بیست ئنا کچ بندغ کسکر۔

بلوچستان ئٹ چلہ نا مُد ئٹ گیس لیکج و تراک آتا تدینیک ہر بروکا دے مریرہ ہرا نا بنماسی سوب آتیان اسٹ گیس پریشر ئٹ کمبوتیتون اوار بندغ آتا تینا لاپرواہی ہم اوار ءِ۔