بلوچستان نا علاقہ تربت، شاہرگ و ڈھاڈر ئٹ پاکستانی لشکر آ جلہو مسنے اندن ڈیرہ غازی خان ئٹ گیس پائپ لائن جلہو ئٹ بھسکننگا۔

بلوچستان آن پنجاب آ ہنوک گیس پائپ لائن ءِ استو ننکان نادرست بندغ آک تراک ئٹ بھس کریر ہراڑان کہی علاقہ تیا گیس ئنا ہننگ بندمس۔

گیس پائپ لائن ءِ ڈیرہ غازی خان نا علاقہ غازی گھاٹ نا ہند آ بھس کننگا، تراک آن گڈ خاخر لمبہ کرے۔

پن کروک جلہو نا ذمہ واری ءِ بلوچ ریپبلکن گارڈز ارفینے۔ بی آر جی نا ترجمان دوستین بلوچ تینا شینک کروک بیان ئٹ پارے کہ نناسرمچار آک سوئی گیس پلانٹ آن پنجاب آ ہنوک سی و شش (36) قطر نا گیس پائپ لائن ءِ ڈیرہ غازی خان نا ہد آتیٹ تراکی مواد ئٹبھس کریر ہرانا سوب آن پنجاب نا کہی ضلع تیا گیس ئنا ہننگ تیوہ وڑ ئٹ بند مس۔

ایلو پارہ غا بلوچستان نا علاقہ تربت ئٹی استو اسہ چغلی بمب جلہو اسیٹ پولیس کارندہ ٹپی مس۔

شابیتی حوال تا رد ئٹ نادرست بندغ آک تربت مچھلی بازار آن خڑک ایگل اسکواڈ نا کارندہ تے چغلی بمب جلہو ئٹ ٹک کریر ہراڑانعبداللہ پنی ءُ کارندہ اس ٹپی مس۔

بمب جلہو آن گڈ جلہوکار آک جاگہ آن نرار اندن ٹپی آ کارندہ ءِ اسپتال آ دننگا۔ پولیس جلہوکار تے پٹنگ ءِ بناء کریسس۔

دا جلہو نا ذمہ واری ءِ بلوچستان لبریشن فرنٹ ارفینے۔ پن کروک گل ئنا ترجمان میجر گہرام بلوچ تینا شینک کروک بیان ئٹ پارینے کہسرمچار آک تربت ئٹی مچھلی بازار آن پولیس نا ایگل فورس نا کارندہ تے چغلی بمب ئٹ ٹک کریر ہراڑان اسہ کارندہ اس ٹپی مس۔ اوپارے کہ پن کروک ہند آ مالو پاکستانی ایف سی نا چوکی ئس ہرافتیا جلہو مننگ آن گڈ دژمن ریاست تینا لشکر نا جاگہ غا پولیس ءِسلیفے۔

بلوچستان نا ضلع ہرنائی نا علاقہ شاہرگ ئٹ پاکستانی لشکر ءِ اسہ بمب جلہو اسیٹ ٹک کننگانے۔

حوال تا رد ئٹ شاہرگ ئٹ فورسز نا بمب ڈسپوزل اسکواڈ نا کارندہ تیا ہموتم بمب جلہو کننگا ہراتم او گیلانی نا علاقہ آن گدرینگ اسر۔

پن کروک جلہو نا ذمہ واری ءِ بلوچ لبریشن آرمی نا ترجمان جیئند بلوچ ارفیسہ پارینے کہ سرمچار آک دژمن لشکر نا بمب ڈسپوزلاسکواڈ نا کارندہ تے شاہرگ نا علاقہ گیلانی ٹی ہموتم ٹک کریر ہراتم کم و ود پنچ کارندہ کسر آن گدرینگ اسر، تراک نا پلویڑ ئٹ بننگآن مُسہ کارندہ ٹپی مسر۔

ایلو پارہ غا اینو بلوچستان نا علاقہ ڈھاڈر ئٹ سنی نا ہند آ پاکستانی لشکر نا بنجائی کیمپ آ جلہو کننگا۔

ہندی حوال تا رد ئٹ سلاء بند بندغ تا بھلو کچ اس کیمپ آ جلہو کرے ہرانا سوب آن تیوہ علاقہ ٹی تراک و سم کاری نا توار بِننگا۔

واہم داسکان جلہو نا وڑ و نسخان تا بابت ہچو ہیت اس مونا بتنے و نئے کہ اسہ گل ئسے نا کنڈ آن جلہو نا ذمہ واری ارفنگانے۔

بلوچستان ئٹ تدوکا سال نا ایسری گریشہ آن اِرا خوانندہ، سرگودھا یونیورسٹی ٹی قانود  ئنا خوانندہ سراج نور و عارف گاجیان نازوراکی نا بیگواہی ئٹ مس و پوسکنا سال نا بناء مننگ آن گڈ بلوچستان نا بنجائی شار کوئٹہ و ضلع کیچ نا جتاء علاقہ تیان داسکانہشت ورنا زوراکی ئٹ بیگواہی نا گواچی مسنو۔

بلوچستان ئٹ زوراکی نا بیگواہی تے بلوچ راجی جنز ءِ ایسر کننگ کن اسہ سلاء ئسے نا وڑ کاریم ئٹ ہتنگک۔ بیست و یکمی کرن نااولیکو دہائی ٹی بناء مروک جہد ءِ توننگ کن جہد اتون تفوک سیاسی باسک و جہدکار تا زوراکی نا بیگواہیک بناء کننگار و زوراکی ئٹبیگواہ ہزار آ بندغ تا سُم تیٹ خُلوکا جونک سڑک نا کرک و بیابان تیٹی رسینگ بناء مسر و داسا گمانی وڑ ئٹ پولیس نا کاؤنٹر ٹیررازمڈیپارٹمنٹ دروغ نا مونتس تیٹ زوراکی ئٹ بیگواہ مروک بندغ تا خون ئٹ اوار ءِ۔

زوراکی ئٹ بیگواہ مروک بندغ تا خاہوت آتا گل وائس فار بلوچ مسنگ پرسنز نا رد ئٹ بلوچستان آن ہزار آ بندغ آک زوراکی ئٹ بیگواہ ءُ وزوراکی نا بیگواہیک چرجوئی ئٹ برجاء ءُ۔ ماما قدیر و بیگواہ بندغ تا خاہوت آک سینزدہ سال آن زوراکی ئٹ بیگواہ مروک بندغ تا یلہمننگ کن پریس کلب کراچی و کوئٹہ نا مونا برانزی کیمپ ئٹ تولوکو۔ زوراکی ئٹ بیگواہ مروک بندغ تا خاہوت آک تینا دوستخواہ تا یلہمننگ کن بھلو وخت ئسے آن جہد کننگو، بیگواہ بندغ تا یلہ مننگ کن چرجوئی ئٹ برانز، دپدرشانی و تولوک برانز آک مننگو۔

زوراکی نا بیگواہی تیان ہزار آ خاہوت آک معاشی و نفسیاتی وڑ ئٹ زہمی مسنو ولے پاکستان نا اختیاردار آک بیرہ کمیشن جوڑنگ ئٹاختہ ءُ، بلوچستان ہائی کورٹ نا پاننگ آ جوڑ کروک اعلیٰ اختیاراتی پارلیمانی کمیشن صوبائی وزیر داخلہ ضیاء لانگو نا سروکی ٹیجوڑ کننگانے ہرا بلوچستان ئٹ بندغ تا زوراکی ئٹ بیگواہی تیان نمن ءِ۔ دا وڑ ئنا کمیشن تیان زوراکی نا بیگواہی تے توننگ کن اوفتا بےسوبری پاش مریک و ایلو پارہ غا جہانی بندغی حق آتا ادارہ تا چھپی آن بلوچستان ئٹ بندغ نیستی ودی مسنے۔

بلوچستان نا ضلع کیچ آن پاکستانی لشکر اِرا بندغ ءِ دزگیر کننگ آن گڈ نادرست جاگہ آ درینے۔

شابیتی حوال تا رد ئٹ استو پاکستانی لشکر ضلع کیچ نا علاقہ گومازی آن اِرا بندغ ءِ دزگیر کننگ آن گڈ نادرست جاگہ آ درینے ہرافتاچاہنداری بلال ولد غفور و عمیر ولد داد محمد ہند گومازی نا پن تیٹ مسنے۔

حوال تا رد ئٹ ہڑتوما ورنا تے ننکان دو بجہ نا وخت فورسز آک چھاپہ خلیسہ دزگیر کرینو۔

یاتی مرے کہ بلوچستان ئٹ زوراکی نا بیگواہی تا تدینیک ہڑدے مونا بننگو۔

بارن و یخ تہوک کراچی آ مون کریر، یخ تہو تیان شار ئٹ یخ ئنا ترندی ٹی ودکی مرو۔

محکمہ مُد ئنا پاننگ ءِ کہ ایلو 24 ساعت ئٹی مُد بارن و یخ مننگ نا گمان ارے، شار ئٹ کم آن کم درجۂ حرارت 10 ڈگری سینٹی گریڈاسکان ہننگ کیک۔ یخ انگا تہو تا سوب آن شار ئنا درجۂ حرارت کم مننگ بناء مسنے، استو ننکان کراچی ٹی کم آن کم درجۂ حرارت 11 ڈگری سینٹی گریڈ ریکارڈ کننگا۔

بروکا 24 ساعت ئٹ کم آن کم درجۂ حرارت 10 ڈگری سینٹی گریڈ اسکان مننگ نا گمان ارے۔

موسمیاتی تجزیہ کار آتا رد ئٹ کراچی ٹی برجاء ہفتہ نن ئنا درجۂ حرارت سنگل ڈیجٹ ئٹ ہننگ کیک، نن ئٹ درجۂ حرارت 7 آن 9 و دےئٹ 23 آن 26 ڈگری سینٹی گریڈ اسکان مننگ نا گمان ارے۔

جاندمی تہوک اینو قطبی بلوچستان ئٹ پیہور، 7 یا 8 جنوری آ اسہ پین جاندمی تہو تا سسٹم اس بلوچستان نا کسر ئٹ ڈیہہ ئٹ بننگنا گمان ارے، 15 جنوری آن گڈ جاندمئ تہو تا سسٹم اسہ وڑ ڈیہہ ئٹ بننگ نا گمان ارے۔

محکمہ مُد ئنا پامداری نا رد ئٹ جاندمی تہوک 6 جنوری آ قطبی بلوچستان ئٹ برور، ہرا ہفتہ نا ایسری وخت آ بڑزیکو علاقہ آتیا زہمتخور، اوفتا رد ئٹ جاندمی و بڑزیکو علاقہ آتیٹ پِر و مش تیا برف تمنگ نا پیشن گوئی کننگانے۔

دا جاندمی تہو تا سوب آن 7 و 8 جنوری آ شال، ژوب، بارکھان، زیارت، نوکنڈی، دالبندین، ہرنائی ، قلعہ سیف اللّٰہ، قلعہ عبداللّٰہ، چمنو پشین ئٹ پِرو قطبی بلوچستان نا مش تیا برف تمنگ نا پین گوئی کننگانے۔

7 آن 9 جنوری پوٹھو ہار، اسلام آباد، مری، گلیات، کشمیر، گلگت بلتستان، چترال، سوات، مالا کنڈ، کوہستان و ایبٹ آباد ئٹ پِر ئناگمان ارے۔ پِر آن درجۂ حرارت ئٹ 5 آن 7 ڈگری سینٹی گریڈ اسکان کمبوتی مننگ کیک۔

محکمہ مُد ئنا رد ئٹ بارانی علاقہ آتیٹ پِر سلوکا کشت و کشار تیکن فائدہ مند مرو، پِر ئنا دے تیٹ مُج کم مرو۔ محکمہ مُد ئنا مشی آعلاقہ آتیٹ برف تمنگ آن اُلاخ آتا ہن و بر ئٹ ہڑاند تمنگ کیک۔ گلگت بلتستان و کشمیر ئٹ لینڈ سلائیڈنگ آن ہن و بر بند مننگ کیک۔

محکمہ مُد پامداری کرینے کہ پِر و برف تمنگ نا وخت آ ذمہ وار محکمہ آک محتاط مریر۔

بلوچستان ئٹ نہاد آ تیٹ ودکی و نُت ئنا نیستی آن الس فریشان۔ حکومت نُت ئنا نیستی ءِ توننگ ئٹی بےسہب۔ بلوچستان نا صنتعی شارحب ئٹی نُت ئنا کلو 160 اسکان سر مس و کُکُڑ نا سو الس ئنا دسترس آن پیشن مس۔

محکمہ خوراک بلوچستان نا کنڈ آن گچین کروک نُت ئنا ونڈ نا بے رسینگ نا سوب آن ضلع کیچ ئٹ نُت ئنا نیستی ودی مسنے۔

انجمن تاجران تربت عدالت آ سر مس۔ نُت، غلہ و کُکُڑ ہلنگ آ بے وس پرائس کنٹرول کمیٹی نہاد تا ودکی ءِ توننگ ئٹ اسُل بےسہب ءِ وکُننگ نا گڑا تا چیک اینڈ بیلنس نا ہچو وجود اس اف۔

بست و بند فوٹوسیشن کاروائی تسکان سلوک ءِ، شاریک منافع خور تاجر آتا دو آن لُٹ ئنا گواچی ولے سوج کروکو کس اف۔

دا بابت ئٹ پاننگک کہ بلوچستان ئٹ نُت و غلہ نا نیستی نا سوب صنعتی شار حب ئٹ منافع خور تاجر آک کُننگ نا گڑا، نُٹ، برنج توناوار کُکُڑ نا نرخ آتیٹ بے کچ ودکی کرینو۔

خواری کش تپہ و شاری تا بہا ئٹ کُن و خور نا گڑاتا ہلنگ نا تاغت اف۔ دا وخت آ حب شار ئٹ 40 کلو گرام نُت 6400 روپئی حب فلوملز 40 کلو گرام نُت 5600 روپئی و غلہ 50 کلو گرام 8800 روپئی آ بہا مننگ ءِ و برنج نا نرخ آتیٹ ہم فی کلو 40 روپئی ودانے۔ نرخآتا ودکی آ شاری تا پاننگ ءِ کہ حب شار ئٹ نرخ آتا ودکی غٹ ریکارڈ آتے پرغانے۔ سندھ، پنجاب و کے پی کے ٹی نُت ئنا نرخ آک کم ءُ وبلوچستان نا صنعتی شار حب ئٹی نُت ئنا نرخ آک آسمان تون ہیت کیرہ۔

کراچی نا مارکیٹ آک حب آن 25 کلومیٹر نا مُری آٹو داڑان بیدس حب ئنا شاری تے کراچی نا نرخ آتیا نُت بہا اٹ رسینگ اف۔

ضلع کیچ تینا ونڈ نا غلہ آتیان پد تموک ءِ۔ کراچی آن نُت بننگ نا سوب آن زیات نیستی ودی مننگ نا خلیس ارے۔ تدوکا توہ کن گچینمروک 7355 گوڑی تا جاگہ غا بیرہ 2000 گوڑی غلہ تننگانے، 9 لکھ ئنا آبادی نا ضلع کیچ کن محکمہ خوراک بلوچستان نا کنڈ آنگچین مروک غلہ نا ونڈ نا بےرسینگ نا سوب آن کیچ ئٹی نُت ئنا نیستی ودی مننگ ءِ۔

نُت نسوک مل تا حوال تا رد ئٹ محکمہ خوراک بلوچستان نا کنڈ آن تدوکا توہ صوبہ کن اسہ لکھ گوڑی غلہ بہا ہلنگا ہراڑان کیچ ئنا 9 لکھ ئنا آبادی کن دسمبر ئٹ 7355 گوڑی گچین کننگا، ہراڑان بیرہ 2 ہزار گوڑی کیچ ءِ تننگا۔ ہرا نا سوب آن مخلوق ضلع کن کراچی وایلو شار تیان بروک نُت آتیا گزران کننگ ءِ۔

بلوچستان نا ضلع خضدار ئٹ استو نا مروک چغلی بمب تراک نا ذمہ واری ءِ بلوچ لبریشن آرمی ارفے۔

شابیتی حوال تا رد ئٹ خضدار نا علاقہ مہران پمپ آن خڑک تراک ئٹ اسہ بندغ آفتاب شاہ ہند خضدار بھاز ٹپی مس۔

تدینی آن گڈ فورسز و پولیس جاگہ آ سر مریسہ ٹپی آ بندغ ءِ اسپتال آ دریر۔ پولیس نا رد ئٹ تراک نا پٹ و پول مننگے۔

حوال تا رد ئٹ تراک ئٹی پن کروک بندغ نا اسہ دو اس بھاز زیمی مسنے اندن خضدار ئٹ بنائی دارو درمان آن گڈ اودے گیشتر دارودرمان کن کوئٹہ آ دننگا ولے مرگ ئنا گواچی مس۔

بلوچ لبریشن آرمی نا ترجمان جیئند بلوچ بیان اس شینک کریسہ پارے کہ ننا سرمچار آک استو خضدار ئٹ کوزہ گیر پاکستانی لشکر ناڈھکوک ادارہ نا اہم کارندہ، آفتاب شاہ ءِ اسہ بمب جلہو اسیٹ مرگ ئنا گواچی کریر۔ دا کاروائی ءِ بلوچ لبریشن آرمی نا اسپیشلٹیکٹیکل آپریشنز اسکواڈ (ایس ٹی او ایس) نا سرمچار آک ایسری تسر۔

ترجمان پارے کہ بی ایل اے نا انٹیلی جنس ونگ منہ وخت مالو معلومداری تسوسس کہ خضدار کالونی نا ہندی آفتاب شاہ ولد عبداللہشاہ دژمن فوج ئنا پاننگ آ کاریم کروک آلہ کار ئسے، ہرا بلوچ آجوئی دوست آتا چر ئٹ اوار مننگ نا کوشست کریسہ آجوئی دوست آتابرخلاف کاریم کننگ نا کوشست ئٹی ءِ۔ پن کروک معلومداری تا سوب آن بی ایل اے نا سرمچار آک اوڑتون حوال کریر۔

جیئند بلوچ پین پارے کہ بی ایل اے نا اسپیشل ٹیکٹیکل آپریشنز اسکواڈ نا سرمچار آک آفتاب شاہ تون چم کریر و بمب جلہو ئٹ ٹککریسہ مرگ ئنا گواچی کریر۔

ترجمان پارے کہ آفتاب شاہ کوزہ گیر پاکستانی لشکر نا ڈھکوک ادارہ آئی ایس آئی نا اہم آلہ کار اس ئس، ہرا خضدار شار و زہریٹی آلہ کاری نا نیٹ ورک چلیفیکہ، ہرا کوزہ گیر لشکر نا پاننگ آ بلوچ ورنا تے زوراکی ئٹ بیگواہ کننگ، ٹارگٹ کلنگ و زر اکن برمتہکننگ تون اوار بلوچ جنز آجوئی نا برخلاف کاریم کننگ نا ڈوہدار ئس۔ پن کروک نیٹ ورک آتا ایلو کارندہ تے ہم زوت اوفتا ایسری اسکانسر کننگو۔

ترجمان پین پارے کہ بلوچ لبریشن آرمی دا جلہو نا ذمہ واری ءِ ارفک۔ نن درشان کینہ کہ کوزہ گیر لشکر نا تیوہ پیشتمنگ و اوڑتون مختفی کروک آتا ایسری اسکان ننا کاروائیک برجاء مرور۔

بلوچستان نا بنجائی شار کوئٹہ تون اوار ایلو علاقہ تیٹ چلہ نا بننگ تون گیس لوڈشیڈنگ تون اوار گیس لیکیج نا سوب آن تدینیک ہماسہ وڑ مونا بننگو۔

کوئٹہ ٹی گیس تراک ئٹ چار بندغ ہشنگسہ ٹپی مسر۔

شابیتی حوال تا رد ئٹ کوئٹہ نا علاقہ پشتون آباد ئٹ گیس لیکیج نا سوب آن تراک ئٹ 4 بندغ ٹپی مسر، ٹپی مروک آتے سول اسپتال آدننگانے۔

یاتی مرے کہ کوئٹہ تون اوار بلوچستان نا جتاء علاقہ تیٹ یخ آتا وخت آ گیس پریشر ئٹ کمبوتی و بند مننگ نا سوب آن دا وڑ ئنا تدینیکمونا بننگو۔

بلوچستان ئٹ یخ آتا مُد ئٹی گیس لیکیج و تراک آتیان تدینیک ہڑدے مونا بریسہ ءُ ہرانا بنداوی سوب آتیان اسٹ گیس پریشر ئٹ کمبوتیتون اوار بندغ آتا بے پامداری ہم اوار ءِ۔

ڈیرہ مراد جمالی ٹی سلاء بند بندغ آک سم کاری کریسہ زالبول تون اوار اِرا بندغ ءِ کسفیر۔

شابیتی حوال تا رد ئٹ ڈیرہ مراد جمالی  مال پڑی نا ہند آ سلاء بند بندغ آک سم کاری کریسہ اِرا بندغ ءِ کسفینو۔

کہوک آتا چاہنداری خادم حسین نا مسڑ ہند فلیجی و احمد ولد بختیار قوم ساوند ہند فلیجی نا پن تیٹ مسنے۔

پولیس جون تے دوئی کریسہ اسپتال آ سر کرینے۔ پولیس نا پاننگ ءِ کہ تدینی نا بابت پٹ و پول کننگ اُن بنائی پٹ و پول تیان گمانی وڑئٹ تدینی سیاہ کاری نا پن آ خون نا گمان مریک۔

بلوچستان نا علاقہ کاہان ئٹی اینو سہب ئنا مالو پاکستانی فوج آپریشن بناء کرے ہراٹی گن شپ و ایلو ہیلی کاپٹر آک بشخ ہلنگ ءُ۔

ٹی بی پی ءِ حوالکار آک پاریر کہ کوہلو و سبی نا مشی آ لڑ تے فوجی آپریشن پلویڑ کرینے و سبی کینٹ آن ہشت ئنا کچ گن شپ و ایلوہیلی کاپٹر آتا ہن و بر برجاء ءِ۔

کوالخواک داسکان دا بابت ئٹ ہچو ہیت کتنو وا ہم ہندی حوال تا رد ئٹ کاہان و ایب کیب ئٹ آپریشن برجاء ءِ۔

خیال مرے کہ تدوکا دے تیٹ کاہان ئٹ پاکستان فوج نا اسہ اُلاخ ئسے آ بمب جلہو ئسے نا بھرم ئٹ پاکستانی فوج ئنا کیپٹن فہد توناوار ہشت کارندہ خلنگ مسر و مُسٹ ٹپی مسر۔

پاکستانی فوج ئنا حوالکاری شعبہ (آئی ایس پی آر) نا پاننگ ئس کہ بلوچستان نا علاقہ کاہان ئٹ کلیئرنس آپریشن نا وخت آ دیسیجوڑ کروک بمب تراک ئٹ کارندہ آک بیران مسر۔

پن کروک جلہو نا ذمہ واری ءِ بلوچ لبریشن آرمی ارفے۔ داکان مُست تنظیم نا کنڈ آن تربت، کوگدان ئٹ ہم اسہ سلاء بند جلہو اسیٹپاکستانی لشکر نا قافلہ سے ٹی اوار اُلاخ آتے ٹک کننگا ہرا ٹی کوالخواک صوبیدار تون اوار پنچ بندغ نا کہنگ ءِ پک کریسر۔

کاہان ئٹ اینو فوجی آپریشن نا بارو ئٹ داسکان کوالخواہ تا کنڈ آن ہچو ہیت مونا بتنے۔

ایمنسٹی انٹرنیشنل ساؤتھ ایشیا نا کنڈ آن شنگ مروک بیان ئٹ پاننگا کہ گوادر ئٹ السی برانز ءِ حکومت نا کنڈ آن تاغت ئٹ توننگ نامذمت ءِ کینہ۔

ایمنسٹی انٹرنیشنل نا رد ئٹ 28 دسمبر آ مروکا برانز ءِ توننگ کن دمدستی قانود آتا نفاذ آن پد گوادر، بلوچستان ئٹ انٹرنیٹ نا بندکننگ ءِ زوت واپس ہلنگ مرے دا وڑ ئنا ہڑاند آک نہ تو المی ءُ و نئے کہ جوان ءُ، دُننگا گامک گوادر نا شاری حق آتے پُھلنگ نا بریبر ءُ۔

بیان ئٹ پاننگا کہ السی رکھ ئنا پنا دفعہ 144 نا نفاذ بندغی حق آتا پین برخلافی نا بہانہ جوڑ مف، حکومت نا کنڈ آن دننگا گامکشاری تے تینا حق آتیکن ایمنی ئٹ برانز کننگ آن توننگ نا چم ءُ۔

بیان ئٹ پاننگا کہ ایمنسٹی انٹرنیشنل ءِ خلیس ارے کہ انٹرنیٹ آ رکھ و دمدستی قانود آک بندغ آتا درشانی نا آجوئی، ایمنی ئٹ برانز،زاتی رکھ تون اوار ایلو بنماسی حق آتیا پین کریک ڈاؤن کن اسہ سپرنگ بورڈ ئسے نا کاریم کرور۔

ایمنسٹی انٹرنیشنل ساؤتھ ایشیا پارے کہ نن بلوچستان حکومت آن زوت گوادر ئٹ انٹرنیٹ سروس بحال کننگ و السی مُچی تیان رکھآتے مُر کننگ نا خواست کینہ۔