بلوچستان نا علاقہ سوراب ئٹی گیس ہننگ نا سوب آن مروکا تراک ئٹی چار بندغ بُن ہلکر۔

شابیتی حوال تا رد ئٹ کلی میروانی نا اسہ اُرا سے ٹی گیس ہننگ نا سوب آن مروکا تراک ئٹی اسہ خاہوت نا 4 بندغ ہُشنگانو۔

پولیس نا رد ئٹ تراک آن اُرا ٹی ساڑی چار بندغ ٹپی مسنو، ٹپی مروکا تیٹ اَرغ و زائیفہ و اِرا چنک سن ءُ چُنا اوار ءُ۔ ٹپی مروکا تے ڈی ایچ کیو اسپتال ئٹی بنداوی کمک تننگ آن گڈ ودیک جانجوڑی کن کوئٹہ آ رادہ کننگانے۔

بلوچستان ئٹی چلہ ٹی گیس ہننگ و تراک آتا تدینیک ہڑدے ئی بنیات آ مریرہ ہرا نا بنداوی سوب آتیٹ اسہ گیس پریشر ئٹی کمبوتی تون اوار بندغ آتا تینا بےپرواہی ہم اوار ءِ۔

کاؤنٹر ٹیررازم ڈیپارٹمنٹ خضدار آن تدوکا دے تیٹ زوراکی ئٹ بیگواہ مروک ورنا تا دزگیری ءِ پاش کرینے۔

اسہ ہفتہ ٹی سی ٹی ڈی نا کنڈ آن بلوچستان نا جتاء علاقہ تیٹ کاروائی نا دا چارمیکو دعویٰ ءِ اندن دا کاروائی تیٹ دزگیر پاش مروک مُسہ بندغ نا چاہنداری مالو آن زوراکی ئٹ بیگواہ مروک ورنا تیان مسنے۔

سی ٹی ڈی دعویٰ کرینے کہ تدوکا دے اسہ پک ذرائع ئسے آن سی ٹی ڈی ءِ حوال رسینگا کہ بلوچ لبریشن آرمی نا شکبر بندغ عبدالمنان و سرفراز احمد قانود ٹہیفوک ادارہ و حکومتی کاریم تیا کاروائی کننگ کن شور پارود قلات آن کوئٹہ نا کنڈ آ ہِننگ ءُ۔

بیان ئٹ دعویٰ کننگا کہ دا حوال آ سی ٹی ڈی ٹیم کوئٹہ درخشان ناکہ کوئٹہ سبی روڈ نا خڑک آ کاروائی کرے ہرا نا رد ئٹ موٹر سائیکل سوار تا ہن و بر ءِ بند کننگا، کاروائی نا وخت اسہ شکبر موٹر سائیکل ئسے سلنگ نا اشارہ کننگا ولے موٹر سائیکل سوار آک جاگہ آن نرّنگ نا کوشست کریر واہم کارندہ غاک اوفتے توننگ ئٹ سرسہب مسر ہراڑان پن کروک دوبہ دار تے دزگیر کننگا۔

سی ٹی ڈی کوالخواک پن کروک بندغ آتیان پنچ چغلی بمب، 1200 گرام C4 تراکی مواد، 2 کلو گرام پین تراکی مواد، چار الیکٹرک ڈیٹونیٹر، اسہ ریمورٹ کنٹرول کٹ، اسہ الفا فائر سسٹم ئس خننگ نا دعویٰ کرینو۔

ترجمان دعویٰ کرینے کہ بنائی سر و سوج نا وخت دوبہ دار آک آغا شکیل درانی تون اوار خضدار نا کہی حکومت تون مخ تفی کروک بندغ تے ٹک کننگ نا منصوبہ بندی ءِ منانو۔

دی بلوچستان پوسٹ ءِ پٹ و پول آن سماء تما کہ پن کروک ہڑتوم آ بندغ عبدالمنان ولد محمد موسٰی و سرفراز ولد نیاز ہند نوغے خضدار ءِ تدوکا تُوہ 30 اکتوبر آ فٹبال میچ آن بننگ وخت آ خضدار فیروز آباد آن زوراکی ئٹ بیگواہ کننگا۔ ہڑتوم آ ورناک میڈیکل اسٹور آ کاریم کریرہ۔

پن کروک بندغ تا تعلقداری زوراکی ئٹ بیگواہ رشید و آصف بلوچ نا خاہوت آن ءِ۔ تینا ایلم تا یلہ مننگ کن جہد کروک سائرہ بلوچ دا ورنا تا بیگواہ مننگ ءِ پک کریسہ تدوکا دے تیٹ چاگڑدی حوالکاری ویب سائٹ ٹوئٹر آ نوشتہ کریسس کہ کنا اِرا تاتہ مار سرفراز و منان 30 اکتوبر آ خضدار نا علاقہ فیروز آباد ئٹ فٹبال میچ کننگ کن ہنار، بننگ وخت آ سکیورٹی فورسز ایف سی نا وردی بینوک کارندہ غاک اوفتے دزگیر کریسہ نادرست جاگہ آ دریر۔

پن کروک ٹویٹ ءِ پاکستان نا پنی آ صحافی حامد میر ری ٹویٹ کریسہ سوج کریسس کہ بلوچ ورنا تیکن فٹبال کننگ ہم ڈوہ ئس جوڑ مسنے ؟

چار دے مالو کاؤنٹر ٹیررازم ڈیپارٹمنٹ قلات نا علاقہ منگچر آن ہم اسہ ورنا ئسے دزگیر کننگ نا دعویٰ کریسس پن کروک ورنا نا خاہوت ہم اونا زوراکی ئٹ بیگواہی نا بر خلاف برانز کننگ اس۔

سی ٹی ڈی بیان نا رد ئٹ قلات آن سی ٹی ڈی بلوچ لبریشن آرمی آن تعلقداری تخوک اسہ بندغ ولی اللہ لہڑی ءِ منگچر قلات روڈ آن دزگیر کریسہ اوڑان تراکی مواد خنانے۔

پن کروک ورنا نا خاہوت اونا دزگیر نا پاش مننگ آن مالو کوئٹہ وائس فار بلوچ مسنگ پرسنز نا برانزی کیمپ آ ہناسس و اوفک تینا برانز ءِ ریکارڈ کریسر۔

زوراکی ئٹ بیگواہ ولی اللہ لہڑی نا ایلم نا پاننگ ئس کہ کنا ایلم 23 سن ئنا ولی اللہ لہڑی ہند خاردان قلات، کالج ئٹ خواناکہ و اوکان گڈ قلات بازار ئ رزان بہا کروک دکان آ مزوری کریکہ۔ کنا ایلم ءِ 26 اکتوبر 2022 سئے بجہ نا وخت بیدس نمبر پلیٹ نا اِرا سرف اُلاخ بسر و مُسہ نادرست سلاء بند بندغ دکان آن تینتون اوار دریسہ زوراکی ئٹ بیگواہ کریر۔

داکان بیدس اسہ ہفتہ نا وخت ئٹ سی ٹی ڈی مستونگ آن اِرا بندغ نوروز و ظہیر، کوئٹہ آن عبدالواجد و جان محمد، حب چوکی ساکران روڈ آن دوست محمد و محمد اسماعیل ءِ کارروائی ٹی دزگیر کننگ، و اوفتیان سلاء و تراکی مواد خننگ نا دعویٰ کرینے۔

سی ٹی ٹی بلوچستان ئٹ داکان مالو کارروائی تیٹ کہی بندغ تے دزگیر کننگ نا دعویٰ کرینے واہم اوکان گڈ اوفتا چاہنداری مالو آن بیگواہ مروک بندغ تیان مسنے اندن ریڈ بک ئٹ اوار بھاز بندغ آک زوراکی ئٹ بیگواہ مروک آکو ہرا نا زی آ وائس فار بلوچ مسنگ پرسنز سوج ارفیسر۔

داکان بیدس سی ٹی ڈی نا کنڈ آن کہی کاروائیک دروغ پاننگانو ہرافتیٹ مالو آن بیگواہ بندغ تے خون کننگا۔

بلوچستان ئٹ زوراکی نا بیگواہی تا بر خلاف کاریم کروک تنظیم وائس فار بلوچ مسنگ پرسنز نا وائس چئرمین ماما قدیر بلوچ نا پاننگ ئس کہ ڈھکوک ادارہ غاک ڈی ٹی ڈی ءِ مون ئٹ تریسہ بے ڈوہدار ورنا تے برمتہ و شہید کننگ ءُ۔

ماما قدیر پارے کہ ایجنسیک اسہ پوسکنو چم ئس بناء کرینو ولے سی ٹی ڈی نا دروغ داسا پاش مسنے زوراکی نا بیگواہی و زالبول تا برمتہ نا باروٹ ریاست نا بیانیہ ساندہ دروغ مسنے۔

اونا پاننگ ئس کہ حکومت فوج نا مونا بیوس ءِ ضیاء لانگو دروغ تڑیسہ تینا خواجہ تا حق ءِ ایسری تننگ ءِ۔

کاؤنٹر ٹیررازم ڈیپارٹمنٹ خضدار آن تدوکا دے تیٹ زوراکی ئٹ بیگواہ مروک ورنا تا دزگیری ءِ پاش کرینے۔

اسہ ہفتہ ٹی سی ٹی ڈی نا کنڈ آن بلوچستان نا جتاء علاقہ تیٹ کاروائی نا دا چارمیکو دعویٰ ءِ اندن دا کاروائی تیٹ دزگیر پاش مروک مُسہ بندغ نا چاہنداری مالو آن زوراکی ئٹ بیگواہ مروک ورنا تیان مسنے۔

سی ٹی ڈی دعویٰ کرینے کہ تدوکا دے اسہ پک ذرائع ئسے آن سی ٹی ڈی ءِ حوال رسینگا کہ بلوچ لبریشن آرمی نا شکبر بندغ عبدالمنان و سرفراز احمد قانود ٹہیفوک ادارہ و حکومتی کاریم تیا کاروائی کننگ کن شور پارود قلات آن کوئٹہ نا کنڈ آ ہِننگ ءُ۔

بیان ئٹ دعویٰ کننگا کہ دا حوال آ سی ٹی ڈی ٹیم کوئٹہ درخشان ناکہ کوئٹہ سبی روڈ نا خڑک آ کاروائی کرے ہرا نا رد ئٹ موٹر سائیکل سوار تا ہن و بر ءِ بند کننگا، کاروائی نا وخت اسہ شکبر موٹر سائیکل ئسے سلنگ نا اشارہ کننگا ولے موٹر سائیکل سوار آک جاگہ آن نرّنگ نا کوشست کریر واہم کارندہ غاک اوفتے توننگ ئٹ سرسہب مسر ہراڑان پن کروک دوبہ دار تے دزگیر کننگا۔

سی ٹی ڈی کوالخواک پن کروک بندغ آتیان پنچ چغلی بمب، 1200 گرام C4 تراکی مواد، 2 کلو گرام پین تراکی مواد، چار الیکٹرک ڈیٹونیٹر، اسہ ریمورٹ کنٹرول کٹ، اسہ الفا فائر سسٹم ئس خننگ نا دعویٰ کرینو۔

ترجمان دعویٰ کرینے کہ بنائی سر و سوج نا وخت دوبہ دار آک آغا شکیل درانی تون اوار خضدار نا کہی حکومت تون مخ تفی کروک بندغ تے ٹک کننگ نا منصوبہ بندی ءِ منانو۔

دی بلوچستان پوسٹ ءِ پٹ و پول آن سماء تما کہ پن کروک ہڑتوم آ بندغ عبدالمنان ولد محمد موسٰی و سرفراز ولد نیاز ہند نوغے خضدار ءِ تدوکا تُوہ 30 اکتوبر آ فٹبال میچ آن بننگ وخت آ خضدار فیروز آباد آن زوراکی ئٹ بیگواہ کننگا۔ ہڑتوم آ ورناک میڈیکل اسٹور آ کاریم کریرہ۔

پن کروک بندغ تا تعلقداری زوراکی ئٹ بیگواہ رشید و آصف بلوچ نا خاہوت آن ءِ۔ تینا ایلم تا یلہ مننگ کن جہد کروک سائرہ بلوچ دا ورنا تا بیگواہ مننگ ءِ پک کریسہ تدوکا دے تیٹ چاگڑدی حوالکاری ویب سائٹ ٹوئٹر آ نوشتہ کریسس کہ کنا اِرا تاتہ مار سرفراز و منان 30 اکتوبر آ خضدار نا علاقہ فیروز آباد ئٹ فٹبال میچ کننگ کن ہنار، بننگ وخت آ سکیورٹی فورسز ایف سی نا وردی بینوک کارندہ غاک اوفتے دزگیر کریسہ نادرست جاگہ آ دریر۔

پن کروک ٹویٹ ءِ پاکستان نا پنی آ صحافی حامد میر ری ٹویٹ کریسہ سوج کریسس کہ بلوچ ورنا تیکن فٹبال کننگ ہم ڈوہ ئس جوڑ مسنے ؟

چار دے مالو کاؤنٹر ٹیررازم ڈیپارٹمنٹ قلات نا علاقہ منگچر آن ہم اسہ ورنا ئسے دزگیر کننگ نا دعویٰ کریسس پن کروک ورنا نا خاہوت ہم اونا زوراکی ئٹ بیگواہی نا بر خلاف برانز کننگ اس۔

سی ٹی ڈی بیان نا رد ئٹ قلات آن سی ٹی ڈی بلوچ لبریشن آرمی آن تعلقداری تخوک اسہ بندغ ولی اللہ لہڑی ءِ منگچر قلات روڈ آن دزگیر کریسہ اوڑان تراکی مواد خنانے۔

پن کروک ورنا نا خاہوت اونا دزگیر نا پاش مننگ آن مالو کوئٹہ وائس فار بلوچ مسنگ پرسنز نا برانزی کیمپ آ ہناسس و اوفک تینا برانز ءِ ریکارڈ کریسر۔

زوراکی ئٹ بیگواہ ولی اللہ لہڑی نا ایلم نا پاننگ ئس کہ کنا ایلم 23 سن ئنا ولی اللہ لہڑی ہند خاردان قلات، کالج ئٹ خواناکہ و اوکان گڈ قلات بازار ئ رزان بہا کروک دکان آ مزوری کریکہ۔ کنا ایلم ءِ 26 اکتوبر 2022 سئے بجہ نا وخت بیدس نمبر پلیٹ نا اِرا سرف اُلاخ بسر و مُسہ نادرست سلاء بند بندغ دکان آن تینتون اوار دریسہ زوراکی ئٹ بیگواہ کریر۔

داکان بیدس اسہ ہفتہ نا وخت ئٹ سی ٹی ڈی مستونگ آن اِرا بندغ نوروز و ظہیر، کوئٹہ آن عبدالواجد و جان محمد، حب چوکی ساکران روڈ آن دوست محمد و محمد اسماعیل ءِ کارروائی ٹی دزگیر کننگ، و اوفتیان سلاء و تراکی مواد خننگ نا دعویٰ کرینے۔

سی ٹی ٹی بلوچستان ئٹ داکان مالو کارروائی تیٹ کہی بندغ تے دزگیر کننگ نا دعویٰ کرینے واہم اوکان گڈ اوفتا چاہنداری مالو آن بیگواہ مروک بندغ تیان مسنے اندن ریڈ بک ئٹ اوار بھاز بندغ آک زوراکی ئٹ بیگواہ مروک آکو ہرا نا زی آ وائس فار بلوچ مسنگ پرسنز سوج ارفیسر۔

داکان بیدس سی ٹی ڈی نا کنڈ آن کہی کاروائیک دروغ پاننگانو ہرافتیٹ مالو آن بیگواہ بندغ تے خون کننگا۔

بلوچستان ئٹ زوراکی نا بیگواہی تا بر خلاف کاریم کروک تنظیم وائس فار بلوچ مسنگ پرسنز نا وائس چئرمین ماما قدیر بلوچ نا پاننگ ئس کہ ڈھکوک ادارہ غاک ڈی ٹی ڈی ءِ مون ئٹ تریسہ بے ڈوہدار ورنا تے برمتہ و شہید کننگ ءُ۔

ماما قدیر پارے کہ ایجنسیک اسہ پوسکنو چم ئس بناء کرینو ولے سی ٹی ڈی نا دروغ داسا پاش مسنے زوراکی نا بیگواہی و زالبول تا برمتہ نا باروٹ ریاست نا بیانیہ ساندہ دروغ مسنے۔

اونا پاننگ ئس کہ حکومت فوج نا مونا بیوس ءِ ضیاء لانگو دروغ تڑیسہ تینا خواجہ تا حق ءِ ایسری تننگ ءِ۔

بلوچستان نا ضلع خضدار ئٹ پِر نا دیر ئٹ وہوک کل بندغ تا جوْنک کشنگانو۔

خضدار اندراجی چیلکی نا ہند آ تدوکا دے پر نا دیر ئٹ وہوک آتیٹ اسہ زالبول و مُسہ چنا اوار اسر تدوکا دے اسہ زالبول و اسہ چنا ئسے نا جون کشنگاسس، اسہ چنا نا جوْن ننکان کشنگا اندن اسہ پین چنا ئسے نا جوْن اینو سہب نا کشنگانے۔

تدوکا دے پر نا دیر ئٹ وایسہ بیران مروک آتا چاہنداری 35 سال نا فریدہ بی بی، 8 سالی سلمہ بنت محمد نواز، 7 سالی شکیلہ بنت محمد حنیف و 14 سال نا بانی بنت محمد ایوب نا پن تیٹ مسونو۔

بست و بند نا رد ئٹ علاقہ نا مُری و کسر تا خواری نا سوب آن ڈکھیائی تون مون تروئی تما واہم کوشست آتیان گڈ دیر ئٹ وہوک غٹ جونک کشنگار۔

بست و بند المی کارروائی آن گڈ جوْن تے خاہوت آتا دوٹی تس۔

بلوچستان نا دارالحکومت کوئٹہ ٹی زورٹ بیگواہی تا خلاف پریس کلب نا مونا وائس فار بلوچ مسنگ پرسنز نا برانزی کیمپ ءِ 4816 پورو مس۔

اینو بی این پی نا راہشون پاکستانی وزیر آغاحسن بلوچ و اوڑتون اوار ایلو باسک آک کیمپ آ بسر خاہوت آتون است اسونی نا درشانی کریر۔

دا وخت تنظیم نا وائس چیرمین ماماقدیر بلوچ پارے کہ زورٹ بیگوائی و بلوچستان آن زالبول تا دزگیری آ ریاست نا ہیت آک ہر وخت دروغ ءُ۔

او پارے کہ پاکستان نا بے دادی تا مرغن مون انگا نن تا  تاریخ نا بے حساب چائنداری و نہ چائنداری نا خوفناک ظالم تا کسہ آتیٹ نوشت کروک ءُ، ہراڑے ورنا تا دتر تا پڑیک ریاستی عقوبت خانہ آتا مون انگا زندان تا دیوال تیا یا گلزمین نا مش تیا نقش ءُ دن ءُ پین اخس مون ءُ شام ننا بشخ ئٹی تموک ءُ ہراڑے بلوچ ورنا تا پیشانیک بیدس کوس پاکستانی ریاست نا لوشت سم تا گواچی مریرا۔

او پائے کہ کوئٹہ آن مند اسکان نن بیگواہ بندغ آتا  چشوک آ جونک خننگانو و دا لڑ برجاہ ءِ۔

اونا پین پاننگ ئس کہ ڈھکو ادارہ آک سی ٹی ڈی ءِ سلاء اس جوڑ کریسہ بلوچستان ٹی اسہ پوسکنو چم بازی اس بناء کرینو ولے سی ٹی ڈی نا درغ داسا پاش مسونے و دا فورس نا تیوہ آ  کاروائیک داڑے ڈھکوک ءُ،او پارے کہ حکومت فوج نا مونا بیوس ءِ ننے  ہشار مریسہ تینا بندغ آتے بچفوئی ءِ۔

بلوچستان نا ضلع پنجگور و خضدار ئٹ اِرا جتاء جلہو تیٹ قوضہ گیر پاکستانی لشکر و ڈھکوک ادارہ تا ہندی کارندہ تے ٹک کننگ نا ذمہ واری ءِ بلوچ لبریشن آرمی ارفے۔

حوال تا رد ئٹ تدوکا دے پنجگور نا علاقہ بالگتر ئٹ سلاء بند بندغ آک پاکستانی لشکر نا کیمپ آ جلہو کریر، حوالکار آک دعویٰ کریسر کہ جلہو ئٹ پاکستانی لشکر ءِ نسخان رسینگانے۔

ایلو پارہ غا خضدار نا علاقہ چمروک ئٹ اینو نا مروک بمب تراک ٹی اسہ بندغ ئس مرگ ئنا گواچی اندن پنچ ٹپی مسنو۔

علاقئی حوال تا رد ئٹ بمب تراک نا ٹک اسہ کار اُلاخ ئس اس ہرا تراک نا دک ئٹ بس و اُلاخ ئٹ سوار بندغ آک ٹپی مسر۔ حوال تا رد ئٹ پن کروک اُلاخ نا تعلقداری پاکستانی ڈھکوک ادارہ تون مخ تفی کروک ٹولی ڈیتھ اسکواڈ آن ءِ۔

پولیس نا رد ئٹ ٹپی تے سول اسپتال آ سر کننگا، ہراڑے بھاز ٹپی مننگ نا سوب آن اسہ بندغ ئس کسک۔

بلوچ لبریشن آرمی نا ترجمان جیئند بلوچ میڈیا آ شینک کروک بیان اسیٹ پارینے کہ بی ایل اے نا سرمچار آک پنجگور و خضدار ئٹ اِرا جتاء جلہو تیٹ قوضہ گیر پاکستانی لشکر و ڈھکوک ادارہ تا ہندی کارندہ تے ٹک کریسہ دژمن ءِ بھاز نسخان تسر۔

او پارے کہ سرمچار آک اولی جلہو ءِ تدوکا دے پنجگور نا علاقہ بالگتر ئٹ سہاکی چمگ نا ہند آ قوضہ گیر پاکستانی لشکر نا کیمپ آ کریر۔ سرمچار آک ہڑتوم آ پارہ غاتیان راکٹ و ایلو کُبین سلاء تیٹ اسہ وخت آ جلہو کریر، کم و ود بیست منٹ اسکان برجاء مروک دا جلہو ئٹ قوضہ گیر لشکر نا مُسہ کارندہ جاگہ آ مرگ ئنا گواچی و کم و ود چار کارندہ ٹپی مسر اندن دژمن نا اِرا سنگر ہم بھس مسر۔

ترجمان پارے کہ بی ایل اے نا سرمچار آک اینو اسہ پین جلہو اسیٹ خضدار ئٹ چمروک نا ہند آ پاکستانی لشکر و ڈھکوک ادارہ تا جوڑ کروک ڈیتھ اسکواڈ تا اہم کارندہ نائب عبدالغنی و عبدالطیف ءِ مقناطیسی بمب جلہو ئٹ ٹک کریر۔ پن کروک بندغ آک ڈھکوک ادارہ تا سروکی ٹی خضدار و ایب کیب ئٹ قوضہ گیر لشکر تون اوار بلوچ ورنا تا زوراکی ئٹ بیگواہی، فوجی آپریشن تیٹ تُد مننگ تون اوار بلوچ اُلس ئنا ڈغار تیا قوضہ، نشہ بہا کننگ و بندغ تے زر اکن برمتہ کننگ ئٹ اوار اسر۔ پن کروک ٹولی تون تفوک ایلو بندغ تا ہم چاہنداری مسنے ہرافتے زوت اوفتا ایسری آ سر کننگو۔

جیئند بلوچ گڈ سر ئٹ پارے کہ بلوچ لبریشن آرمی دا ہڑتوم آ جلہو تا ذمہ واری ءِ ارفک، قوضہ گیر لشکر و اوڑتون مخ تفی کروک آتیا ننا جلہو آک ترندی تون اوار برجاء مرور۔

خواست آتا مننگ کن بلوچستان فزیوتھراپی ایسوسی ایشن نا 150 دے اسکان علامتی بین ہڑتال و اوکان گڈ داسا ایسری ساہ اسکان بین ہڑتال نا پڑو کریے۔

بلوچستان فزیوتھراپی ایسوسی ایشن تینا شینک کروکا بیان ٹی پارے کہ تدوکا  پنج تو ئنا سے تینا پنج جائز و آئینی خواست آتا حق اکن کوئٹہ پریس کلب نا مونا علامتی بین ہڑتال کیمپ خلیسہ تسوسن ولے حکومت بلوچستان و چیف ایگزیکٹیو بلوچستان نا بے پامی و بے زمہ وارانہ رویہ ءِ ئسے وڑ تخانے لس مخلوق نا ویل آتے گٹو کریسہ ہر وخت ئنا وڑ تینا جند ئنا استخوئی و مفاد آتے پامداری تننگ خیلس نا ہیت ئسے۔

او پاریر کہ وزیراعلیٰ بلوچستان تون مذاکرات مس ہرا ٹی ننا تیوہ آ  خواست آتے جائز پاریسہ منار و نوٹیفکیشن شینک کننگ نا وعدہ کریر ولے حکومت بلوچستان ننا ویل آتے ایسر کننگ نا جاگہ آ تینا طاغت نا زور آ ننے آ لٹ و کٹ، کیرینگ تننگ و بےسہب دفعات خلیسہ 10 دے اسکان ننے جیل ٹی تخار۔

بیان ٹی پاننگا کہ چیف ایگزیکٹو بلوچستان عبدالقدوس بزنجو تون مذاکرات ءِ اینو 25 دے گدرینگانے ولے ننا نوٹیفکیشن ءِ شینگ کتنو،حکومت نا دا بے پامی رویہ ءِ اریسہ نن تیان ایسری ساہ اسکان بین ہڑتال آ تولینگ نا پڑو کرینون ولے بھاز است اسونی ئٹ پاروئی تمیک کہ ننا مسہ سنگت بیست و چار گھنٹہ اسکا سہب شام ترند آ پر و یخ ئٹی بینگون تولوک ء۔

ولے حکومت نا پارہ غان ہچ ء پامداری نا گام خننگ افن نن حکومت بلوچستان و وزیراعلیٰ بلوچستان آن زورٹ خواست کینا کہ زوت آن زوت ننا جائز خواست آتے منیر اللہ کپ کہ ننا سنگت آتے گڑاس مرے اونا  ذمہ وار حکومت بلوچستان و وزیراعلیٰ بلوچستان مرور۔

بلوچستان نا ضلع خضدار آن پاکستانی لشکر اِرا بندغ ءِ دزگیر کننگ آن گڈ نادرست جاگہ آ سر کرینے۔

حوال تا رد ئٹ پاکستانی لشکر اِرا ورنا عبدالمنان ولد محمد موسٰی و سرفراز ولد نیاز ہند نوغے خضدار ءِ زوراکی ئٹ بیگواہ کرینے۔

ورنا تا زوراکی ئٹ بیگواہی تا تدینی تدوکا تُوہ 30 اکتوبر آ فٹبال میچ آن بننگ وخت آ خضدار فیروز آباد ئٹ مونا بسنے، ہڑتوم آ ورناک میڈیکل اسٹور آ کاریم کریرہ۔

بلوچستان آن زوراکی نا بیگواہی تا لڑ چرجوئی ئٹ برجاء ءِ، برجاء ہفتہ ٹی پاکستانی لشکر نا دو آن قلات، پنجگور، بولان تون اوار جتاء علاقہ تیان زوراکی نا بیگواہی تا 9 کیس رپورٹ مسنو۔

تدوکا دے تیٹ قلات خزینئی نا علاقہ ٹی پاکستانی لشکر آپریشن نا بناء کرے و ہندی بندغ تے بے دادی نا گواچی کریسہ اِرا بندغ خالق داد و عبدالحکیم ءِ دزگیر کریسہ نادرست جاگہ آ سر کریسس، اندن قلات شیخ حاجی آن کلیم اللہ ولد علی گل مینگل ءِ ہم دزگیر کننگ آن گڈ بیگواہ کریسس۔

اندا وڑ اِرا دے مالو پنجگور گچک نا علاقہ لوہڑی ٹی پاکستانی لشکر اُرا تیا چھاپہ نا وخت زالبول و چنا تے بے دادی نا گواچی کننگ آن گڈ ایاز ولد مبارک بلوچ پنی ءُ ورنا ئسے بیگواہ کریسس۔

برجاء ہفتہ زوراکی نا بیگواہی تا اسہ پین تدینی اسیٹ اِرا اُلاخ ئٹ سوار سلاء بند بندغ آک توفک نا زور آ مُسہ بندغ مغل ولد محمد ہند شہرک، امید ولد چار شمبے، رستم ولد نظر ہند بالگتر ءِ برمتہ کریسہ تینتون اوار دریسر ہرا داسکان پاش کننگتنو۔

بلوچ نیشنل موومنٹ نا رپورٹ نا رد ئٹ تدوکا تُوہ اکتوبر ٹی پاکستانی لشکر نا دو آن 38 بندغ زوراکی ئٹ بیگواہ کننگانو اندن پولیس زوراکی ئٹ بیگواہ مروک 14 بندغ ءِ دروغ نا مونتس ئٹ خون کرینے۔

ایلو پارہ غا بلوچستان ئٹ زوراکی نا بیگواہی تا بر خلاف برانز تا لڑ تدوکا کہی سال تیان برجاء ءِ بلوچستان نا سیاسی تنظیم آک زوراکی نا بیگواہی تا لڑ ءِ توننگ و بیگواہ بندغ تے مونا ہتنگ نا خواست کننگ ءُ۔

بلوچستان نا علاقہ بولان آن تدوکا دے تیٹ فوجی لشکر کشی نا وخت پاکستانی فوج دزگیر ئٹ ہلوک زالبول و چنا تے یلہ کرے۔

شابیتی حوال تا رد ئٹ بلوچ راج دوست ٹولی تا ترند رد عمل و تیوہ ملک آن جتا بندغ تا مذمت آتیان گڈ بولان آپریشن نا وخت دزگیر مروک بلوچ زالبول و چنا تے اینو سانگان ئٹ یلہ کننگانے۔

یاتی مرے کہ پاکستانی لشکر تدوکا ہفتہ درزن آ زالبول و چنا تے اوچ کمان و ایب کیب نا علاقہ تیٹ دزگیر ئٹ تخا ہرافتیان سینزدہ نا چاہنداری مسوسس۔

واہم کہی دے نا دزگیری آن گڈ اینو اوفتے یلہ کننگانے۔

بولان آپریشن نا وخت پاکستانی لشکر نا دو آن دزگیر مروک زالبول و چنا تیٹ زرگل مری، حنیفہ مری، در خاتون مری، ماہیسو سمالانی، گل بی بی سمالانی، سمو سمالانی، زر بخت سمالانی، بانی سمالانی، سمیدہ سمالانی، فریدہ سمالانی، راجی سمالانی و چار سال آن بیگواہ رکھیہ سمالانی نا زائیفہ مہنا سمالانی و مار کلیم سمالانی اوار اسر۔

پسنی ٹی جمعہ نا نن اسہ اسکول ئسے خاخر تننگا۔

شابیتی حوال تا رد ئٹ نادرست بندغ آک بلوچستان نا علاقہ پسنی ٹی ریک پشت وڈسر نا چنا تا اسکول ءِ خاخر تریسہ بھس کریر۔

تدینی نا سوب آک داسکان سماء تمتنو واہم ہندی بندغ آک ضلعی بست و بند آن تدینی نا نوٹس ہلنگ و چناتا اسکول ءِ زوت بحال کننگ نا خواست کرینو۔

پسنی ریک پشت نا ہندی تا پاننگ ئس کہ دا اولی وار اف کہ اسکول تے ٹک کریسہ ہشنگانے، دا لڑ بلوچستان ئٹ سال آتیان برجا ءِ۔

یاتی مرے منہ دے نادرست بندغ آک بلوچستان نا ضلع کیچ نا تحصیل بلیدہ الندور ئٹ ٹہیفوک اسٹ آ پرائیوٹ اسکول کلکشان ءِ ہشاسر برجاء سال بلوچستان ئٹ اسکول تے ہشوک آ کہی تدینیک مونا بسنو۔

اندا سال الندور ئٹ سرکاری اسکول نا منہ کمرہ ءِ خاخر تننگا و گلی بلیدہ ٹی اسہ اسکول ساچ ءِ ہم خاخر تننگاسس اندن ہنوک آ وخت ئٹ ضلع پنجگور و کیچ ئٹی پرائیوٹ اسکول آتیا جلہو و خاخر تروک آ تدینیک مونا بسنو۔

ہنوک آ وخت ئٹ پنجگور ٹی پرائیوٹ اسکول تے اسہ تنظیم ‘الفرقان اسلامی’ نا پن ئٹ تڑی تننگاسس کہ لُمہ باوہ غاک تینا چنا تے سرکاری اسکول ئٹ خوانفر۔

علاقہ نا بندغ آک تدینی آ ردعمل تریسہ پاریسر کہ بست و بند نا بےسہبی نا سوب آن سلاء بند ٹولیک سوگو مننگ ءُ و ایف سی داڑے ڈوہدار بندغ تے کاریم ئٹ ہتنگ ءِ تاکن خُلیس نا ماحول ئس جوڑ مرے۔

اوفک ضلعی بست و بند آن تدینی ٹی اوار انگا ڈوہدار تے دزگیر کننگ نا خواست ہم کرینو۔