گرلز ہائی اسکول بلوچی گوٹھ بیلہ نا خوانندہ و خوانفوک آک اسکول ماڑی نا بدحالی نا سوب آن کوٹی تیان پیشن 40 سینٹی گریڈباسُنی و ترند دے آ خوانفنگ آ بیوس ءُ۔

پنچ سال مُست زمین جمب ئٹ اسکول نا ماڑی نزور مسس ہراڑا تمنگ نا خلیس ارے، و داسکان ماڑی نا جوڑ کننگ آ کاریم مننگ اف۔

معصوم آ خوانندہ آک باسُن آ دے آ خوار ءُ و خوانفوک آ ہم ہڑاند آتون مون تننگ ءُ۔

شابیتی حوال تا رد ئٹ میونسپل کمیٹی بیلہ ٹی ساڑی گورنمنٹ گرلز ہائی سکول نا ماڑی بدحالی نا گواچی ءِ ہرا نا سوب آن 360 خوانندہ و 18 زالبول خوانفوک آک خاخر شلوک دے آ خواننگ و خوانفنگ برجاء تخنگ آ بیوس ءُ۔ اسکول ءِ ہائی نا درجہ تننگانے ولے ماڑیتننگتنے۔

چار شمبے نا دے السی پریس کلب بیلہ نا حوالکار آتا دورہ نا وخت آ اسکول نا زالبول خوانفوک آک و خوانندہ آک تینتو مروکا بےدادی وذمہ وار ادارہ آتا بےحسی و خن تری آ ہیت کریسہ پاریر کہ ننے اَرا ڈوہ ئنا سزا تننگ مننگ ئٹی ءِ۔

اوفتا پاننگ ئس کہ ننا اسکول نا ماڑی 5 سال آن بدحالی نا گواچی ءِ واکدار و محکمہ تعلیم نا کوالخواک اسہ وڑ خن تے تر کرینو۔ اسہکنڈ آن تعلیم ءِ مونی دننگ نا بڑز و بانگ حکومتی دعوی آک مننگ ءُ و ایلو کنڈ آن معصوم آ خوانندہ آک و خوانفوک آک باسُنی و دے آتعلیمی بست و بند ءِ برجاء تخنگ آ بیوس ءُ۔

اوفتا ودیک پاننگ ئس کہ ننا ویل و فریشانی تا نئے محکمہ نا افسر آتے مارشت ارے و نئے کہ گچین مروک السی نمائندہ آک ننے بننگ ناخواری کشیرہ، ننا حال ءِ سوج کروکو کس اف، غٹ فوٹو سیشن اسکان تفوک ءُ۔ تعلیم نا گچینی کن کس عملی وڑ ئٹ مخلص اف۔

اوفتا پاننگ ئس کہ پر و ہار آن ننا اسکول ءِ پین زیات نسخان مسنے، بست و بند ایلو محکمہ تعلیم نا ذمہ وار آک داسکان ننے ٹینٹ ہمتتنو۔

او پاریر کہ حکمران و محکمہ تعلیم نا افسر آک خن تے ملیر و ننا حالت آ رحم کنیر و ننا اسکول نا بدحال ماڑی ءِ جوڑ کننگ کندمدستی گام ارفر و آرٹیکل 25 اے (A\25) آ عمل کریسہ چُنا تے جوان تعلیم نا حق ایتر۔

پاکستانی صوبہ خیبر پختونخواہ نا علاقہ سوات ئٹی مروکو اسہ بمب تراک ئسے ٹی پولیس کارندہ آ تون اوار پنچ بندغ مرگ ئنا گواچیمسنو۔

تراک سئے شمبے نا شام سوات نا تحصیل کبل نا علاقہ ٹی مس، پولیس نا رد ئٹ بنماسی پٹ و پول آن خبر تمانے کہ دا اسہ ریموٹکنٹرول بمب اس ئس ہرا ٹی امن کمیٹی نا باسک ادریس خان ءِ ٹک کننگانے۔

پولیس نا رد ئٹ زیمی مروکا تیٹ ادریس خان آن بیدس اِرا پولیس کارندہ ہم اوار ءُ۔

پولیس جون تے دوئی کریسہ سیدو شریف ٹیچنگ اسپتال آ سر کرینے۔ و پولیس علاقہ ءِ گھیرہ ٹی ہلیسہ ودیک پٹ و پول بناء کرینے۔

وزیراعلیٰ خیبرپختونخوا محمود خان دا تدینی نا نوٹس ءِ ہلیسہ انسپکٹر جنرل پولیس آن رپورٹ خواست کرینے۔

او کہوک آتا خاہوت آتون ڈکھ ئنا درشانی کریسہ پارے کہ اودے دا ساہ تا ضیاع آ ڈکھ مسنے۔

اوغانستان ئٹ اقوام متحدہ نا مشن طالبان کوالخواہ تیا دوبہ خلکنے کہ او اوڑے کاریم کروکا زالبول تے خُلیفنگ و بیم تننگ ءُ۔

حوالکاری ادارہ ’اے ایف پی‘ نا رپورٹ نا رد ئٹ اقوام متحدہ نا کنڈ آن دا دعویٰ ہمو وخت مونا بس ہرا وخت اوغانستان ئٹ ساڑی اوفتاکاریمی آ ٹولی نا مُسہ زالبول ءِ سر و سوج کن دزگیر کننگا۔

تدوکا سال اگست ئٹ دوارہ اوغانستان نا حکومت ءِ دوئی کننگ آن گڈ طالبان اسلام تون گنڈوک تینا متشدد نظریہ آتے ایسری تننگ کنزالبول تیا سخت ءُ رکھ خلکنے و اوفتے السی زند آن جتا کرینے۔

اوغانستان ئٹ اقوام متحدہ نا کمکی مشن (یو این اے ایم اے) اسہ بیان ئسے ٹی پارے کہ ’اوغان زالبول تیا ساڑی اقوام متحدہ ناکاریمی آ ٹولی ءِ طالبان کوالخواہ تا کنڈ آن بیم تننگ نا ساف مثیل مونا بسنے۔

بیان ئٹ پاننگا کہ اقوام متحدہ کن کاریم کروکو مُسہ اوغان زالبول ءِ طالبان کوالخواہ تا سلاء بند سیکیورٹی کارندہ آک سر و سوج کنوار وار آ عارضی وخت کن دزگیر کیرہ۔

سلاء بند بندغ آک اُرا ٹی پُترینگیسہ اِرا بندغ ءِ خون و زالبول ئسے ٹپی کریر۔

حوال تا ردئٹ بلوچستان نا ضلع مستونگ نا علاقہ کھڈکوچہ کلی حاجی محمد حسن ٹھل ٹی سلاء بند بندغ آک اُرا ٹی پُترینگیسہ سُمکاری کریر و محمد حسین ولد یعقوب ، بدل خان ولد محمد دزمان سیائیزئی شاہوانی ءِ خون کریر اندن اسہ زالبول مسماۃ (ن) ءِ ٹپیکریر و نرار ۔

مستونگ لیویوز بست و بند جون تے و ٹپی مروک ءِ دمدستی اسپتال آ سر کرے ہراڑے المّی کاروائی آن گُڈ جون تے خاہوت نا حوالہ کننگا۔

تدینی نا سوب داسکان سماء تمتنے، پولیس دا بابت ئٹ ودیک کاروائی کننگ ءِ۔

بلوچستان نا بنجائی شار کوئٹہ ٹی وائس فار بلوچ مسنگ پرسنز نا زوراکی نا بیگواہی تا برخلاف پریس کلب نا مونا برانزی کیمپ اینو4758 می دے ہم برجاء مس۔

دا وخت آ این ڈی پی نا راہشون غنی بلوچ، نزر مری، سلمان بلوچ و ایلو بریسہ اواری نا درشانی کریر ۔

تنظیم نا کمک کماش ماما قدیر بلوچ نا پاننگ ئس کہ بندغی تاریخ دا ہیت ئنا شاہدی ءِ کہ جہان ئٹ ہچو علاقہ اسیٹ بےدادی تا برخلافبڑز مروک حق ئنا توار ءِ خون کننگ و بےدادی ئٹ توننگ متنے، و نئے کہ دادے ایسر کننگانے ۔

ماما قدیر بلوچ نا پاننگ ئس کہ بلوچ آتیان گُڈ داسا پشتون آتا علاقہ و ہرنائی ٹی ہم کہی تُو آن آپریشن مننگ ءِ، پشتون آتے زوراکی ئٹبیگواہ کریسہ اوفتا اُراتے ہُشنگ ءُ۔

اونا پاننگ ئس کہ بلوچ پشتون اوار مریسہ زوراکی نا بیگواہی تا برخلاف توار ارفِر۔

وائس فار بلوچ مسنگ پرسنز  نا ردئٹ تدوکا تُو گریشہ خضدار آن زوراکی ئٹ بیگواہ مروک ڈاکٹر کریم بخش و برجاء سال 26 اگست آاردو بازار کراچی آن زوراکی ئٹ بیگواہ مروک لالافہیم بلوچ نا کیس آک بلوچستان حکومت ءِ تننگانو و حکومت آن تومکا تا رکھوک آجوکننگ ٹی تینا کڑد ءِ ایسری تننگ نا خواست ہم کننگانے ۔

ہار و نوکاپ آن ودی مروکا ہڑاند و زیمی مروکا علاقہ آتیٹ آسراتی تا نیستی نا سوب آن زالبول آتے ساہ ئنا خلیس ارے۔

ڈبلیو پی سی نا چیئرپرسن و پارلیمانی سیکرٹری سائنس اینڈ انفارمیشن ٹیکنالوجی قانود و پارلیمانی امور ڈاکٹر ربابہ خان بلیدی نا ردئٹ بلوچستان تون اوار تیوہ پاکستان ئٹ نوکاپ آن زیمی مروکا علاقہ آتیٹ نَت کبین آ زالبول آتے المی جانجوڑی آسراتی تننگ متو تو چُناخننگ نا وخت آ زالبول آتا بھلو کچ اس مرگ ئنا گواچی مننگ کیک۔

جہانی ادارہ آتا کچ و حساب نا رد ئٹ دا وخت آ بلوچستان تون اوار تیوہ ڈیہہ ئٹ نوکاپ آن زیمی مروکا علاقہ آ تیٹ نت کبین آ زالبولآتا کچ اسہ لکھ سی و ہشت ہزار ءِ ہرافتیان چِل ہزار زالبول آتا ڈیلیوری کیس آک برجاء تو ئٹ مرور۔ ہر چار صوبہ نا حکومت آتے برجاءتو ئٹ چُنا خنوکا 40 ہزار زالبول کن جانجوڑی ٹولی اڈ تننگ تون اوار غیر معمولی گام ارفنگ نا بکار ءِ۔ جانجوڑی چاہندار آتا رد ئٹنوکاپ آن زیمی مروکا علاقہ آتیٹ نت کبین آ زالبول آتیکن جانجوڑی آسراتیک بس افس۔

ڈاکٹر ربابہ خان بلیدی نا پاننگ ئس کہ بلوچستان نا علاقہ نصیر آباد ڈویژن ئٹ ملیریا نا ناجوڑی تالان مسنے ہرا نا انکیوبیشن وختگدرینگ آن ہفت ہشت دے ئٹی حالیت بیم تروک دروشم ہلنگ کیک و ملیریا نا کیس آتیٹ غیر معمولی ودکی ساڑی جانجوڑی ہاٹی آن باززیات مرو۔ علاقہ ٹی اینٹی ملیریا داروک کُھٹانو و الس ءِ ہڑاند آتون مون تروئی تمنگ ءِ اندا سوب آن حکومتی گامگیج تون اوار جانجوڑیکن کاریم کروکا بے سرکاری ادارہ آتے ہم مونی بروئی تمو۔

زیمی مروکا علاقہ آ تیٹ سر مریسہ کاریم کروکا پیرا میڈیکس نا پاننگ ءِ کہ ہراڑے ہم نوکاپ نا دیر سلوک ءِ اوڑے جتا وڑ ئنا ناجوڑیکودی مننگ ءُ۔ سیلاب آن زیمی مروکا بندغ آک سِل، اُست و پڈ، ملیریا، پڈ خل، و بیدس اُرا آن ڈن آ رہینگ نا سوب آن ہِل ئنا گواچی ءُ۔

یاتی مرے کہ ہار و نوکاپ آن بلوچستان نا تیوہ 35 ضلع زیمی مسنو صوبائی ڈیزاسٹر مینجمنٹ اتھارٹی (پی ڈی ایم اے) نا رد ئٹبلوچستان ئٹ نوکاپ نا سوب آن 270 بندغ بیران مسنو و ہار و نوکاپ آن بلوچستان ئٹ بیران مروکا تا بے سرکاری کچ باز زیات ءِ۔

حکومت نا رد ئٹ ہار و نوکاپ آن بلوچستان ئٹ 13 لکھ آن زیات بندغ بے اُرا مسنو، 1 لکھ 85 ہزار آن زیات اُراک یا تو تمانو یا اوفتےنسخان رسینگانے۔ بلوچستان ئٹ تدوکا دے تیٹ مروکا پر تیان علاقہ ٹی داسکان ہڑدےئی کاریمک بحال متنو۔

ہار آن بلوچستان کُل آن زیات زیمی مسنے ولے زیمی مروکا تا کمک حکومت و سرکاری ادارہ آتا کنڈ آن نابودی نا گواچی ءِ۔ ہار و نوکاپآن بلوچستان ئٹ بیرانی تا کچ جوان سما تمتنے و بلوچستان ءِ گنڈوکا کسر و ریل ٹریک آتے تیوہ بحال کننگ نا کاریم تیٹ کالخواکداسکان بے سہب ءُ۔

بلوچستان ئٹ پِر تیان گُڈ سختی تون تفوک زیمی بندغ آک مرگ نا گواچی مسر، بیران مروک آتیٹ پین ودکی درزن تا شار آک دائسکان پِر نا دیر ٹی ءُ۔

پِر ونوکاپ آن بلوچستان نا تیوہ غا 35 ضلع آک زیمی مسُر نوکاپ نا دیر آن گُڈ کُنوکا گِڑاتا نِرخ آتیٹ زیات ودکی مس سوزی تا نِرخ ئٹ ہم ودکی مس اندن نُت ئنا کمبوتی ہم دے پہ دے آن زیات مننگ ءِ۔

صوبائی ڈیزاسٹر مینجمنٹ اتھارٹی ( پی ڈی ایم اے ) نا رِد ئٹ بلوچستان ٹی نوکاپ نا سوب آن 270 بندغ مرگ نا گواچی مسونو، ہزار آ بے اُرا بندغ آک حکومت نا پارہ غان کمک کِن ہُروک ءُ۔

اندا پِر و نوکاپ آتیان بلوچستان ٹی کہوک آتیان غیر سرکاری کچ آک بھاز زیات ءُ۔ بلوچستان حکومت نا رد ئٹ بلوچستان ٹی 13 لکھ آن زیات بندغ بے اُرا مسونو،1 لکھ 85 ہزار آن زیات اُراک تمانو یا اوفتے بھاز نسخان رسینگانے بشام نا پِر تا لڑ سلیس ولے پِر و نوکاپ آن زیمی مننگ نا سوب آن بلوچستان نا رہینگوک آک جتاء وڑ نا ناجوڑی تا گواچی مسونو۔

زیمی علاقہ آتیٹ رسینگیسہ کاریم کروک پیرا میڈیکس نا پاننگ ءِ کہ ہراڑے ہراڑے نوکاپ نا سوب آن دیر سلوک ءِ اوڑے جتاء وڑ نا ناجوڑیک ودی مننگ ءُ نوکاپ آن زیمی بندغ آک سِل، گیسٹرو، ملیریا، پِڈ دڑد، پِڈ و اُست و پاش آ آزمان نا کیرنگ آ رہینگنگ نا سوب آن ہِلی مریسہ ءُ۔

یاتی مرے کہ پِر آتیان بلوچستان تیوہ غاتیان  زیات زیمی مسُنے واہم زیمی مروک آتیکن حکومت و سرکاری ادارہ آتا پارہ غان بے واکی نا گواچی ءُ پِر و نوکاپ آن بلوچستان ٹی بیران مروک آتا جمعی کچ درست مننگ اف اندن بلوچستان ءِ اوار کروک کسر و ریل ٹریک ءِ تیوہ یلہ کننگ کِن کوالخواک دائسکان بے سہب ءُِ۔

بلوچستان ٹی تدوکا دے تیٹ مروک پِر تیان کہی علاقہ آتیٹ دائسکان معمولات زند بحال کننگتنے۔

فلاحی تنظیم آک محکمہ جانجوڑی، حکومت و جہانی ادارہ آتیان خواست کرینو کہ زیمی علاقہ آتیٹ دمدستی تون زیمی مروک آتا بحالی ءِ یخینی کیر نہ تو حالیت گیشتر تُرند ءُ دروشم ئس دوئی کننگ کیک ۔

بست و بندی کوالخوا تا بے پامی نا سوب آن بلوچستان یونیورسٹی خاران کیمپس بند مننگ کن مون کرینے۔ ترجمان بلوچ اسٹوڈنٹس ایکشن کمیٹی

بلوچ اسٹوڈنٹس ایکشن کمیٹی نا بنجائی ترجمان تینا شینک مروکا بیان ئٹ بلوچستان یونیورسٹی خاران کیمپس نا بد حالی و آسراتی تا کمبوتی آ خلیس نا درشانی ءِ کریسہ پارے کہ تیوہ غا بلوچستان ئٹ منہ خوانوکا ادارہ ساڑی مننگ آن بیدس بد حالی نا گواچی ءُ و معیاری تعلیم ایتنگ نا وڑ ئٹ افس۔

2017 ئٹ یونیورسٹی آف بلوچستان خاران کیمپس نا ہڈ تننگ تون اوار بست و بندی وڑ ئٹ منہ شعبہ تیٹ داخلہ تا بناء کننگا و داخلہ تیٹ سخت شرط آتا مفرنگ نا سوب آن اولیکو سال سد آتا خوانندہ غاک داخلہ ہلیسہ تینا خواننگ ءِ برجاہ تخنگ نا بناء ءِ کریر۔

ترجمان پارے وخت آتون اوار منہ شعبہ آتا داخلہ کن ہم سخت ءُ شرط تخنگار ہرانا سوب  آن کئی خوانندہ غاک داخلہ ہلنگ کپسہ حالانکہ مروئی تو دا اس کہ کوالخواک وخت تون اوار شعبہ تیٹ ودکی ہتوسر و ہاسٹل جوڑ کروسر ولے بست و بندی کوالخوا تا بے پامی نا سوب آن داسہ یونیورسٹی بند مننگ کن سر مسونے۔

بساک ترجمان نا پاننگ اس بلوچستان ئٹ داتم منٹ اندونو خوانوک ادارہ ٹہفوک ءُ ہراڑے خوانندہ غاک جوانو خواننگ دوئی کننگ کیرہ خاران ئٹ بلوچستان یونیورسٹی نا کیمپس نا ہڈ تننگ نئے بیرہ خاران بلکن تیوہ غا بلوچستان نا خوانندہ تیکن اسہ جوانے ہیت ئسے ولے یونیورسٹی ءِ کاریم ئٹ ہتنگ آن گڈ بست ءُ بندی کوالخواک پد مہ پد بے پامی نا درشانی ءِ کریسہ ءُ یونیورسٹی نا ہڈ تننگ تون اوار ہاسٹل آک جوڑ کننگتنو ہرانا سوب آن بلوچستان نا ایلو ضلع غا تیان تعلقداری تخوکا خوانندہ غاک داخلہ ہلنگ کن ساڑی افس۔

او پارے خاران بلوچستان یونیورسٹی نا کیمپس ئٹ شعبہ غا تیٹی ودکی ہم مفرنگ نا سوب آن منہ شعبہ آتیٹ داخلہ تا خوانندہ غاک ایلو صوبہ تیکن مون کیرہ۔

تنظیم نا ترجمان نا پاننگ اس نن تیوہ غا تعلقداری ادارہ تیان خواست کینہ کہ بلوچستان نا خوانوکا نظام ءِ ہُریسہ بلوچستان یونیورسٹی نا خاران کیمپس ءِ تیوہ وڑ ئٹ کاریم کن ہتیر عملی گام آک ہرفنگر و یونیورسٹی ٹی شعبہ تیٹ ودکی تون آوار ہاسٹل ہم جوڑ کننگے تانکہ تیوہ غا بلوچستان نا خوانندہ آک دا یونیورسٹی ٹی خواننگ دوئی کننگ کیر۔

پاپوا نیو گنی ءِ 7.6 ترند زمین جمب چنڈا اِلا، ماڑی تے نسخان رسینگا، لینڈ سلائیڈنگ مس و کم آن کم 5 شاری بیران و کیہیک باز ٹپیمسر۔

پیشن ملکی خبر تروک ادارہ ‘اے ایف پی‘ نا رپورٹ نا رد ئٹ بنجاء نا خڑک ساڑی قطبی خلق آتا ہندی مخلوق سہب ئنا وخت آ زمینجمب نا ترند جھٹکہ آتا حوال تسنے، ہراڑان کسرک تل کرینو و ماڑی تا چت آک تمانو۔

ہندی باسک پارلیمنٹ کیسی ساوانگ نا پاننگ ءِ کہ مُر مُر ئنا مشی آ خلق آتیٹ کم آن کم 2 بندغ مرگ ئنا گواچی مسنو و کم آن کم 4 پین بندغ ءِ بیم تروک حالیت ئٹی جاز ئٹ اسپتال آ سر کننگانے۔

اونا پاننگ ئس کہ اوڑے بھلو کچ اسیٹ نسخان رسینگانے، لینڈ سلائیڈنگ نا سوب آن اُراک تمانو و اسہ خلق ئسے نا بندغ آک بے اُرامسنو۔

زمین جمب آن زیمی مروکا علاقہ آ تیٹ حال حوالی بست و بند محدود، حکومت نا کم وسائل و منَہ پکَو ءُ کسر ءُ، ہرا نا سوب آن علاقہ ٹینسخان تا کچ ءِ ہُننگ کن و کمک کن آپریشن ئٹ ہڑاند مننگ ءِ۔

چنکا ایوی ایشن کمپنیک و مشنری ٹولیک منَہ ڈغار آتے علاقہ آن ایئر لفٹ کریسہ ریسکیو کننگ نا کوشست کننگ ءُ۔

اسہ بندغ ئسے ریسکیو کریسہ دوارہ ہننگ نا کوشست کروکا منولوس ایوی ایشن نا باسک آک پاریر کہ دا علاقہ ٹی، دا مُد ئنا وخت آکمکی کارروائیک باز کبین ءُ، دا اسہ چیلنج ئسے۔

گوروکا نا قطبی خلق آتیٹ رہینگوک آک ہندی یونیورسٹی نا پنوکا دیوال تیان تموکا دریچہ آتا عکس ہلکنو۔

جیس ابین ریزورٹ نا باسک اس زمین جمب ئنا ترندی نا بابت ئٹ ہیت کریسہ پارے کہ زمین جمب نا ترندی باز زیات ئس، گبان آ ہر گڑاسمندر ئٹ تار کننگ ئس۔

زمین جمب نا جھٹکہ آک اونا بنجاء آن تقریباً 480 کلومیٹر مُر بنجائی شار پورٹ مورسبی اسکان محسوس کننگاسر۔

امریکی جیولوجیکل سروے زمین جمب آن گڈ دمدستی خڑک ئنا دریابی علاقہ آتیکن سونامی وارننگ شینک کریسس دوارہ وارننگ ءِ واپسہلیسہ پاریسس کہ داسا او علاقہ آتے سونامی نا خطرہ اف۔