اسلام آباد ہائی کورٹ ئٹ اینو ستمبر نا 7 تاریخ آ بلوچ خوانندہ آتے بین تننگ نا کیس بِننگ مس۔ و بندغی حق آتا وزارت نا نمائندہایمان مزاری ہم عدالت ئٹ ساڑی ئس۔
اسلام آباد ہائی کورٹ حکومت آن اِرا ہفتہ ٹی بلوچ خوانندہ آتے بیم تننگ ءِ ایسر کننگ کن گام ارفنگ نا رپورٹ ءِ خواست کرے۔
چیف جسٹس نا پاننگ ئس کہ اینو مگہ داڑے داکان ہم زیات اہم ءُ ویل اس ارے؟ اسہ صوبہ سے نا خوانندہ آک غاو کرینو کہ اوفتے بیمتننگ مریک، خوانندہ آک پارہ کہ تینا صوبہ آ کان تو بیگواہ کننگ مرینہ، ہراڑا ایمان مزاری نا پاننگ ئس کہ حکومت 30 آن زیات بلوچخوانندہ آتا ویل آ چٹی نا ورندی ہم تتنے۔
اٹارنی جنرل نا پاننگ ئس کہ بلوچ خوانندہ آتا ویل آ کمیشن نا سروک کماش سینیٹ تون ہیت کروٹ۔ بلوچ خوانندہ آتے بیم تننگ نا کیسءِ بننگ نا وختا چیف جسٹس اطہر من اللہ پارے کہ انت بنجائی حکومت دا چُنا تا رہی آ ہنانے، 17 سالی فیروز بلوچ ہم بیگواہ ءِ، دا غٹئنا ذمہ وار دیر ءِ۔ دا ٹیسٹ کیس اس ئس غٹ تپہ آتتون تفوک بندغ آتیا ساڑی اسہ کمیشن اس جوڑ مس۔
عدالت سوج کرے کہ مگہ اسہ سیاسی لیڈر اس کماش سینیٹ ءِ کمیشن مجلس خواست کننگ نا پارینے؟ مگہ اسہ سیاسی لیڈر اس داجیڑہ آ جلسہ ٹی ہیت کرینے؟
اونا دا ہم پاننگ ئس کہ بلوچ خوانندہ آتے دا عدالت آن بے اومیت پدی راہی کروفن۔
عدالت اٹارنی جنرل ءِ بلوچ خوانندہ آتا ویل آتیا اڈ تروک کمیشن نا باسک آتتون حوال کننگ نا پنت تس۔ دا وختا اٹارنی جنرل اشتراوصاف بلوچ خوانندہ آتا ویل آتا داسکان ایسری مفننگ نا ذمہ وار مسکوہی حکومت ءِ پارے۔
چیف جسٹس نا پاننگ ئس کہ سیاسی تپہ آک اگہ بلوچ خوانندہ آتے اولیت تسُرہ گُڑا اینو دا داڑے بتورہ، اگہ بلوچ خوانندہ آک کس ئنااولیت مسُرہ تو سیاسی جلسہ آتیٹ اوفتا ویل آتیا ہیت مسکہ۔ عدالت حکومت ءِ پنت ایتک کہ کمیشن نا کمک ئٹ خوانندہ آتے یخین تننگمرے کہ او اہم ءُ، بلوچ خوانندہ آتے دا عدالت آن بے اومیت راہی کروفن۔
دا وختا چیف جسٹس اسلام آباد ہائی کورٹ اٹارنی جنرل ءِ رپورٹ عدالت ئٹ ہتنگ کن اِرا ہفتہ نا وخت تریسہ کیس بِننگ ءِ ایسر کرے۔
جسٹس اطہر من اللہ نا دا ہم پاننگ ئس کہ دا وختا اسہ بلوچ خوانندہ ئسے غاو مس تو اٹارنی جنرل تون حوال کیر۔
