حوال تا رد ئٹ قلات شار و ایب کیب ئٹ ترند یخ ئنا لڑ برجاہ، ترند یخ ئٹی بانسی نا کچ منفی 10 اسکان ریکارڈ کننگا۔ اندن سوئی گیس و بجلی نا بحالی نا دعویٰ شک اندن سلیسر ایم ڈی سوئی گیس و کیسکو چیف وعدہ آتے پورو کتوس، ایم ڈی سوئی گیسں مدنی صدیقی نومبر 2021 ٹی قلات ہننگ نا وخت  دعویٰ کریسس کہ دسمبر اسکان قلات ٹی گیس تننگو۔

اندن کیسکو چیف قلات نا مخلوقی راہشون تون اوڑدئی نا  وخت بجلی نا تیوہ بحالی و بجلی نا سنگل فیس ءِ چار دے ئٹی  ایسر کننگ و بجلی نا لوڈ ءِ بشخ کننگ نا وعدہ کریسس ولے اسٹ اس ہم  وعدہ پورو کتو۔ بجلی نا سنگل فیس کننگ نا لڑ بند کننگتو گڑا بھلا روڈ نادرست وخت اسکان بلاک کننگو مخلوقی حلقہ آتیٹ خبر دار کننگانے۔

گیشتر حوال تا رد ئٹ قلات و ایب کیب ئٹ دتر تفوک آ یخ نا لڑ برجاہ ءِ، یاتی مرے ایم ڈی نومبر ٹی ڈپٹی کمشنر آفس قلات ٹی اسہ مخلوقی  یلہ ءُ مجلس ئسے آن ہیت کریسہ دعوی کریسس کہ نن قلات کن  پوسکنو پائپ لائن خلینگ ان و اوفتا کارم نا داسا یک و نیم کلو میٹر بچوک ءِ و دسمبر اسکان قلات ءِ پوسکنو  پائپ لائن تیان سوئی گیس تننگ بناء کننگو ولے ارا تو گدرینگ آن بیدس قلات ءِ گیس نا سپلائی بناء مننگ کتو۔

اندن کیسکو چیف کوئٹہ ٹی قلات نا مخلوق راہشونک و قلات ٹی کیسکو کارندہ آک مسکوئی ڈپٹی کمشنر قلات سلطان احمد بگٹی نا شیف صدارت اجلاس ٹی دعوای کریسر کہ ہرا فیڈرز و لوڈ ءِ اوفتا ودکی لوڈ ءِ ہربوئی فیڈر آ سر کریسہ ہربوئی فیڈر ءِ سٹی فیڈرڈ نا رد ئٹ  بجلی تننگو ولے بجلی ءِ ہردے ئی بنماس آ  سنگل فیس کننگ نا لڑ داسکان برجاہ ءِ۔ ہڑتوما ادارہ آتا سر کماشی آ قلات نا مخلوق تون دروغ تڑیر و قلات ٹی سوئی گیس و بجلی نا ویل آتے ایسر کننگ کتوس ہراڑان مخلوق ٹی بھاز بے جاراتی  تالان مننگ ءِ و مخلوق اسہ وار واپس برانز  نا کسر ءِ ارفنگ آ بیوس مسونے۔

بلوچستان آن جون تا خننگ نا لڑ برجاہ  ءِ، دارالحکومت کوئٹہ آن بست و بند اسہ بندغ  ئسے نا جون ءِ خنانے-

گیشتر حوال تا رد ئٹ کوئٹہ نا علاقہ ائیرپورٹ روڈ آن اسہ بندغ ئسے نا جون خننگا داسکان جون ئنا چائنداری مننگ کتنے ،ایدھی کوالخوا تا رد ئٹ دارالحکومت کوئٹہ نا علاقہ ائیرپورٹ روڈ کلی الماس آن نادرست  بندغ ئسے ناجون  خننگانے  ہرا چائنداری کن ہسپتال آ سر کننگانے پین کارروائی تعلقدار بست و بند کننگ ءِ۔

یاتی مرے بلوچستان نا جتا علاقہ آتیان جون خننگ نا لڑ برجاہ ءِ تدوکا دے تیٹ مستونگ نا علاقہ آن اسہ بندغ ئسے نا جون ءِ بست و بند خناسس مستونگ بست و بند ءِ رسینگوک جون زورٹ بیگواہ مروک  عرض محمد نا مار نعمت اللہ نا اس۔ خاہوت نا رد ئٹ نعمت اللہ برجاہ سال پاکستانی فورسز فرنٹیئر کور نا کارندہ آک لکپاس آن دزگیر کریسہ بیگواہ کریسر-

بیگواہ مروک بندغ نا یلہ کننگ کن توار ارفوک تنظیم وائس فار بلوچ مسنگ پرسنز نا رد ئٹ  بلوچستان آن ہزار آ بندغ آک زورٹ بیگواہ مسونو اندن تنظیم  دعویٰ ء کہ دا بیگواہ مروک بندغ آتیان بھاز دزگیری نا وخت بے دادی نا گواچی کریسہ کسفنگانو و اوکان گڈ  اوفتا جون تے خسیرا داسکان اوفتیان بھاز آتا جون تا چائنداری جشوک مننگ نا سوب آن منکن مننگ کپک-

حوال تا رد ئٹ حب شارئٹی گیس ئنا بند مننگ، دیر ئنا نیستی و روزگار تفرنگ  نا بر خلاف حب نا شاریک لسبیلہ پریس کلب نا مونا برانزی کیمپ خلکر و برازنی کیمپ ئٹی جتا سیاسی چاگڑدی  و مذہبی جماعت آک و کاروباری  بندغ آک راہشون تون اوار شاری تا بھلو کچ اس اوار مننگ آن گڈ اسٹنٹ کمشنر حب نا دفتر نا مونا برانز کریر۔

اندن برانزی مچی آن ہیت کریسہ نوید لاڈلا جی آر بلوچ، نیشنل پارٹی نا راہشون نظام رند، جمعیت نا حافظ منصور، عبداللہ آسکان، پی ٹی آئی راہشون معشوق رند، چاگڑدی راہشون علی اصغر چٹ کاروباری برادری نا راہشون نوراحمد تون اوار ایلو ہیت کریسہ پاریر کہ ہرا وخت  شار ئٹی گیس ئنا نیستی زیات مس مخلوق ارا وخت ئنا ہرغ جوڑ کننگ کن سختی تا گواچی مننگ ءِ۔

اوفتا پین پاننگ اس گیس کوالخوا شار ئٹی گیںس ئنا نیستی ودی کریسہ مخلوق نا زند ءِ بھس کرینے او پاریر کہ حب ئنا ویل آتے ایسر کننگ نا کن تیوہ آ سیاسی و چاگڑدی  مذہبی جماعت آک متحد ءُ، گیس ئنا وڑ شار ئٹی دیر ئنا نیستی ہم تینا جاگہ ساڑی ءِ تعلقدار محکمہ شاری تے دیر تننگ ٹی ہم بے سہب مسونے او پاریر بست و بند  شار ئٹی گیس و دیر ئنا نیستی ءِ ایسر کننگ کن گام ارفے و مخلوق ءِ روزگار نا مواقع تے اگہ نہ داڑان ہم سخت برانز نا کسر افینگو  برانزی مچی کیمپ ئنا جتا شخصیات آک بسر و عوامی نیشنل پارٹی نا راہشون اصغر اچکزئی لالہ منان افغان لسبیلہ بارایسوسی ایشن نا صدر مجیب الرحمن تون اوار ایلو بسر۔

ڈپٹی اسٹنٹ کمشنر حب  و تحصیلدار حب نا مذاکرات سر سہب مس و تولوک  برانز  ایسر کننگا۔ ڈپٹی کمشنر لسبیلہ پارے  کہ حب ءِ  گیس کم تننگ ءِ اندن خواست آک بھاز زیات ءُ دا لڑ ئٹی ایم ڈی سوئی سدرن و ایلو کوالخواہ ء خط نوشت کننگ ء او صنعت آتے ارا تے ہوٹل آتیٹ خلوک گیس ئنا کانود آن چپ کنکشن ءِ دمدستی وڑ ئٹ  بند کیر۔

اندن سوئی سدرن لسبیلہ نا ذمہ وار آفیسر آتے ذمہ واری یتر و مچ بست و بند آتے  ہر منکن کمک کننگ نا پنت کیر ڈپٹی کمشنر  پارے کہ ایمپلائمنٹ کمیٹی ٹہیفگانے ہرانا بھاز زوت میٹنگ مرو ہراٹی ہندی بندغ آتے صنعت آتے روزگار، حکومت بلوچستان پڑو نا رد ئٹ کم آن کم تنخواہ تا عمل اتینگ، ای او بی آئی، بلوچستان ایمپلائز سوشل سیکورٹی ٹی مزور آتا  رجسٹریشن نا معاملہ تیا جائزہ الینگو اسپیشل بندغ آک و زالبول آتے روزگار تننگ نا  لڑ ئٹی گام ارفینگو  او پارے کہ شار ئٹی دیر ئنا پائپ لائن تا لیکچ و ایلو ویل ارے و اوفتے  ایسر کروئی ء۔

اوغانستان ٹی طالبان حکومت، دے کہی ملک و اوغانستان ٹی سول سوسائٹی نا نمائندہ غاتا نیام ئٹ مسہ دے ئی مذاکرات بناء مس۔

یک شنبے نا دے ناروے نا دارالحکومت اوسلو ٹی بناء مروکا مذاکرات ٹی طالبان وفد نا قیادت اوغانستان ٹی طالبان حکومت نا وزیرِ خارجہ امیر خان متقی کننگ ءِ۔

مذاکرات ٹی اوار مننگ کن اوغان طالبان راہشون تا 15 رُکنی وفد ہفتہ نا دے ناروے نا خصوصی طیارہ ٹی کابل آن اوسلو سر مس۔

دا مذاکرات ہندنو وخت سے آ مننگ ءِ ہرا وخت اقتصادی بحران نا رد ئٹ اوغانستان ٹی انسانی المیہ نا بیم ودی مننگ ءِ و طالبان حکومت جہان نا ایلو ملک آتیان خواست کننگ ءِ کہ اوفتا حکومت تسلیم کننگ مرے۔

اوسلو نا اسہ ہوٹل اسیٹی مروکو بند کوٹی مذاکرات نا اولیکو مرحلہ ٹی طالبان حکومت نا نمائندہ غاک اوغانستان ٹی نیاڑی و بندغی حق آتا کارکن و ناروے ٹی ساڑی اوغان کمیونٹی نا نمائندہ غاتون ہیت کرور۔

مذاکرات آن مست طالبان حکومت نا نائب وزیرِ ثقافت و اطلاعات اسہ وائس نوٹ اس ٹوئٹ کریسس کہ ہرا ٹی طالبان حکومت نا وزیرِ خارجہ نا نیمہ غان ہیت نا دا عمل ءِ خوش آئند و مثبت پاننگا و نارروے نا حکومت نا منتواری مس۔

بیان ٹی پاننگا کہ اوغان طالبان اومیت کیک کہ دا مذاکرات ٹی سہولت کاری نا ذریعہ ئٹ نارروے، طالبان حکومت و یورپی ملک آتا نیام ئٹ جوانو تعلقات کن اسہ گیٹ وے نا کارم ءِ کرو۔

خیال مرے کہ ہنوکا سال اگست ٹی اوغانستان ٹی طالبان نا کنٹرول آن پد طالبان حکومت نا دا وڑ نمائندہ وفد یا اسہ یورپی ملک نا اولیکو دورہ ءِ۔
ولے طالبان حکومت نا وفد آن داکان مست ایران، روس، پاکستان، قطر، ترکمانستان و چین نا دورہ کرینو۔

حوال تا رد ئٹ کوئٹہ الیکٹرک سپلائی کمپنی (کیسکو)نا ترجمان پارے کہ ہمسایہ ملک ایران نا پارہ غان 132Kvجیکی کور۔مند ٹرانسمیشن لائن آن بجلی تننگ یک شمبے نا سہب آن یانزدہ و نیم  بجہ آ بحال مس و بنائی وڑ ئٹ ایران نا پارہ غان  بیرہ 20 میگاواٹ بجلی تننگ ءِ۔

گیشتر حوال تا رد ئٹ ہرانا سوب آن 80میگاواٹ نا خڑک نیستی ودی مسونے دا برقی نیستی ءِ پورو کننگ کن مکران نا مسٹ آ ضلع غاک تُربت، گوادر و پنجگور ٹی ودکی لوڈ شیڈنگ کننگ ءُ و  امیت ءِ کہ زوت  ایران نا پارہ غان بجلی تننگ ہڑدے ئی مرو ہراڑان گڈ مکران نا مسٹ انگا ضلع غاتا مچ علاقہ آتیٹ  ودکی لوڈ شیڈنگ ایسر کننگو۔

یاتی مرے کہ ہفتہ نا دے سہب ئنا 9:34 منٹ ہمسایہ ملک ایران نا پارہ غان 132kV جیکی کور مین ٹرانسمیشن لائن آ جوڑ کروک کاریم تا رد ئٹی  بجلی تننگ بند کننگاسس ہرانا سوب آن مکران نا مسٹ انگا ضلع غاتیٹ مند، تُمپ، تربت، ہوشاب، پنجگور، پسنی، اوماڑہ، جیونی، گوادر انڈسٹریل، گوادر ڈیپ سی پورٹ و گوادر گرڈ اسٹیشن ءِ بجلی تننگ بند مسونو داسکان دا وخت ایران آن بجلی نا بند مننگ آ کیسکو مکران نا مخلوق آن مافی و نسخان نا خواست کرینے۔

حوال تا رد ئٹ ٹھٹھہ ٹی کیٹی بندر نا خڑک حجامڑو کریک ٹی 3 کشتی ترند تہو ئنا سوب آن کلٹی مسر میرین سکیورٹی نا رد ئٹ ڈبوک آ اسہ کشتی آن 4 بندغ ریسکیو کننگار اندن ایلو بندغ آتا پٹنگ برجاہ ءِ۔

گیشتر حوال تا رد ئٹ  ٹھٹھہ ٹی ترند تہو ئنا سوب آن اسہ پین ڈبوک لانچ ئٹی سوار 22 مچی الوک آتے خڑک آ سلوک ایلو لانچ والاک بچفیر، بنجائی راہشون فشر فوک فورم سید گلاب شاہ پارے کہ ڈبوک  اسہ کشتی نا 20 و ایلو کشتی نا 18 مچی الوک آک داسکان خننگپسہ۔

اندن تر جان فشر فوک فورم پین پارے کہ کراچی ٹی ترند تہو ئنا سوب آن سمندر نا دیر ترند ءِ، اندن کیٹی بندر آ کشتی تا ڈبنگ نا ویل تدوکا شام مس، اونا پین پاننگ ءِ کراچی آن تعلق تخوک بحیرہ حسن پنی آ لانچ کائر کریک نا ہند آ کلٹی مریسہ ڈبنگا۔