شاہینہ شاہین اکیڈمی نا کنڈ آن جوڑ مروک فلم “ماہل” شینک مننگ کن تیار، فلم ئٹ معصومہ شاہین کاریم کرینے۔

شاہینہ شاہین اکیڈمی آف آرٹس نا کنڈ آن ٹہفوک بلوچی فلم “ماہل” شینک مننگ کن تیار ءِ۔ فلم ئٹی اولیکو وار معصومہ شاہین اسہ اداکارہ ئسے نا وڑ مونا برو۔

فلم ئنا ڈائریکٹر پنی آ آرٹسٹ راشد حسن ءِ۔

فلم ئنا کسہ بلوچ چاگڑد ئٹ زالبول نا کڑد ئنا دامون ہیمون ئٹ پھیری کیک۔ زالبول تا مونا بروک چیلنج و چاگڑدی رکھ آتے فلم ئٹی نشان تننگانے۔

فلم ئٹی بھاز آ پوسکن آ آرٹسٹ آک کاریم کرینو۔ اندن کہ نسیمہ نازلی، فاطمہ آدم، طارق مری، عظیم غالب و ایلو آرٹسٹ آک۔

بلوچستان لبریشن فرنٹ نا ترجمان میجر گہرام بلوچ میڈیا غا شنگ کروک تینا بیان ئٹی پارینے کہ سرمچارک بیست و نُہہ اکتوبر نا ننکان یانزدہ بجہ و پنجاہ منٹ آ ہیرونک ئٹی مش ئنا زیہا ٹہیفوک پاکستانی لشکر نا چوکی ءِ ٹک کریر۔ جلہو ئٹ راکٹ و خود کار سلہہ کاریم ئٹ ہتنگا ہراڑان کارندہ غاتے جانی و مالی نسخان مس۔

او پارے کہ جلہو آن پد سرمچارک تینا رکھوک ہند آ سر مسر واہم دا وختا خلیس نا گواچی کوزہ گیر لشکر لس آبادی تیا مارٹر گولہ خلک ہراڑان ہندی مخلوق نا اُرا تے نسخان مس۔

ترجمان پارے کہ بی ایل ایف دا جلہو نا ذمہ واری ءِ ارفک و کوزہ گیر لشکر نا پیش تمنگ اسکان ننا جلہوک برجاء مرور۔

تربت آن سازندہ و اونا سنگت آتے پاکستانی لشکر برمتہ کرینے۔

شابیتی حوال تا ردئٹ استو نو بجہ نا وخت آ پاکستانی لشکر کیچ کلچر سینٹر آ چھاپہ خلیسہ استاد عارف مزار تون اوار سینٹر نا تیوہ عملہ ءِ دزگیر کرے۔

علاقائی حوالکار تا ردئٹ پاکستانی لشکر پِن کروک فنکار آتے تیوہ نن بیداد جاہ ئٹ توریسہ داسہ پولیس نا دوٹی تسنے۔

فنکار آتا دزگیری آ السی کڑدہ غاک ترند نغد کننگ ءُ۔ اندن ضلعی بست و بند فنکار آتا برمتہ و پدان دزگیری پاش کننگ نا بابت دائسکان ہچو ہیت اس مونا ہتنے۔

پنجگور ائیرپورٹ روڈ آ ٹہیفوک شہید نواب اکبر بگٹی نا مجسمہ ءِ اسہ وار ئس ولدا نا درست آ بندغ آک نسخان تسنو۔

دا مجسمہ زوت ئٹ ٹہیفنگاسس، داکان مالو ہم پنجگور ئٹ نواب اکبر بگٹی چوک آ ٹہیفوک مجسمہ ءِ نا درست آ بندغ آک نسخان تسوسر، ہموتم نا درست آ بندغ آک ہُچ آ تخوک نواب اکبر بگٹی نا مجسمہ ءِ ماس آن کشسہ دریر۔

نواب اکبر بگٹی نا مجسمہ ہراڑے ٹہیفوک ئس او علاقہ ءِ پنجگور نا رکھوک علاقہ سرپد مننگک پن کروک علاقہ غان نواب اکبر بگٹی نا مجسمہ ءِ بیگواہ کننگ آن بندغ آتیٹ بھیم ئس تالان ءِ۔

شاری تا پاننگے کہ اوفک سہب ئنا ہراتم بش مسر خنرہ کہ نواب اکبر بگٹی نا مجسمہ ہُچ ئتون اوار تمانے۔ واہم دا باروٹ کالخواہ تا ہچو ہیت ئس مونا بتتنے۔

نواب اکبر بگٹی پنی ءُ سیاست دان ئس اس۔ اودے 2006 نا سال ئٹ تراتانی نا علاقہ ٹی مروکو اسہ دتر چُر ءُ آپریشن ئسے نا وخت آ پاکستانی لشکر کھسفے۔

دا مجسمہ نواب اکبر بگٹی نا ہمو تالان مروک عکس آ جوڑوک ئس ہراٹی او ہُچ آ تولوک مش تیٹ سفر کننگے۔

بلوچستان نا ضلع دکی و کیچ ئٹ پاکستانی لشکر ءِ سلہہ بند جلہو آتیٹ ٹِک کننگانے۔

استو دکی نا سی گروپ ئٹ ٹہیفوک پاکستانی لشکر نا چوکی آ سلہہ بند بندغ آک جلہو کریر۔ جلہو نا توار ناصر آباد و خڑک ئنا علاقہ غاتیٹ ترندی ئٹ بننگا وختس کہ جلہو نا لڑ ہُرے اسکان چکا۔

کالخواہک تدینی ءِ پک کرینو واہم نسخان آتا باروٹ دائسکان ہچو احوال ئس فراوان کننگتنے۔

ایلو پارہ غان کیچ ئنا علاقہ ہیرونک ئٹ سلہہ بند بندغ آک فورسز نا چوکی ءِ جلہو ئٹ ٹِک کرینو۔

پن کروک ہڑتوما جلہو آتا ذمہ واری ءِ دائسکان ہچو تنظیم ئس ارفتنے۔

پاکستانی لشکر نا دو آن زوراکی ئٹ بیگواہ کننگوک مسلم عارف آجو مرسا تینا اُرا ءِ سر مسنے۔

خاہوت نا رد ئٹ 15 سالی مسلم ءِ 15 جون 2023 آ پاکستانی لشکر دکان آن دزگیر کننگ آن گڈ بیگواہ کریسس ہرا بھلو وخت ئسے آن پد آجو مسنے۔

یات مرے کہ مسلم نا زوراکی ئٹ بیگواہی نا برخلاف اونا خاہوت بلیدہ آن تربت آ لانگ مارچ تون اوار برانز ہم کریسس۔

بلوچ لبریشن آرمی نا ترجمان جیئند بلوچ میڈیا غا شینک کروک بیان اسیٹی پارینے کہ بلوچ لبریشن آرمی نا یونٹ، فتح اسکواڈ نا سرمچار آک استو پنجگور ئٹ بی ایل اے انٹیلی جنس کڑدہ زراب (ZIRAB) نا فراوان کروک ڈھکوک معلومداری تا بنداو آ پروم، دِزگٹ ئٹ پاکستانی لشکر و ڈھکوک ادارہ تا جوڑ کروک ڈوہدار بندغ تا ٹولی بیرہ پِن ئنا ڈیتھ اسکواڈ آتا اسہ ہند ئسے آ بھلو کچ اسیٹ جلہو کریر۔

او پارے کہ سرمچار آتا جلہو ئٹ چار ڈیتھ اسکواڈ کارندہ ہند آ مرگ ئنا گواچی مسر اندن اوفتا اسہ سنگت اس تینا سلہہ تے خسا و نرّا۔ اندن مرگ ئنا گواچی مروک کارندہ تا سلہہ و ایلو فوجی سامان تیا سرمچار آک کوزہ کریر۔

ترجمان پارے کہ اندا وخت آ سرمچار آتا اسہ پین ٹولی اس جلہو نا ہند ئنا پارہ غا گام خلوک ڈیتھ اسکواڈ نا سروک بجار شمبے زئی نا ایلم ظاہر شمبے زئی ءِ جلہو ئٹ ٹک کرے، ہرانا سوب آن او جاگہ غا مرگ ئنا گواچی مس اندن اونا اِرا سنگت ٹپی حالیت ئٹ نرّار۔

او پارے کہ اندا وخت ئٹ سرمچار آک اندا جاگہ غا استحصالی پروجیکٹ نا اِرا کریش پلانٹ و ایلو بھلا مشینری تون اوار ہمو ہند ءِ ہُشیسہ تیوہ بھس کریر۔

او پارے کہ پنجگور نا علاقہ پروم ئٹ منہ راجی غدار تینا ذاتی مفاد آتا خاطر کوزہ گیر لشکر و ڈیتھ اسکواڈ آتا کمکار جوڑ مسنو، و بلوچ راجی تحریک نا برخلاف متحرک ءُ، و دژمن ریاست پاکستان نا لشکر کن مخبر و کمکار نا کاریم سر تننگ ءُ۔ او مکروہ کاریم تیٹ بلوچ ورنا تا مخبری، دژمن لشکر کن راشن دننگ، ڈھکوک ادارہ تا افسر آتے تینا ذاتی گاڑی تے تننگ، دژمن لشکر کن کیمرہ و سولر سسٹم خلنگ کون آ کمکاریک اوار ءُ اندن دا غٹ بلوچ دژمن کاریم تے فوج ئتون بیرہ پوریائی تعلق نا پِن تریسہ سر تریسہ ءُ۔

ترجمان پارے کہ پنجگور ئٹ منہ خاص ءُ بندغ ٬لائن٬ نا پِن ئٹ سادہ غا بندغ آتے دژمن لشکر کن مخبری آ بیوس کننگ ءُ۔ پن کروک بندغ آک فوج اکن کمکاری نا داد ئٹ لائن انچارج گچین مسنو، اندن گولڈ سمڈ لائن آ تیل ئنا پوریا کن دژمن لشکر اوفتے اسٹیکر فراوان کیک۔ پِن کروک بندغ آک لس بلوچ آتا معاشی بیوسی آن سواد ارفسہ اوفتے مخبری نا بدل آن اسٹیکر نا جوفہ ایترہ۔ اندن گڑاس بے سلہہ بند مخبر شکار، سیل و سوات و ساہدار تا خیالداری نا بہانہ غا مَش تیا مون کیرہ و سرمچار آتا ہند و کسر تے پَٹنگ نا کوشست ئٹ اختہ ءُ۔

او پارے کہ بلوچ لبریشن آرمی پاش کیک کہ ننا انٹیلی جنس ونگ پِن کروک غٹ بندغ آتیا نظر تخوک ءِ، اگہ پن کروک بندغ آک تینا راجی دژمن کاریم تے یلہ کتور گڑا اوفتے عبرت تروک ایسری اسکان سر کننگو۔

ترجمان پارے کہ بلوچ لبریشن آرمی نا سرمچار آک کیچ ئنا علاقہ ہوشاب تل ئٹ مُسہ دے مالو اسہ کاروائی اسیٹی گواران نا مار مقصود ہند ہوشاب تل سر ءِ دزگیر کریسر۔

او پارے کہ پِن کروک مخبر و کمکار سر و سوج نا وخت آ منّا کہ او پاکستانی لشکر نا کرنل میران تون ہوشاب کیمپ ئٹ اوڑدہی کریسس و پدان اونا پاننگ آ بیرہ پِن ئنا ڈیتھ اسکواڈ کارندہ بہروز نا مار شہداد نا سروکی ٹی مخبر و کمکار نا دروشم ئٹ کاریم کننگ ئس۔

جیئند بلوچ پارے کہ مخبر مقصود منا کہ او ہمدرد نا دروشم ئٹ سرمچار آتا راشن تیٹ ”ٹریکنگ چِپ“ ڈھکیسہ سرمچار آتا کیمپ اسکان سر کریسس، ہراڑے دژمن لشکر جنوری 2023 ئٹ اسہ ڈرون جلہو اسیٹ سرمچار آتا کیمپ ءِ ٹک کریسہ جلہو بناء کریسس و دژمن تون جھڑپ آتیٹ سیوتی تنظیم نا مُسہ سرمچار عامر خان عرف عابد جان، یحییٰ جان عرف کمبر جان، رضا عرف گزین و بی ایل اے نا سنگت قاضی نا مار ممتاز عرف ملا یاسر شہید مسوسر۔

او پارے کہ مخبر کمکار مقصود تینا ڈوہ تے منّنگ تون اوار تینا ایلو سنگت آتا پِن تے ہم پاش کرے۔ راجی غداری نا ڈوہدار مننگ آ بلوچ راجی عدالت نا فیصلہ نا ردئٹ آلہ کار مقصود ءِ سرمچار آک مرگ ئنا گواچی کریر، اندن زراب پن کروک نیٹ ورک نا ایلو مخبر آتا پد رندٹ ءِ، ہرافتے زوت اوفتا ایسری اسکان سر کننگو۔

ترجمان پارے کہ ایلو پارہ غا بلوچ لبریشن آرمی نا سرمچار آک اینو سہب ئنا کوئٹہ نا علاقہ کلی قمبرانی ٹی اسہ انٹیلی جنس بیسڈ کارروائی اسیٹی کوزہ گیر لشکر نا ڈھکوک ادارہ ملٹری انٹیلی جنس (ایم آئی) نا اسہ اہم کارندہ کریم بخش نا مار سید حان بگٹی ءِ سم کاری کریسہ مرگ ئنا گواچی کریر۔

او پارے کہ پاکستانی لشکر نا ملٹری انٹیلی جنس نا کارندہ سید حان کوئٹہ ئٹ کوزہ گیر لشکر کن مخبری تون اوار بندغ آتے ڈھکوک ادارہ تیٹ مخبر نا وڑئٹ بھرتی کننگ ئٹ اوار ئس۔ پن کروک آلہ کار نا اصل ہند محمد کالونی سوئی ڈیرہ بگٹی ئس اندن ساڑی آ ہند کوئٹہ کلی قمبرانی ئس۔

ترجمان پارے کہ غٹ معلومداری و شاہدی تیان پد بلوچ لبریشن آرمی نا سرمچار آک اینو سہب ئنا کلی قمبرانی کوئٹہ ئٹ آلہ کار سید حان ءِ سم کاری کریسہ مرگ ئنا گواچی کریر و اونا سلہہ تے دوئی مسر۔

ترجمان پارے کہ بلوچ لبریشن آرمی دا غٹ جلہو تا ذمہ واری ءِ ارفک، و گیشتر دا پاش کیک کہ بلوچ راجی تحریک و مفاد آتا برخلاف ہرکس متحرک مس، چاہے اونا تعلق ہرا ہم راج، نسل، مذہب و فرقہ غان مس اودے اسہ دژمن و غدار ئسے نا دروشم ئٹ اونا ایسری اسکان سر کننگو۔

گودی حمیدہ بلوچ نا گُڈیکو کُلہوّ

”مِہر گُلزمین تون”

حمیدہ بلوچ | مَٹ: پُلھین بلوچ

دی بلوچستان پوسٹ

نن زگری اُن یا مسلمان دا المی اف ولے نن مِہر گُلزمین تون کینہ۔ تینا جند ئنا ڈغار آ عبادت نا جاگہ غاکو۔ سُجدہ نا جاگہ غاک چلتن آن بناء مریسہ آماچ، زندان، نرمُک، دشت پلیجی، دشت کوگدان، دڑامب، سیاہجی، شاشان، ہلوائی، کھیر تھر، ہربوئی، کوہ سلیمان، کوہ باتیل، کوہ مہدی و کوہ مُراد اسکان و ہلمند آن الیس مکُران (چھابہار)، قصرقند، دشتیاری، سرباز، نیکشہر، پشین مند و بلیدہ اسکان بُڑز، زیبا و گنوکی ءُ زباد نا گند ئتون تفوک ءُ۔ نن دا بُوچ و پَن آتا مِہر ئٹ خُلّوک اُن ہرا کہ کوہ مارّان آن الیس بولان، سنی شوران و ڈیرہ غازی خان اسکان اریر۔ نن دا درخت آتیکن مِہر بشخینہ ہراکہ ماراپ آن الیس ماشکیل و ہلمند اسکان بلوچ ڈغار نا سیم تتون تفوک ءُ۔ نن دا زیبا غا ریک و پُلک آتا عاشق اُن ہراکہ دالبندین آن الیس کھیر تھر و سندھ ئنا دریاب اسکان تینا زباد ءِ ￵تالان کننگ ءُ۔ نن تینا دریاب تون اُست ئنا کُرمبی ئٹ مِہر کینہ ہراکہ اسہ باوّہ ئسے نا دروشُم ئٹ تینا سیخا ءِ ￵ننا کاٹُم آ تخیسہ، مکُران آن الیس ٹھھٹہ اسکان ننا بےمٹ آ دہیاڑ ءِ ￵درشان کریسہ ءِ۔!

نن امو زیبا تتون گنڈوک اُن ہراکہ دا ڈغار نا کُنڈ کُنڈ آن وار وار آ سوگوہی و جیرت ئتون تینا ”مِہر“ ئنا رَکھ کن ار ویل ئتون مون تننگ کن مُدام سَلوک ءُ۔

نن امو سُجدہ نا جاگہ کِن گنوک اُن ہراڑے کنا جغر نا ٹُکُر، کنا ایلُم میرل ”میرک“ سُجدہ کرینے۔ او ننا گچین و سوبّر آ سنگت ئس۔ میرک داسہ روح ئس جوڑ مس۔ لُمہ داسہ صغیر کِن فریشان مریکک۔ میرک تو مُدامی کِن سلیسَک۔ ہرا شادکامی ئٹ کہ میرک ءِ ￵رُخصت کننگ ئسُرہ، ای اَم امو شرف ئنا خواہندار ئُٹ۔ ای ایھُن ءُ ￶مرگ ￶اس خواپرہ، کنے یکہ کہوئی اف بلکہ کنا کہینگ آ کنے شرف تننگے و کنا مرگ آ شادکامیک مریر۔ شاد و گل ئٹ ای مِزل نا نیمہ غا روان مریو، ولے ”نُگرا“ و ￶”زگرین“ کنا زند ئنا بشخ ءُ۔ ای امر کیوّ، ارا فیصلہ کنا حق ئٹی ءِ ￵و ارا کنا چُناتا حق ئٹی ءِ و ارا سِٹ کنا راج ئتون تفوک ءِ۔

ای ویل ئسے نا پلویڑ ئٹی ئُٹ، اسہ لُمہ ئس مریسہ تینا اڑتوما چُنا تیان گر جِتا مریوّ گُڑا اوفک چوری پاننگِرہ۔ چوری تا حالیت کنا مون آٹے۔ ای صغیر ءِ ￵امر تنیا اِلیو، صغیر داسہ اَم نن ئنا پاس آتیا بش مریک و چیہانٹ خلیسہ پائک کہ کنے دڑد تِفہبو، ای تو دا ڈغار تون یکہ مہر کرینُٹ، گواچنی ئٹ مِہر کروکا تون میرک ئس، امو میرک ہرادے لُمہ اسہ ساہت ئس اَم تینے آن مُر کننگ کتوکہ، امو میرک سُجدہ کریسہ تینا مُدامی آ مہر ءِ دُوئی کننگ کِن جون ئنا دروشُم ئٹ (جسمانی) نن تون اف ولے!

ای ہراتم کہ کولواہ غا کاوہ گُڑا اسہ کُوکار ئس بریک و مَش تیٹی پِنیسہ کیک کہ، داسہ برک نن تون اوڑدہ مر، نن نا وڑ اِنگا لال آتون مِلنگ کِن بیقرار اُن۔ میرک اندا مَش تا چُنا ئس۔ مشکے گجّلی آن نوکجو مہیی اسکان شپّاد آ نتّ تون سفر کریکہ بلکہ او تو باضو اَر دامن ءِ ￵دُروت ہلینگ نا اُست خواہی تخاکہ، اخس کہ مِہر کروئی ئس کرے و داسہ روح ئنا وار ءِ، روح بیقرار مریک جون ئتون اوار مننگ کِن ولے داکان اَم گیشتر شادکامی سرسوب آ مرگ ئکن مریک۔ نی اَم برک ولے صغیر پیر اِنگا لُمہ، حمیدہ زگرین و نُگرہ کِن ارٹمیکو زند ءِ ￵تدیفنگ ءِ، امر کین اندا تو زند ءِ۔!

ای دا لُمہ ءِ امر تنیا اِلیوّ کہ ارا میرک نا وڑو لال ئس ودی کرے، دُنو لال چندی تیٹی اسِٹ ئس مریک۔ دُن انگا لال آتا لُمہ غاتیکن ندّر مریوّ ￵کہ تینا پِڈ آتیٹی نُہہ تُو اسکان دا دلیر آتے تخیرہ۔

ای فلسفہ چاؤک ئس افٹ کہ خیربخش مری ءِ ￵چِرِک آتیٹی بال ایتوّ و پدا بریو تینا زند ￵تدیفنگ بناء ￵کیوّ۔ ای حمیدہ اُٹ صغیر، میرک نا اِیڑ، میرک اسہ عمل کروکو سپاہی اس ئسک۔ کنے دا سنگت تون اوّار مروئی ئس و ای مننگ کتوّٹ ولے ای اَم عملی پِڑ آ عمل کریسہ تینا بشخ ئنا کاریم ءِ ￵کریٹ۔ ای گواچن ئٹ داسہ ودی مننگ کِن ہننگ ئُٹ، کنتون گر اوڑدہ مننگ نا اُست خواہی مس گُڑا اندا مَش تا سنگتی ءِ ￵ارفیسَک، ہراکہ میرک نا کسر ئس۔ ای تینٹ دا پاپرہ کہ کنے مُدام سلوکا مِہر دُوئی مریک یا آخہ ولے ہرا خاخر کہ کنا پِڈ ئٹی روتہ خلنگ ءِ، او اسہ دے نہ دے ئس کنے جون ئنا دروشُم ئٹ(جسمانی)نُمے آن جِتا کیک۔ داسہ نُگراہ و زگرین تینا اِلہ تون کانفرنس کال آ اوّار مننگ کپرور ولے پنچ سال مہالو نُگراہ و زگرین نا خیالداری نا زمہ واری ءِ ￵اودے تِسونُٹ۔

ای ہِننگ ئٹی ئُٹ، کنے داسہ داکان کسّس توننگ کپک۔ کنے امو گواچن آ لُمہ نا خُمب ئٹی کاٹُم تِخیسہ، تینا مُچا گِلہ غاتے مُر کروئی ءِ، ہرا نا پِڈ ئٹی میرک تون اوار ننا ایلو جغر نا ٹُکُر آکو۔ لُمہ جان، صغیر جان، نُگراہ و زگرین جان تینا خیالداری ءِ ￵کیرے۔ ای داسہ امو دامن ئٹی ہِننگ ئُٹ ولے تختی و ￶قلم نا سنگتی￵ ءِ ￵اَم ہچبر اِلپیرے، دا ام اسہ سِلاہ / تُوفک ئسے۔ ای و میرک (ہنینا ایلم و سنگت) ہراڑے تُوسُنن داڑے اسہ تختی ئس ام ارے۔ نُم کُل دا تختی نا سنگتی ءِ ￵اسُل الپیرے۔ ای امو نیمہ غا گام خلِنگ اُٹ کہ ہراکان جون ئنا دروشُم ئٹ پدا ہچ بننگ اف ولے کنا روح آواران تون اوار مُچا گُلزمین ئٹ گون مریک۔ ای تینا مُستی نا جُہد ءِ ￵میرک و ایلو سنگت آتون اوار بناء کیوہ۔

سلامتی نُم کِن، نُما ہنینا حمیدہ بلوچ

شال داخہ دَر زیبا اُس نی

شاعر: سلیم فیاضی

شال داخہ دَر زیبا اُس نی
جہانے خٹ آ نا اَسے خَل اَسے تو الپر
کاف نا کل پریک مِش مریر اے ماپر
انت پاو نا دیگر نا اسپیدئی
آےآے نا سرِ شام نا زیبائی
مِسر لبنان نے آن خن اشُیر
اگہ ساتوٹ چلتن آن نے خَنیر
شاعراک غزل تے نے آ چنڈر
نوشتہ کار آک اندونو ناول نے آ لکیر
خوانوک آک لوز لوز ٹی تا گوہنگِر
گورکی اگہ خنوس مہردار نا ٹلان آن نا نِدارہ ءِ
ولا ھزار لمہ ناول نے کین کڑدار لِکھاکہ
مجنوں لیلا نا جاگہ سریاب نا کوچہ سے خنوس
خدا غا شال شال کریکہ توسکہ
گواڑخ اس با مَلیک شال نا دامون اٹ
بہشت نا پُلاک امیڑے گیمرینگرہ
ایسر ءِ اسُل کسم آ شال نے آن اینگ
زیبائی اَدا ناز مِھر وفا استخوائی
افٹ شاعر اس نے کین اندونو نظم خلاٹہ
بِنوک آک ھفت حیران گُنگ اَبکہ مَروسُر
شال داخہ دَر زیبا اُس نی