ضلع کیچ نا علاقہ تجابان ئٹ پاکستانی لشکر نا سم کاری آن اسہ زالبول ئس ٹپی مس ہراڑان گڈ ہندی بندغ آک تولوک برانز کریسہسی پیک روٹ ءِ بند کرینو۔
ہندی حوالکار آک ٹی بی پی ءِ تدینی نا باروٹ شابیتی حوال تریسہ پاریر کہ استو ننکان تجابان ئٹ سلاء بند بندغ آک پاکستانی لشکرنا پوسٹ ءِ جلہو ئٹ ٹک کریر ہراڑان گڈ فورسز خلقت آ سم کاری کرے اندن کہی مارٹر گولہ خلکر۔
فورسز آتا سم کاری نا پلویڑ ئٹ اسہ زالبول ئس بس ہرانا نت آ سم لگانے اندن سم کاری آن کہی اُرا تے نسخان رسینگانے واہم پینجانی نسخان نا حوال اف۔
ہندی بندغ آک برانز ئٹ سی پیک روٹ ءِ اینو سہب آن بند کرینو۔ برانزی تیٹ زالبول و چناک اوار ءُ۔
داکان مالو برجاء سال مئی ٹی ہم علاقہ نا بندغ آک سڑک آ تولوک برانز کریسہ فورسز آتے آبادی آن کشنگ نا خواست کریسر۔ پن کروکبرانز ہم فورسز آتا کنڈ آن خلقت آ مارٹر گولہ خلنگ آن گڈ کننگاسس۔
تدوکا دے بلوچستان نا جتاء علاقہ تیٹ پاکستانی لشکر آ بمب تراک و سلاء بند جلہو آتا دہ آن زیات تدینی رپورٹ مسر۔ گڈیکو حوالتجابان ئٹ فورسز آتیا سلاء بند جلہو نا بسوسس داکان مالو تربت شار ئٹ جوسک نا ہند آ فورسز آتے چغلی بمب ئٹ ٹک کننگا۔
دا جلہو آتیان بھازی نا ذمہ واری ءِ بلوچ لبریشن آرمی ارفینے۔ بی ایل اے نا ترجمان جیئند بلوچ استو شابیتی بیان ئس شینک کریسہپارے کہ “تربت، کاہان، گوادر، حب، خضدار، قلات و کوئٹہ نا کہی جلہو آتیٹ پاکستانی لشکر نا اِرا افسر تون اوار 28 کارندہ مرگ ئناگواچی کننگار۔“