کوئٹہ: ولی تنگی جلہو ئٹ پاکستانی لشکر نا کیمپ آ کوزہ کریسہ 11 کارندہ مرگ ئنا گواچی کرین – بی ایل اے

الّمی خوانبو

بلوچ لبریشن آرمی چار دے مُست کوئٹہ نا علاقہ ولی تنگی ئٹ پاکستانی لشکر آ جلہو نا ذمہ واری ءِ ارفے۔ بی ایل اے نا ترجمان جیئند بلوچ شینک کروک بیان ئٹ پارے کہ بی ایل اے نا سرمچار آک کوئٹہ نا ایب کیب ئنا علاقہ ولی تنگی ئٹ کوزہ گیر پاکستانی لشکر نا اسہ کیمپ ئسے پورو کوزہ کریسہ یانزدہ کارندہ ءِ مرگ ئنا گواچی کریر اور دژمن نا فوجی مڈی تے ہم کوزہ کریر۔

جیئند بلوچ پارے کہ بی ایل اے نا سرمچار آک 14 ستمبر 2023 نا دیگر تون کم و وَد شش بجہ غا کوئٹہ شار آن خڑک ولی تنگی نا ہند آ کوزہ گیر پاکستانی لشکر نا اسہ کیمپ ئسے نا رکھوک پوسٹ آتیا جلہو کریسہ کیمپ ءِ تیوہ کوزہ کریر۔ سرمچار آک دژمن لشکر ءِ جتا کنڈ آتیان گھیڑ کننگ آن گڈ راکٹ و ایلو بھلا سلہہ تیٹ جلہو کریر، ہراڑان دژمن نا ہوش پرینگا، دژمن لشکر تینا سلہہ و کہوک و ٹپی تے ہلیسہ نرار۔

او پارے کہ سرمچار آک کوزہ گیر لشکر نا کیمپ نا اِرا پوسٹ ءِ تیوہ تینا کوزہ ئٹ ہلکر و مسٹمیکو پوسٹ ہرا کہ اسہ فوجی مڈی تا کُڈی اس ئس، اودے راکٹ جلہو ئٹ بُھس کننگا، ہرانا سوب دژمن نا سلہہ نا مڈی تیوہ بُھس مس و پوسٹ آ ساڑی تیوہ غا کارندہ غاک مرگ ئنا گواچی مسر۔

او پارے کہ جلہو نا سوب کوزہ گیر لشکر نا صوبیدار قیصر رحیم بھٹہ ہند کوٹ ادو تون اوار 11 کارندہ مرگ ئنا گواچی مسر و کوزہ آن گڈ دژن نا سلہہ تا مڈی و تیوہ غا گڑا تے بلوچ سرمچار آک تینا کوزہ ئٹ ہلکر۔

جیئند بلوچ پارے کہ بلوچ لبریشن آرمی دا جلہو نا ذمہ واری ءِ ارفک و دا پَک گمان کیک کہ کوزہ گیر پاکستانی لشکر نا پورو پیشن مننگ اسکان دژمن ءِ اندن تُرند دکّ خلنگو۔

پُوسکنا حوالک

خضدار: زوراکی ئٹ بیگواہ کننگوک عبدالوہاب قلندرانی نا لمّہ کذیت کرے

اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت...