بلوچستان نا ضلع مستونگ ئٹ کوئٹہ کراچی بھلا کسر آ سورگز نا ہند آ سلہہ بند بندغ آتا ناکہ بندی نا وخت قبائلی سردار شاہ زمان خان علیزئی و او نا مار ئنا بیگواہ مننگ نا حوال رسینگانے۔
احوالکار آتا رد ئٹ تدینی درو ہمو وخت مون آ بس ہراتم سردار شاہ زمان خان علیزئی تینا مار ئتو اوار مستونگ آن کوئٹہ نا پارہ غا سفر کریسا ئسر۔ احوالکار آتا پاننگ ءِ کہ سورگز نا ہند آ کوئٹہ کراچی بھلا کسر آ سلہہ بند بندغ آک گمانی وڑ ئٹ ناکہ بندی کریسر، ہراڑے گاڑی تا تلاشی ءِ ہلنگ نا وخت سردار شاہ زمان علیزئی و او نا مار ءِ اوفتا ویگو گاڑی تون اوار دننگا۔
احوالکار آتا رد ئٹ تدینی آن گڈ سردار شاہ زمان علیزئی و او نا مار ئنا فون آک بند ءُ، ہرا نا سوب خاہوت آن کس ئسے نا حوال اوفتون مننگ اف۔
تدینی نا سرکاری تلہ آ پٹ و پول و دا بابت ئٹ پولیس یا ضلعی بست و بند نا پاش ءُ موقف اس مون آ بننگ دسکان ارے۔