سلہہ بند بندغ آک شار ئنا جتا جتا انگا جاگہ تیا کنٹرول کریسہ پولیس تھانہ و سرکاری مڈی تے ٹک کریر، پولیس کارندہ ئسے دزگیر ہم کریر۔
بلوچستان نا علاقہ پشین آن حوال آتا رد ئٹ سرانان ئٹی بلوچ سرمچار آتا بھلو کچ اس بھلا سلہہ تیتون اوار شار ئٹی پترینگار و جتا جتا انگا جاگہ تے دو ٹی ہلکر۔ دا وخت آ سلہہ بند بندغ آک پولیس تھانہ غان سلہہ زفت کننگ آن پد تراک ئسے نا وسیلہ ئٹ تھانہ ءِ بھس کریر۔
شار ئنا زی آ کنٹرول نا وخت نادر نا دفتر تون اوار ایلو سرکاری دفتر تے ہم پتک تننگا۔
حوال آتا رد ئٹ سرانان تھانہ غئے جلہو آن مہالو سلہہ بند بندغ آک ہموڑے ساڑی کارندہ تے ہم دزگیر کریر، ہرافتے پدان یلہ کننگا، تھانہ ٹی ساڑی سرکاری سلہہ و ایلو گڑا تے ہم تینا کوزہ ٹی ہلکور۔
سلہہ بند بندغ آک شار ئنا جتا جتا جاگہ تیا کیہی گھنٹہ نا کچ ساڑی ئسر و ہندی بندغ آتیتون تران ہم کریر۔
یات سلے کہ بلوچ آزاتی دوست تخوک سلہہ بند تنظیم آک داکان مہالؤ ہم شار ئنا داپار ایپار ئٹی پاکستانی لشکر آ جلہو کریسہ کرینو، واہم اینو نا جلہو نا زمواری تے دائسکان ہچو تنظیم اس ارفتنے۔