ویلیوز (Values)
مٹ: سمعیہ بلوچ
ایڈالف ہٹلر (Adolf Hitler) ہڑ دے سہب ئنا پنج بجہ آ بش مسکہ، یوگا و جرنلنگ آن دے ئنا بناء ءِ کریکہ۔ دے ئنا بناء ٹی بیدار مننگ آن گڈ او تینا مسخت آتے اریسہ جوزہ و پامدار مسکہ۔ ہٹلر اسہ ترند ءُ بندغ اس ئس، جہان آ حکومت، یہودی، ہم جنس پرست، جپسیز تا ایسری کن کوشست کننگ آن بیدس ہٹلر نا اسہ گچین دروشم اس ہم ئس ہرادے درشان کننگ کن او ہفتہ ٹی گڑاس گھنٹہ اوپرا خف توریکہ و اسہ بے سہب آرٹسٹ اس مننگ آن بیدس ہم مصوری کن وخت المی کشاکہ۔
ہٹلر گواچنی سیلف ڈسپلین نا اسہ بھلو مثیل ئسے۔ او بیست سال ئنا سن ئٹی ئس ہرا وخت جرمنی نا اسہ بیئر بار اسٹ او پاش کننگا کہ اونا زند ئنا مسخت انت ءِ۔ و انداخس برجاء ڈول و مُر اُروک بندغ اس ئس کہ بیرہ بیست سال ئنا وخت ئٹی او جہان نا تیوہ آتیان تاغت تخوکا ملٹری ءِ ٹہیفے، لکھ آ کروڑ آ تینے آن بارانگا تے زیمی کرے و لکھ آتا ساہ تے ہم الک، جہان نا دیہاڑ ئٹی اوڑان بارو influence اینو اسکان اسہ بندغ ئسے نا جوڑ مننگ کتو۔
ہٹلر، سیلف ہیلپ کتاب آتیٹ ساڑی سیلف ڈسپلین آ اسہ بھاز بھلو سوج ئنا ٹک اس تخیسہ ہنا۔ و ہمو سوج ئنا ٹک ننے لوز “ویلیوز” نا پارہ غا دیک۔
ننا زند پین ہچ اس اف بیرہ ننا “ویلیوز” نا کتاب ءِ۔ ویلیوز آک او مفسہ ہرافتے نن فیس بک آ quote نا دروشم ئٹ پوسٹ کینہ و نہ کہ ہمو ہرافتے نن لوز آتا کمک ئٹ درشان کینہ۔ نن سہب آن شام اسکان ہرا کاریم تے ایسر کینہ، ہرا کاریم تیٹ اوار مرینہ او ننا ویلیوز آک مریرہ، او تیوہ آ کاریمک ہرا ننا اولیت ءُ و ہراڑے نن تینا گچین آ وخت ءِ تینہ، یعنی ننا ہڑدے ئی عملی و گواچنی زند۔
مولوی صاحب نماز خوانک، ایمانداری نا پنت ایتک، ولے گڑا تیٹ اوڑدئی کیک، مولوی صاحب نا ویلیوز ایمانداری و نماز اف، اصل اونا گواچنی ویلیوز تیٹ پیسہ و بے ایمانی اوار ءِ ہرادے اونا عملی زند ئٹی ارزانی ئٹ خننگ کیرے۔
اندن ہٹلر نا سیلف ڈسپلن یا سیلف امپرومنٹ اندا سوب آن اف کہ او جہان ءِ جوانو جاگہ اس جوڑ کننگ خواہک بلکن اندا سوب آن ءِ کہ او جہان آ حکومت کننگ خواہک و گڑاس خاص تپہ آک ہرافتیان اونا زاتی بیر ءِ اوفتا ایسری ءِ خواہک۔ سیلف ڈسپلن نا دانا پد ئٹ مسخت بندغ آتے کسفِنگ نا مس گڑا سیلف ڈسپلین منفی مس یا مثبت؟
بھازی برام کروک جوڑی تیٹ ویلیوز نا overlapping مف گڑا بھاز اختلاف و مُری مریک، مثیل ئسے کن اگہ ارغ deep meaningful conversations دوست کیک ولے زائیفہ کن کبین آ بیگ و اسہ لگژری جاگہ ئسے آ چھٹی گدریفنگ اہمیت تخیک گڑا واپس داڑے جیڑہ غاک ودی مریرہ، دوست کروکا فلم یا رنگ آن زیات ویلیوز تا اسٹ ایلو آ گڈو مننگ المی مریک۔
نن ہرا وڑ تینا وخت ءِ گدریفینہ ننا زند اندا وڑ دروشم ہلیسہ کیک۔ دا تیوہ آک اندن نازرک مریرہ کہ ہڑ دے نا زند ئٹی اوڑا خوڑتی ٹی اوننگ بھاز سخت مریک۔ اگہ نما زیات وخت فیس بک آ یا نیٹ فلکس آ فاسٹ فوڈ کونیسہ سیریز اریسہ گدرینگیک گڑا نما زند پک اندا پارہ غا ہنو ہراڑے دا ویلیوز آک دیرہ۔ دا جج کننگ ئس اف، دا ہم ویلیوز ءُ!
نن داڑے ویلیوز تے جج کننگ افن، جانجوڑی و ناجوڑی ویلیوز اسہ جتا ءُ سرحال ئسے، داڑے بیرہ امو گمان ہرانا رد ئٹ نن تینا زند ءِ گدریفینہ داڑا رژنائی شاغِنگ مسخت ءِ۔ تیوہ زند ننا باوری و values پننگ وا جوڑ مننگ نا عمل برجاء مریک، اسیکہ شعوری و اسیکہ لاشعوری وڑ ئٹ۔ بھازی ہٹلر آن بارانگا بندغ آتا پرسنل ویلیوز تا ایسری ءِ لکھ آ کروڑ آ بندغ تے سگوئی تمک۔
یاتی: دا نوشت اردو آن مٹ کننگانے۔ راجی احوالکاری تلہ غان ارفنگ نا سوب اردو نوشتوک نا تا سما اف۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
