حوال تا رد ئٹ اسلام آباد ٹی قائداعظم یونیورسٹی بست و بند نا پارہ غان 60 نا خڑک خوانندہ آتا برخلاف مقدمہ نوشت کننگا خوانندہآتا زیا مقدمہ کار سرکار ٹی دو شاغنگ، گڑاتے پرغنگ و خوانندہ آتے بیم تننگ آ نوشت کننگا۔
ایف آئی آر نا رد ئٹ خوانندہ آک جنگ آن گڈ یونیورسٹی نا مڈی تے ہم نسخان تسر۔
گیشتر حوال تا رد ئٹ ایلو پارہ غان قائداعظم یونیورسٹی ٹی خوانندہ آتا اسٹ ایلو تون جنگ آن گڈ یونیورسٹی ءِ نادرست وخت اسکانبند کننگا اندن جلہو ٹی بھاز آ بلوچ خوانندہ آک ٹپی مسر ولے اسہ خوانندہ ئسے نا حالیت خلیس ٹی ءِ۔
یونان نا شار لاریسا نا ہند 2 ٹرین آتا دک لگنگ نا سوب آن کم و ود 29 بندغ مرگ نا گواچی و 85 ٹمپی مسونو ۔
حوال تروک ادارہ ‘ اے ایف پی ‘ نا شابیت حوال تا ردئٹ فائر سروسز نا ترجمان پک کرے کہ شکست دارالحکومت ایتھنز و تھیسالونیکینا نیام ئٹ ہمو وخت پیش مس ہرا وخت 350 مسافر آتیان پُر اسہ مسافر ٹرین ایتھنز آن کم و ود 235 میل شمال ٹی اسہ مال برادر والاٹرین ٹی ڈک لگا ۔
اوفک اسہ پریس کانفرنس ٹی پاریر کہ ‘ دائسکان کم و ود 29 بندغ کہوک خننگانو ، مسافر آتا رکھ ءِ کریسہ جا تیا رسیفینو ،پھسینگوک گیشتر بندغ آتا رکھ ءِ کننگ نا کوشست دائسکان برجاء ءِ ۔
ایمرجنسی سروس نا کاریم تا ردئٹ 150 فائر فائٹرز و 40 ایمبولینس آتے اوار کننگا، کرین و تیکنیکی کارندہ آتے ہم مِش تے ارفنگ ناپاننگانے ۔
ٹرین نا اسہ بوگی تیوہ خراب مسونے ، ہرادان ریسکیو نا کاریم سخت مسونے ، اندن ایلو کنڈان دھنز و خاخر نا تیرونک آک پیشتنگ ءُ ۔
شکست ئٹ 85 بندغ ٹپی مسونو ہرافتے ہندی اسپتال آتیٹ دننگانے ، ہندی میڈیا دا شکست ءِ یونان نا اینو اسکان مروک آ بدحالیت انگاشکست پن کننگو۔
شکست آن گُڈ حکومت نا اسہ دمدستی مجلس ئس بٹنگنگانے ، یونان نا وزیر جانجوڑی تھانوس پلیورس ہمو جا ءِ دورہ کرینے اندن وزیراعظم داخلہ تاکیس تھیوڈوریکس ‘ کرائسز مینجمنٹ سینٹر ‘ نا کاریم تا رکھ ءِ کننگ ءُ۔
فائر سروسز نا ردئٹ لاریسا نا ہند 2 اسپتال آتیٹ منہ ٹپی مروک آتا دارو درمان خاص کننگانے اندن تھیسالونیکی و ایتھنز ءِ فوجیہسپتال آ ہم ضرورت مننگ نا حالیت ٹی ‘ الرٹ ‘ آٹے ۔
تدوکا دے تیٹ پاکستانی لشکر نا دو آن زوراکی ئٹ بیگواہی نا گواچی براہوئی بولی نا پنی آ شاعر خواجہ مزمل نا خاہوت بیگواہ بندغ تا یلہ مننگ کن جہد کروک آ گل وائس فار بلوچ مسنگ پرسنز نا راہشون آتون اینو کوئٹہ پریس کلب ئٹ پریس کانفرنس کرے۔
پریس کانفرنس کریسہ خواجہ مزمل نا باوہ حاجی محمد حنیف پارے کہ 26 فروری نا دے قمبرانی روڈ آ ٹہیفوک دکان ئٹ تولوک ئسوٹ کہ سی ٹی ڈی نا کارندہ غاک گاڑی ٹی بسر کنے آن کنا پِن ءِ سوج کریر، پِن ءِ پاننگ آن گڈ کنے گاڑی ٹی تولنگ کن پاریر و ہراتم ای توسٹ گڑا اوفک کنا موبائل ءِ پُلار و پاریر کہ ننے تینا اُرا غا در، ہراتم نن اُرا ءِ سر مسون گڑا ای پاریٹ کہ دادے، ہراڑان گڈ اوفک کنے حکم تسر کہ دڑنگپیس و تینٹ اُرا ٹی پیہار۔
او پارے کہ اوفک اُرا ءِ پٹار ہراتم اوفتے بیدس قانودی ہچو گڑاس رسینگتو گڑا کنا مار ءِ دزگیر کریسہ دریر، ہراڑان گڈ نن علاقہ نا تھانہ غا ہنان تانکہ خواست ایتن کہ سی ٹی ڈی نا کارندہ غاک کنا مار ءِ کنا خنتا مونان ارفیسہ بیگواہ کرینو، ایف آئی آر درج کبو تو پن کروک تھانہ دا پاریسہ ایف آئی آر درج کننگ آن نمن کرے کہ نن فورسز آتا بر خلاف ایف آئی آر درج کننگ کپنہ۔
حنیف قمبرانی کوالخواہ و عدالت آن خواست کرے کہ اوفک اونا مار ئنا یلہ مننگ ئٹ تینا کڑد ءِ سر ایتر۔
دے کہی بلوچستان نا بنجائی شار زاہدان ئٹ ایرانی فورسز آک اسہ پین بلوچ ئسے دزگیر کریسہ نادرست جاگہ آ دریر۔
شابیتی حوال تا رد ئٹ 24 فروری آ زاہدان ئٹ فورسز کارندہ غاک بلوچ ورنا ایوب لجائی ءِ دزگیر کننگ آن گڈ نادرست جاگہ آ درینو۔
خن خنوک شاہد آتا رد ئٹ ایوب جمعہ نا نماز خواننگ آن گڈ مسیت آن پدا اُرا غا ہننگ ئس کہ فورسز آک اودے بھاز بے دادی آن گڈ دزگیر کریر۔
ایلو پارہ غا بلوچ ایکٹوسٹ کمپین نا 2022 نا سالانہ رپورٹ نا رد ئٹ گل ءِ 305 دزگیری نا رپورٹ رسینگانے، دا رپورٹ آتے ماہو بلوچ تحریک آن مالو و اوکان گڈ اِرا ڈول ئٹ ونڈ کننگانے۔
چابہار نا پولیس چیف نا کنڈ آن ماہو بلوچ پنی آ 15 سالی بلوچ مسڑ تون زیادتی نا حوال مونا بننگ آن گڈ بلوچستان نا جتاء علاقہ تیٹ برانز کننگا و تیوہ ملک ئٹ برانز آتون اوار دزگیری تا کچ ئٹ ہم ناگمان ودکی مس۔
2022 ئٹ 307 بلوچ شاری تے ایرانی آرمی، فورسز و ایلو ادارہ تا کنڈ آن دزگیر کننگا اندن دا برانز آتیٹ کیہیک بیران و ٹپی ہم مسونو۔
پڑو ادبی کچاری نا چئیرمین سعید نور تینا شنک کروک بیان اسیٹ پارے کہ براہوئی بولی نا و ادب نا پنی آ شاعر و پڑو ادبی کچاری نا باسک خواجہ محمد مزمل نا زوراکی ئٹ بیگواہی نا مذمت کریسہ پارے کہ خواجہ مزمل بے گناہ ءِ اودے زوت آن زوت یلہ کیر اگہ او راستی قانود آن چپ گنا اسیٹ اوارے گڑا اودے پاش کریسہ اونا برخلاف قانودی کاروائی کیر۔
او پارے کہ ریاست نا دن انگا گام تیان نہ بیرہ بلوچستان نا ادبی ادارہ و نوشتہ کار آک بلکن کتاب ربیدگ ءِ تالانی بشخوک آتیٹ ہم سخت خلیس تالان مریک۔ او پارے کہ سرپد مننگ آن گڈ ہم چم بازی تا رد ئٹ بلوچستان نا ورنا تپہ ءِ نفسیاتی بے دادی کننگک تاکن اوفتا تخلیقی لائخیک و علم دوستی، شعور ساہ ایتے۔
او پارے کہ پاکستان نا آئین نا آرٹیکل 4 ٹی صاف پاننگانے کہ “تیوہ بندغ آک اسہ وڑ ءُ و ننے تیوہ آتون اوار اسہ وڑ ننگ و شرف سگ و اوفتا بابت سوج، اِنصاف نا رویہ ئٹ مروئی ءِ”
اندن 8 آن 28 ٹی بنماسی حق آتا ہیت کننگانے۔ است ہسونی نا ہیت ئسے کہ داڑے لس غریب کن قانود پین و خاص بندغ آتیکن پین قانود ئسے، خاص بندغ آتیکن عدالت آتے شام ئنا نن نیما غا ملیسہ اوفتا مون انگا گناہ تے پیہن کیرا اندن غریب مخلوق کن دے ئنا رژنائی ٹی ہم انصاف مر مر اسکان خننگپک۔
او پین پارے کہ نن بندغی حق آتیکن کاریم کروک تیوہ آ ادارہ آتیان بلوچستان نا ادبی تنظیم و ہر تپہ آن تعلقدار شعرا ادبا آن میڈیا نا وڑ ئٹ خواست کینا کہ او خواجہ مزمل نا یلہ کننگ کن تینا کڑدار ءِ ایسر کیر۔ او پارے کہ بلوچستان نا ادبی ادارہ خاص وڑ ئٹ براہوئی ادبی ادارہ آتا چپی و اوفتا جوڑ کروک دانشور آتا چپی سوج کننگ نا ہیت ئسے۔
بلوچستان نا علاقہ اوستہ محمد نا رہینگوک نادر علی شیخ تینا چُنا تون اوار پریس کلب ٹی میڈیا ءِ فریاد بنیفسہ پارے کہ کنا مار ناصر علی شیخ ہرانا سن 14 سال ءِ ہرا قمبرانی روڈ تاجک آباد آن بیگواہ کننگانے ۔
اونا پاننگ ءِ کہ ہشت تُو نا وخت گدرینگانے دائسکان کنا مار پدا ہتنگتنے نن بھاز فریشان ان ننا کَس ئتون دژمنی ہم اف ۔
او وزیراعلیٰ بلوچستان قائم مقام گورنر بلوچستان و گیشتر بھلا کوالخواہ آن دڑدی ئٹ اپیل کریسہ پارے کہ کنا مار ناصر علی شیخ ءِ زوت ئٹ آجو کننگے ۔
بلوچستان نا ضلع ہرنائی ٹی نا درست بندغ آک جلہو کریسہ چار کانڑ مزور کار ءِ مرگ نا گواچی و یانزدہ کانڑ ءِ خاخر تسر ۔
شابیت حوال تا ردئٹ ہرنائی نا علاقہ خوست ٹی کوئل مائنز نا علاقہ ئٹ نادرست بندغ آک کوئلہ کانڑ ٹی کاریم کروک مزورکار آتا ڈیرہ آجلہو کریر ۔
سلاء بند بندغ آتا جلہو ٹی چار بندغ مرگ نا گواچی و مُسہ بندغ ٹپی مسونو سلاء بند بندغ آک خاخر تریسہ یانزدہ کولا کانڑ ءِ ہُشار ۔
سُم کاری آن مرگ نا گواچی مروک مزورکار آتیٹ نورخان، عبدالحنان، سید حنان و عبدالرحمن، اندن ٹپی مروک آتیٹ شیر زمان ، سیداکرم و باز محمد اوار ءُ۔
بست و بندی کوالخواک جا آ رسینگا، جوْن و ٹپی مروک آتے خوست آ دریر ۔
بلوچستان نا جتاء ضلع آتیٹ مروک شکست و سُم کاری تا تدینی تیٹ جمعی وڑ ئٹ پنچ بندغ بیران و اسہ بندغ ئس ٹپی مس ۔
شابیت حوال تا ردئٹ صنعتی شار حب جو ٹی پُچ سلنگ نا وخت آ نیاڑی تون اوار چنا دیر ئٹ ٹُبا ہرانا سوب چنا مرگ نا گواچی مساندن نیاڑی ءِ بچفنگا ۔
ارٹمی تدینی ٹی جھل مگسی نوتال کسر نا ہند آ نا درست سلاء بند بندغ آک ٹرک آتیا سُم کاری کریر ہراڑان اِرا ٹرک ڈرائیور بیرانمسر۔ تدینی نا جا آ پولیس رسینگا جون تے اسپتال آ دننگا ۔
اندا وڑ چاغی امین آباد نا ہند دُز آک سُم کاری کریسہ غلام رسول پِنی بندغ ءِ کسفیر اندن فلک شیر ولد چیئرمین علی بیگ ءِ ٹپیکریسہ نرار ۔
اندا وخت سُم کاری نا اسہ پین تدینی ٹی بلوچستان نا شار حب نا ہندی و حب رمضان ہوٹل نا منیجر ءِ کراچی ٹی سلاء بند بندغ آکسُم کاری کریسہ مرگ نا گواچی کریر ۔
بلوچ لبریشن آرمی نا ترجمان جیئند بلوچ میڈیا غا شینک کروک اسہ بیان اسیٹ پارے کہ بی ایل اے نا سرمچار آک درو بولان نا علاقہمارواڑ ئٹ کوزہ گیر پاکستانی لشکر نا اسہ کمک گاڑی ئسے بھس کریر۔
جیئند بلوچ پارے کہ بی ایل اے نا سرمچار آک دژمن لشکر کن سامان دروک گاڑی ءِ ہشیسہ سامان تے دوئی مسر اندن گاڑی نا ہندیڈرائیور سانول خان نا مار حیدر خان ءِ دزگیر کریر۔
ترجمان نا رد ئٹ دزگیر ڈرائیور حیدر خان سر و سوج نا وخت منّا کہ او بھلو وخت ئسے آن دژمن لشکر کن سامان سر کرینے۔ ڈرائیور آمقدمہ بلوچ راجی عدالت ئٹ مرو۔
ترجمان پین پارے کہ بلوچ لبریشن آرمی بولان، ہرنائی و سبی تون اوار ایلو علاقہ تیٹ ہندی بندغ آتے کوزہ گیر لشکر کن ہر وڑ ئنا کمکآن مُر مننگ نا پارینے نن ہندی بندغ آتے دوارہ خبڑدار کینہ کہ او دا وڑ ئنا ہچو کاریم ئسے نا بشخ جوڑ مفس نئے تو تینا جانی و مالینسخان نا ذمہ وار تینٹ مرور۔
پاکستانی لشکر کوئٹہ کلی قمبرانی آن محمد مزمل پنی خواجہ مزمل ولد حاجی محمد حنیف ءِ دزگیر کریسہ تینتون درینے۔
خواجہ مزمل براہوئی بولی نا شاعر ئسے اودے اینو پیشیم نا وخت فورسز آک کلی قمبرانی ٹی اوفتا اُرا غان دزگیر کننگ آن گڈ بیگواہ کریر۔
خیال ئٹ مرے کہ بلوچستان ئٹ زوراکی نا بیگواہی تا وے ایسر مروک آ لڑ دائسکان برجاء ءِ راج دوست کڑدہ تا رد ئٹ بیگواہ مروک آتیٹ بھلا کچ ورنا و خوانندہ تا ءِ۔
بلوچستان ئٹ زوراکی نا بیگواہی تا لڑ بھلو وخت ئسے آن برجاء ءِ ہراڑے منہ بیگواہ بندغ یلہ مریسہ تینا اُرا تیا بسنو واہم بیگواہ بندغ تا یلہ مننگ کن توار ارفوک گل آتا رد ئٹ گیشتر بندغ آک زوراکی ئٹ بیگواہی نا گواچی ہم مسنو۔
بلوچستان ئٹ زوراکی ئٹ بیگواہ بندغ تا یلہ مننگ کن جہد کروک گل ئنا رد ئٹ بلوچستان ئٹ جتاء تپہ تیان تعلقداری تخوک 20 ہزار آن زیات بندغ بیدس عدالت زوراکی ئٹ بیگواہی نا گواچی مسنو ہرافتیٹ بھلا کچ سیاسی خوانندہ و راہشون تا ءِ۔
ایلو پارہ غا بیگواہ بندغ تا خاہوت آتا گل وائس فار بلوچ مسنگ پرسنز نا کنڈ آن بین برانزی کیمپ کراچی پریس کلب نا مونا برجاء ءِ۔
