نی شنک، نی شلو

نی شہین، نی بے مل، اے شارل

ای قربان

ای قربان نا ایمان کن

وطن نا ماہ گل، اے شارل

نا دا عشق مس گؤا کہ محبوب وطن نا نی اُس

نی سمل ڈیہہ ئنا

نی ماہ گنج، نی حانل، اے شارل

نا دروشم دلیلے امید ؤ خیسن آ ہتم تا

تالانے خوشبوتا ہرجا

نی ہمو پھل، اِے شارل

نی موکش پلسِتار خزملا دلغدر مسنتا

راجی آ گواڑخ اُس

نی صندل، نی شانتل، اِے شارل

عمران فریق

بلوچستان ئٹ کتاب مچی تون پوسکنا سال بخیرٹ

ٹی بی پی تیدری

نوشت: گندار بلوچ

کتاب آتون دوستی تخوکا راج آک ہچ وخت پد تمپسہ، پد تموکا راج آک تینا دیمروی ءِ یخینی جوڑ کیرہ، و دا زند ئنا ایلو بھلا گواچنآتیانبار اسہ پک ءُ گواچن ئسے، ہرادے رد کننگ اٰزان اف۔

بلوچ راج ئنا ورناک ہم کتاب آتون تینا مہر ئنا جتا وڑ ئٹ درشانی ءِ کیرہ۔ کتابجاہ تا اڈ تننگ آن ہلیس کتاب مُچی تے اسکان، جتا وڑ ئٹکتاب آتا ارزشت و اوفتون تینا دوستی ءِ جہان ءِ شان ایترہ۔

اندن بلوچ ورنا تا کنڈ آن ہم دا دود ءِ برجاء تخنگ کن کوشست مننگ ءِ، اندا سوب ءِ کہ پڑو ادبی کچاری نا کنڈ آن بناء مروکا دا گام اینودود ہلیسہ چارمیکو سال ہم برجاء تخنگا، و اینخو سال ئنا ولیکو دے بیرہ پڑو ادبی کچاری آخہ بلکہ اوڑان بیدس بساک و کوہ سلیمانیونائیٹڈ فورم نا ورناک ہم تینا کتاب مُچی اس اڈ تسر، ہرا بلوچ چاگڑد ئٹ کتاب دوستی نا درشانی ءِ کیک۔

2023 نا اولیکو دے اڈ تروکا کتاب مُچی بلوچ ورنا تیٹ کتاب دوستی نا دود ءِ دیمروی تننگ نا اسہ بھلو مثیل ئسے۔ پوسکنا سال ءِ کتابمُچی و کتاب دوستی نا جوزہ ئٹ، و کتاب خواننگ نا دود ءِ راج ئٹ لس کننگ نا کوشست ئٹ بخیرٹ پاننگا۔ پوسکنا سال ءِ دا وڑ منفردانداز ئٹ بخیرٹ پاننگ جہان کن اسہ مثیل ئسے۔

کتاب مچی ہراڑے اڈ ہلک:

سال ئنا اولیکو دے کتاب مچی بیرہ اسہ جاگہ غا آخہ بلکہ جتا جاگہ غا تیا اڈ ہلک۔ بلوچستاب نا بنجائی شار شال آن بیدس بارکھاننا ہند رکھنڑیں ٹی ہم دا کتاب مچیک اڈ تننگار۔

بلوچستان نا بنجائی شار شال ئٹی بلوچ اسٹوڈنٹس ایکشن کمیٹی نا کنڈ آن پوسکنا سال ءِ بخیر کننگ کن کتاب کاروان نا پن ئٹسریاب مل آ کتاب آتا اسٹال اس خلنگا۔

بلوچ اسٹوڈنٹس ایکشن کمیٹی کوئٹہ زون پوسکنا سال ئنا بنائی مُسہ دے اسکان کتاب مچی نا پڑو کریسہ اولیکو دے کوئٹہ سریاب مِلئٹ کتاب مچی اڈ تس ہراٹی کتاب خواننگ نا دود ءِ دیمروی تننگ کن کتاب تبصرہ نا بشخ ہم اوار ئس ہرا ٹی کتاب ریویو ہم مونا ہتنگاتاکہ ورنا تیٹ کتاب خواننگ نا شوق مونی دننگ مرے۔

ایلو کنڈ آن بارکھان نا شار رکھنڑیں ٹی کوہ سلیمان یونائیٹڈ فورم نا ورناک کتاب مچی اس اڈ تسر۔ ورنا تا کنڈ آن کتاب آتا سٹال آکرکھنڑیں بازار ئٹ لگا ہراڑے بندغ آک مُچ مریسہ کتاب ہلکر و دا عمل نا ستا ءِ کریر۔

اندن شال ئنا ہند منیر مینگل چوک آ پڑو ادبی کچاری نا کنڈ آن کتاب مچی اس اڈ تننگا۔ ہراڑے جتا فکری تپہ آتا بندغ آک مُچ مریسہپوسکنا سال ئنا بناء ءِ کتاب ہلنگ ئٹ کریر۔

لس مخلوق نا رد عمل:

بساک، کوہ سلیمان یونائٹڈ فورم و پڑو ادبی کچاری نا کنڈ آن اڈ ہلوک کتاب مچی تیا خوانندہ و ایلو بندغ آک بریسہ کتاب ہلکر و ورنا تاکنڈ آن الس ئٹ کتاب دوستی و کتاب خواننگ نا دود ءِ سوگو کننگ نا عمل نا ستا ءِ کریسہ دادے شعوری دیمروی کن اسہ جوانو گام اسپاریر۔

بندغ آتا پاننگ ئس کہ نن دا عمل نا ستا ءِ کینہ و شعور و چاہنداری تالان کننگ کن دا بھاز گچینو گام ئسے ہراڑکن نن دا ورنا تامنتواری اُن۔ کتاب مچی ٹی پنجاہ (50) درسد رعایت آ جتا سرحال آتیا کتاب آک بہا مسر۔

کتاب مچی ٹی بشخ ہلوکو چنک سن چناء ئسے نا کسہ ءِ سنگت ضیاء نوشتہ کریسہ پائک کہ اینو اسہ چناس کتاب مچی آ بس، ہراڑتوشست روپئی ئسر و پارے کہ دا کنا جیب خرچی ءِ، ای اینو گڑا ہلپرہ کتاب اس الیوہ براہوئی نا۔ ولے، شست روپئی والو کتاب تو الو ولےننے ہم است متو کہ دو خالی الین تہ۔ اندا خاطر آن کتاب نا ٹیکی اس تسون تہ۔

او پارے کہ چنکا ایلم نا است خواہی ءِ خناٹ کنے باز خوشی مس دا خوشی چنا نا راج دوستی و علم دوستی ءِ درشان کریکہ۔

دا سوج ئنا ورندی ائہُن تو پاش ءِ کہ سال ئنا بناء ٹی کتاب مچی انتئے کننگک۔ وا ہم دا سوج ئنا ورندی ءِ تریسہ جمیل فاخر چاگڑدیحوالکاری میڈیا آ نوشتہ کیک کہ دا ہمو سوج ءِ ہرادے گیشتر سنگت آک کیرہ۔ جنوری نا یک تاریخ آ تیوہ جہان ئٹ پوسکنا سال ءِ بخیٹپاننگ کن جتا مجلس آک اڈ تننگرہ ہرافتیٹ مُسٹمی جہان تیٹ کوکار جگا خننگ مریک۔ نن اندا سوب آن پوسکنا سال ءِ کتاب مچی ئٹبناء کینہ تاکہ تیوہ جہان ءِ کلہو سر کننگ کین کہ بلوچستان خواننگ خوائک و چائک۔ داڑتون اوار اوٹے شعوری بیداری و ایمنی نا کلہوہم ارے۔

او پارے کہ ایہُن تو جنوری ٹی شال پارَو تفک و گوریچ نا پلویڑ ئٹ مریک۔ دا دے تیٹ داڑے ”گوریچ“ نا راج ءِ ولے دا دتر ءِ تفِفوکا یخ ئٹی“دے مون“ آ کتاب مچی نا جوش دید کڑزیک۔

اندن خوانندہ، ادبی بندغ آک و ایلو فکری تپہ آتیان تعلقداری تخوکا بندغ آک کتاب مچی تا عکس آتے شئیر کریسہ ورنا تا دا عمل ناستا ءِ کریر و اومیت نا درشانی کریر کہ دا دود اندا وڑ ہر سال برجاء مرو۔

بلوچستان نا بُن  ہلوک اسکولک

ٹی بی پی تیدری

نوشت: زارین بلوچ

بلوچستان نا خواننگ نا بست و بند بے کچ ویل آتا گواچی ءِ۔ لائخ استاد آتا کمبوتی، آسراتی تیان نیست سرکاری اسکول آک، متکنانصاب، تینا بندغ تا مُستی دننگ و جانبداری نا ودوکا دود و ربیدگ، و بورڈ نا سال ئنا امتحان تیٹ پاش دروہ، دا ویل آتیان منٹ ئسے ءُ۔ولے تدوکا منہ تُوہ ئٹی، اسہ پین ویل اس دا چرّ ئٹ اوار مسنے، ہرا کہ اسکول تا بھن تننگ ءِ۔

تدوکا منہ تُوہ ئنا وخت ئٹ کیچ، وندر، پسنی، پنجگور تون اوار بلوچستان نا جتاء علاقہ تیٹ سرکاری و نجی اسکول تے خاخر تننگا۔ہندی بندغ آتا پاننگ ءِ کہ ڈوہدار آک نن نیمہ غا اسکول ءِ خاخر تسر و نرّار۔ او اسکول آتیٹ ساڑی فرنیچر، کتاب، لیب ئنا سامان وکمپیوٹر آک ہشنگسہ ہِس مسر، ہرا نا سوب آن بھاز آ اسکول تے بند کروئی تما۔

حوال تا رد ئٹ بیرہ ضلع کیچ ئٹ مُسہ اسکول ءِ بھن تننگا، ہراڑان او غیر فعال مسنو۔ بلوچستان نا ایلو علاقہ تیٹ ہم اسکول تے ہشنگنا حوال آک رسینگانو، واہم کیچ ئٹ دا وڑ ئنا دا اولیکو تدینی ءِ۔ ڈوہدار آک اسکول تیٹ پمفلٹ خسار، ہرافیتٹ دے کہی تعلیمی بست و بندنا برخلاف خاخر تننگ نا جہاد ءِ اوفتا بنداوی مسخت پاننگا۔ الفرقان اسلامی پنی ءُ اسہ بے پاش ٹولی اس اسکول تے ہشنگ نا ذمہواری ءِ ارفے۔

ٹولی دعویٰ کرے کہ اسکول آک دے کہی تعلیمی بست و بند ءِ بلوچستان ئٹ ہتنگو، ہراڑان دا جاگہ نا الس ئنا اخلاق شیف مرو و چاگڑدنا دروشم ءِ ایسر کرو۔ ڈوہدار آک تینا چنا تے اسکول آ رادہ کننگ نا جاگہ غا لُمہ باوہ تیان خواست کریر کہ اوفک تینا چنا تے دینیمسیت آتیا رادہ کیر ہراڑے او دینی خواننگ ءِ دوئی کریسہ جہان و آخرت ئٹ سرسہب مننگ کیر۔

دا ٹولی پنجگور ئٹ پرچہ ہم خسا ہرا ٹی لمّہ باوہ آتے خبڑدار کننگا، کہ او تینا چنا تے پرائیویٹ سکول آتیٹ رادہ کپس۔ ٹولی نا پاننگئس کہ لمّہ باوہ آک تینا چنا تے سرکاری اسکول آتیٹ رادہ کپس۔ دا ٹولیک پرائیویٹ تعلیم آ السی تعلیم ءِ اولیت تننگ نا جواز تننگ کتو۔بھازیکا راستکی دادے کہ زیات پرائیویٹ اسکول آتا تعلیمی بست و بند اوڑدہ ءِ، ہراڑے مار و مسنک اسہ  کلاس روم ئٹ اوار تولیرہ،بھازیکا دا ہیت انداڑتون گنڈوک مننگ کیک۔  پنجگور ئٹ انتباہی کتابچہ و منَہ جلہو تیان گڈ رکھ ئنا سوب آن مُسہ توہ اسکول آک بندکننگار۔ اوفتے اندا سال اگست ئٹ بین و خلیس تون پدا ملار۔

دا ٹولی تا استدلال نا لکیر کاریم آن ہنوک و مسخرئی ءِ۔ اول تو دا کہ ہرا مذہبی کتاب تینا پیروکار آتیان مذہبی تعلیم تالان کننگ کناسکول آتے ہُشنگ نا خواست کیک؟ و عقیدہ نا دا تینٹ جوڑ مروک رکھوک آتے مذہب نا پنا اخلاقی حکم تننگ نا ذمہ وار دیر جوڑ کیک؟ایلو ہیت دا کہ بلوچستان نا اسکول آتا دا حالیت انتئے مس؟  دننگا تدینیک پاکستان ئٹ پین جاگہ غا تیا انتئے مفسہ، اندن کہ پنجاب یاسندھ؟  بلوچ فرزند آتے دا گڑا تیان انتئے گدرینگوئی تمک؟ مُسٹمی دا کہ حکومت دا تدینی تا نوٹس انتئے ہلپک؟  دا اُریسہ کہ دا تدینیکبلوچ میڈیا ٹی رپورٹ مسر و بھلو کچ ئسے اسکان کوریج تننگا، و اندا سوج کننگا کہ حکومت ہچو ایکشن انتئے ہلنگ اف؟

بلوچستان نا تعلیم مُست آن جتا ویل آتا گواچی ءِ۔ 2018-19 ریئل ٹائم اسکول مانیٹرنگ سسٹم نا رد ئٹ، بلوچستان ایجوکیشنپروجیکٹ نا رد ئٹ شینک مروکو اسہ کتابچہ ہرا سرکاری اسکول آتا نگرانی ءِ کیک، بلوچستان ٹی 15,000 اسکول ءُ۔ رپورٹ ئٹ دااسکول آتیان 74% نا نگرانی کننگا، ہرا کہ تیوئی وڑ ئٹ 11,000 ءُ۔ بھرم آک حیران کروکو ئسر : 3000 اسکول بند ئسر، و بچوکا31% مار تا اسکول و 33% مسن تا اسکول آتیٹ بنداوی آسراتی کن فرنیچر، کتابیں، کُننگ نا صاف دیر، لیبز، بیت الخلا، صاف کلاسروم، و اہل تعلیم آن پد تموک ئسر۔

ہرا اسکول آتیٹ دا آسراتیک اریر اوفتا حالیت ہم دُن جوان اف۔ سرکاری تعلیم  نا معیار باز خراب ءِ، و لمّہ باوہ آک تینا بچت نا ذریعت ئٹتینا چنا پرائیویٹ اسکول آتیٹ خوانفنگ کن زیات فیس تننگ کن  تیار ءُ۔  اعلٰی تعلیم نا خراب معیار نا مطلب ءِ کہ ہزار آ خوانندہ آککراچی، اسلام آباد ۳ لاہور کون آ شار تیا سفر کیرہ، ہراڑے او معیاری تعلیم ہلنگ کیرہ۔

دا غت ویل آتیان بیدس عقیدہ نا خود ساختہ محافظ آتا منَہ ٹولیک اسکول آتے ہُشیسہ حالیت آتے پین خراب کننگ نا فیصلہ کرینو۔

سکولوں آتیٹ خاخر لگفنگ نا بھلو کچ اسیٹ السی غم و سوختئی ءِ ودی کرینے۔ خوانندہ و سول سوسائٹی نا باسک آک اسکول آتےہُشنگ نا دا چھول ئنا برخلاف برانز کننگ کن بلوچستان نا جتا علاقہ آتیٹ کسر تیا پیشتمار۔

بلوچ اسٹوڈنٹس ایکشن کمیٹی (بی ایس اے سی) دا جہد ئٹ کُل آن مونا ئس، بیداری تالان کننگ، برانز اڈ تننگ، و سوشل میڈیا مہمچلفنگ۔ اوتھل ئٹ برانز کروکا تا پاننگ ئس کہ بلوچستان نا تعلیمی بست و بند بے کچ ویل آتا گواچی ءِ و اسکول آتیٹ خاخر لگفنگ  پٹرول خسنگ نا بریبر ءِ۔ برانز کروکا دعویٰ کریر کہ دا تدینیک جتا جتا و بے ترتیب افس بلکہ بیم و خلیس تالان کننگ و بلوچ ورنا تےتعلیم آن مر تخنگ نا ہامدیکا کروکو چم ئسے نا ودی کروک ءُ۔

تربت ئٹ، کیہی برانز کروکا کسر تیا مُچ مسر، ہرا دو تیٹ پلے کارڈ ارفیسر، و اسکول آتیٹ خاخر لگفنگ نا برخلاف نعرہ خلنگ ئسر۔برانز کروکا تا پاننگ ئس کہ بلوچستان نا تعلیمی بست و بند بھس کاری نا ہند آ سر مسنے و اسکول آتے بُن تننگ اودے اُستان دننگ ءِ۔برانز کروکا دا معاملہ آ حکومت نا چپی و بے عملی آ سوج ارفیر۔ برانز کروکا تا پاننگ ئس کہ اسکول آتے ہُشنگ نا چھول بلوچ قوم ءِتعلیم آن پد بٹنگ نا چم ئسے نا بھرم ءِ۔

بلوچستان نا ضلع کیچ ئٹی زالبول اس بے چاننگوک سوب آن خود کشی کرے۔

خودکشی نا تدینی ضلع کیچ ئنا علاقہ تمپ سرنکن نا ہند آ مس، ہراڑے خودکشی کروکا زالبول نا چاہنداری مسمات (ز) نا پنا مس۔

وا ہم خودکشی نا سوب داسکان چاننگ متنے، نئے ضلعی بست و بند دا بابت ئٹ گڑاس پارینے۔

خیال مرے کہ تیوہ بلوچستان ئٹ خودکشی نا تدینیک چرجوئی ئٹ رپورٹ مننگ ءُ، ہراڑے کُل آن زیات خودکشی نا تدینیک ضلع کیچ آنرپورٹ مننگ ءُ۔

بلوچستان نا ضلع خضدار نا علاقہ گریشہ آن پاکستانی لشکر اِرا خوانندہ ءِ دزگیر کننگ آن گڈ نادرست جاگہ غا درینے اندن خوانندہتا بیگواہی نا برخلاف گری گریشہ نا ہند آ خاہوت آک و ہندی بندغ آک برانز کریسہ بنجائی کسر ءِ بند کرینو۔

کسر نا بند مننگ آن گاڑی تا مُرغن قطار لگانے اندن کہی مسافر آک ہم گٹ مسنو۔

بیگواہ مروک خوانندہ تا چاہنداری سراج نور ولد نور محمد ہند اسپکنری و محمد عارف ولد گاجیان ہند سریج گریشگ نا پن تیٹ مسنے۔

بیگواہ مروک آتیٹ سراج نور سرگودھا یونیورسٹی ٹی لاء ڈیپارٹمنٹ ئٹ ششمیکو سمسٹر نا خوانندہ ئسے اندن محمد عارف بلوچستانیونیورسٹی آن ایم اے 2022 ئٹ ایسر کرینے۔

حوال تا رد ئٹ ہڑتوما خوانندہ تے پاکستانی لشکر ہموتم دزگیر کرے ہراتم اوفک تینا علاقہ آ چھٹی گدریفنگ کن بسوسر۔

کوالخواک داسکان دا بابت ہچو ہیت اس مونا ہتنو اندن جتاء فکر ئنا بندغ آک ورنا تا زوراکی نا بیگواہی نا مذمت کننگ ءُ۔

بلوچ مزاحمتی جنز ممکنات نا پارہ غا

دی بلوچستان پوسٹ – تیدری

نوشت: باہوٹ بلوچ

سال 2022 بلوچ آجوئی نا جنز ئنا جتا پالو تے رژنا کرے۔ ہراڑے بلوچ آجوئی دوست آتا کنڈ آن اہم سرسہب کارروائیک خننگ ئٹ بسر،ہموڑے اوفتے جانی نسخان تون ہم مون تروئی تما۔ واہم دا ہیت خنتیان چھپ کننگپک کہ بلوچ مزاحمت پوسکن “ممکنات” آتا پارہ غاہننگ ءِ۔

دا سال بلوچ آجوئی دوست آتا کنڈ آن پنچ ترندو بھلو جلہو کننگا، ہرافتیان مُسہ جلہو ءِ پوسکن دَرغ تا بناء پاننگ مریک اندن دا جلہو تاسوب آن پاکستانی لشکر و ادارہ تے پوسکن صف بندی نا گرج مس، ہرافتا نقش آک بروک وخت ئٹی گیشتر درشان مروک خننگرہ۔ داڑےبلوچ مزاحمتی گل آتیکن کہی سوج و امتحان آک خن اُروک ءُ کہ او دا ترندی ءِ برجاء تخنگ کرور؟ مگہ او ڈیہہ ٹی بدل مروک حالیت وجہانی مفاد آتا نیامٹ تینے منّفنگ کرور؟

ترند جلہو تیا اسہ چمشانک اس:

پاکستان نا زرگزرانی مُخ ئنا ہڈ نا وڑ ئٹ چاننگوک آ شار کراچی ٹی 26 اپریل 2022 آ بارود آن پُر بیگ ئسے تون اسہ فدائی جلہو کاراس چائنیز شاری تے ٹک کرے، تراک نا سوب آن کنفیوشس انسٹی ٹیوٹ نا مُسہ چینی استاد تون اوار 4 بندغ مرگ ئنا گواچی و فورسزکارندہ تون اوار چار بندغ ٹپی مسر۔ جلہو نا ذمہ واری ءِ بلوچ لبریشن آرمی ارفے۔

دا کاروائی ءِ شاری بلوچ عرف برمش ایسری تسوسس، ہرا نا پک ءِ بی ایل اے نا ترجمان جیئند بلوچ کرے۔ جیئند بلوچ پارے کہ “شاریبلوچ تینے ندر کریسہ، بلوچ مزاحمت ئٹ اسہ پوسکنو تاریخ اس نوشتہ کریسہ اولیکو بلوچ زالبول فدائی مننگ نا بھلا شرف ءِ دوئی کرےو تاریخ ئٹ ساندئی کن زندہ مس۔“

کراچی جلہو آن مالو 25 جنوری آ ضلع کیچ نا تحصیل دشت ئٹ سبدان نا ہند آ بلوچستان لبریشن فرنٹ نا سرمچاراک پاکستانی لشکرنا اسہ بنجائی کیمپ ئسے آ جلہو کریر۔ جلہو کم و ود مُسہ گھنٹہ اسکان برجاء مس، ہراٹی بلوچ آجوئی دوست آک سرسہبی دوئیکریسہ کیمپ آ کوزہ کریر اندن جلہو ٹی 9 فوجی کارندہ مرگ ئنا گواچی مسر، مرگ ئنا گواچی مروک کارندہ تیٹ بھازی نا تعلقداریپاکستان نا صوبہ پنجاب آن ئس۔ اندن جلہو ٹی بی ایل ایف ءِ تینا اسہ سرمچار بالاچ نا دروشم ئٹ جانی نسخان ارفوئی تما۔

سبدان وڑ ئنا جلہو داکان مالو بلوچ لبریشن آرمی نا کنڈ آن بولان و بلوچ سلاء بند گل آتا بھلا سیوت “براس” نا کنڈ آن کیچ و مکران ئٹمسونے، دا ہیت یات کننگ نا لائخ ءِ کہ بلوچ سلاء بند گل آتا سیوت براس جنگجو تا کاروائی تیکن پوسکنو کسر ملانے، ہرا اوفتے ترند وڑئنا جلہو تا وڑ و ڈول تون اوار اہمیت آن درستی راستی کرفینے۔

تدوک وخت ئٹ بی ایل اے نا کنڈ آن 2018 ٹی ہرنائی نا علاقہ نشپا آن بناء مروک فورسز آتا کیمپ آتیا کوزہ آن ہلیس جھالاوان تنک،کاہان و مارواڑ جلہوک بلوچ سرمچار آتے دا وڑ ئنا جلہو تیکن بے جارات و تینا کننگ نا کاریم ءِ کریر۔ داڑان مالو فورسز آتا کیمپ آتیاکوزہ کننگ نا کاروائی تا تاریخ چنک مسنے ہرا نا اسہ مثیل بی ایل اے نا مسکوہی سروک جنرل اسلم بلوچ نا کماشی ٹی 2011 ئٹبولان نا علاقہ مارگٹ ئٹی خننگ ئٹ بریک، ہراڑے پاکستانی لشکر نا بنجائی کیمپ نا جتاء پوسٹ آتیا اسہ وخت آ جلہو کریسہ کوزہکننگاسس و داڑتون اوار کوئٹہ آن بروک کمک ءِ ہم ٹک کننگاسس۔

برجاء سال کل آن ترند و ہبکہ کروک جلہو اسہ وخت آ نوشکی و پنجگور ئٹ کننگا، ہرا ٹی بلوچ لبریشن آرمی نا “مجید بریگیڈ” ئنا 16 فدائی بشخ ہلکسر، دا وڑ دا بی ایل اے مجید بریگیڈ نا کچ ئنا ردئٹ ہم کل آن بھلا جلہو ئس۔ بی ایل اے نا ترجمان جیئند بلوچ دا بابتپارے کہ “آپریشن گنجل (نوشکی و پنجگور) جلہو تا بنداوی مسخت نہ بیرہ کوزہ گیر پاکستان بلکن تیوہ جہان نا مونا دا درشان کروئیئس کہ بلوچ جنز ترند جلہو تا طاغت تخک۔ آپریشن گنجل دا ہیت ئنا درشانی ئس کہ اینو بلوچ ورناک آجوئی دوئی کننگ کن امر گڈیکوہد اسکان ہننگ نا لائخی تخیرہ۔“

اندا ترندی ءِ برجاء تخیسہ بیرہ اِرا تُوہ نا نیامٹ بی ایل اے نا مجید بریگیڈ نا فدائی شاری بلوچ کراچی ٹی کنفیوشس انسٹی ٹیوٹ ناباسک آتے جلہو ئٹ ٹِک کرے ۔ پِن کروک جلہو نہ بیرہ تینا مسخت آتے دوئی کرے بلکن اسہ پوسکنو شرہ ئسے نا بناء ءِ کرے۔ دا جلہوئٹی پاکستان نا کمک ئٹ بلوچستان ٹی چینی تا سواد آتے اسہ دَک ئس لگا ہرانا رد عمل ٹی چینی کوالخواک پاکستان آ تینا بے اُست جممننگ نا درشانی کریسہ تینا شاری تا رکھ ئکن تینا لشکری کارندہ تعینات کننگ نا ٹِک آ ہم پام کریر۔

بلوچ آجوئی دوست آک تینا طریقہ کار ئٹ بدلی ایسر ، ہرا ٹی ٹارگٹ نا گچین کننگ و جتاء یونٹس آتا پارہ غان کاروائی کننگ اوار ءِ۔ دابدلی نا درشانی زیارت آن پاکستانی لشکر نا حاضر سروس لیفٹیننٹ کرنل لئیق بیگ نا دزگیری نا وڑ ئٹ کننگا۔ بلوچستان نا شار زیارتنا ہند آ برجاء سال 13 و 14 جولائی نا نیامیکو نن ڈی ایچ اے کوئٹہ نا سینیئر افسر لیفٹیننٹ کرنل لئیق بیگ مرزا و اونا ہلہ مڷ عمرجاوید ءِ سلاء بند بندغ آک چاہنداری کننگ آن گڈ تینتون دریر۔

تدینی آن گڈ پاکستانی لشکر علاقہ ٹی بھلو کچ اسیٹ آپریشن نا بناء ءِ کرے واہم او برمتہ مروک بندغ آتا یلہ کننگ ئٹ بےسہب مسر،اندن اوکان گڈ جتاء وخت آتیٹ ہڑتوما بندغ آتا جونک رسینگار۔

بلوچ لبریشن آرمی نا ترجمان جیئند بلوچ دا باروٹ بیان اس شینک کریسہ پارے کہ بی ایل اے نا اسپیشل ٹیکٹیکل آپریشنز اسکواڈ ( ایس ٹی او ایس ) اسہ ڈھکوک حوال ئسے آ زیارت آن خڑک آپریشن کریسہ پاکستانی لشکر نا اسہ حاضر سروس اعلیٰ افسر، کرنللئیق بیگ مرزا ءِ دزگیر کرے۔

او گیشتر پارے کہ لیفٹیننٹ کرنل لئیق بیگ مرزا، بلوچ لبریشن آرمی نا اسہ اہم مسخت اس ئس و تدوکا کہی دے تیان بی ایل اے ناانٹیلی جنس یونٹ اوڑا نظر تخاسس۔ 12 جولائی آ تیوہ دے اونا رند ہلنگا و آخر اودے اسہ اندنو علاقہ سے آن دزگیر کننگا، ہراڑے الُسکِن بیم کم آن کم ئس۔ جیئند بلوچ پارے کہ ” کرنل لئیق بیگ تینا غٹ ڈوہ تے منا، ہرانا سوب آن اودے بلوچ راجی عدالت ئٹ سزائے مرکتننگا۔ ہراڑان گڈ سزا آ عملدرآمد کننگا ۔ ”

داکان بروکا تُوہ اگست ئٹ بلوچ سلاء بند تنظیم نا غُٹ آن بھلا سیوت بلوچ راجی آجوئی سنگر (براس) ضلع لسبیلہ ٹی پاکستانی لشکرنا اسہ ہیلی کاپٹر ئسے بٹنگ نا ذمہ واری ءِ ارفے۔ ہیلی کاپٹر ٹی سوار پاکستانی لشکر نا غٹ شش کارندہ جاگہ غا مرگ ئنا گواچیمسُر۔ مرگ ئنا گواچی مروک آتیٹ کور کمانڈر 12 کور لیفٹیننٹ جنرل سرفراز علی، ڈائریکٹر جنرل کوسٹ گارڈ میجر جنرل امجد،بریگیڈر خالد، پائلٹ میجر سعید، معاون پائلٹ میجر طلحہ و چیف نائیک مدثر اوار ئس۔

اسہ پین کاروائی اس بلوچ لبریشن آرمی 25 ستمبر آ ہرنائی ٹی کرے ہراڑے پاکستانی لشکر نا اِرا کارندہ ءِ چاہنداری آن گڈ دزگیرکننگا اندن دزگیر مروک کارندہ آتیکن آپریشن ٹی اختہ مروک ہیلی کاپٹر ءِ بلوچ جنگجوک خلیسہ بٹیر ہراٹی پاکستان لشکر نا اِرا پائلٹآتون اوار شش کارندہ مرگ ئنا گواچی مسر۔

اندن سال ئنا گڈیکو دے تیٹ اِرا دے نا وخت ئٹ کم و ود 15 جتاء وڑ ئنا جہلو کننگا ہرافتا ذمہ واری ءِ بلوچ لبریشن آرمی ارفے۔ پِن کروکجلہو آک بلوچ لبریشن آرمی نا مسکوہی سروک جنرل اسلم بلوچ نا شہید مننگ نا دے آ خننگ ئٹ بسر۔ دا جلہو تیٹ بی ایل اے اسپیشلٹیکٹیکل آپریشنز اسکواڈ ( ایس ٹی او ایس ) نا تربت و کاہان ٹی جلہو آک مونا بسُر ہرافتیٹ پاکستانی لشکر نا اسہ کیپٹن و کمیشنڈافسر تون اوار 9 کارندہ نا مرگ ئنا گواچی مننگ نا پَک کوالخواک کریر۔

بدلی آن سرسہبیک:

بلوچ مزاحمتی تنظیم آتا پالیسی تیٹ اسہ پاش بدلی اس خننگ مریک ہراٹی ترند جلہو آتون اوار ایلو ٹک آک ہم پامداری خوارہ۔ بلوچسلاء بند تنظیم آک ہراڑے جلہو آتا سوب آن جہانی میڈیا ءِ تینا کنڈ آ پام تسر ہموڑے چاگڑدی حوالکاری میڈیا و ایلو ذرائع تیٹ تینا کلہوءِ پاش وڑ ئٹ جہان اسکان سر کریر۔

بی بی سی اسہ رپورٹ اس تس کہ نوشکی و پنجگور جلہو آتا وخت آ ” ہرا وخت ہندی مخلوق و افسر آتیان معلومداری رسینگ الو وحوال کننگ ہم کبین ئس، ہموڑے بی ایل اے تینا ٹیلی گرام چینل نا ذریعت ئٹ ویڈیو، آڈیو و پریس ریلیز نا دروشم ئٹ چرجوئی ئٹمعلومداری شنگ کننگ ئس۔ و نن خنان کہ زرس وخت ئٹی دا معلومداریک چاگڑدی حوالکاری میڈیا غا شنگ مننگ بناء مسر۔ سرکاری وپک میڈیا نا کنڈ آن معلومداری مفننگ نا سوب آن بی ایل اے نا بیانیہ سوشل میڈیا آ گیشتر تالان مننگ بناء مس ۔“

بی بی سی ودیک نوشتہ کرے کہ “بی ایل اے نا کنڈ آن دا معلومداریک مُسہ زبان انگریزی، بلوچی و اردو ٹی شنگ مننگ ئسر۔ داڑان  بیدس جلہو کار آتا کچ، پن و عکس آتون اوار ’آپریشن گنجل‘ پنی آ دا جلہو نا تیوہ شابیتی حوالک ہم میڈیا و سوشل میڈیا آ شنگکننگار۔“

اندا ڈول بی ایل اے کراچی ٹی مروکا فدائی جلہو نا وخت آ ارفے، ہراڑے شاری بلوچ نا عکس آتون اوار ویڈیو و آڈیو کلہو آتون اوار اونابارو ئٹ شئیر و تران ہم شنگ کننگا۔

بلوچ سلاء بند تنظیم آتا کنڈ آن  پاکستانی فوج آ مروکا کیہی جلہو آتا ویڈیوک اینخو شنگ کننگانو۔ دا ویڈیو تیٹ باز آ جلہو آتے پک یانمن کننگ پاکستانی فوج نا حوالکاری شعبہ آئی ایس پی آر آن بتور، وا ہم بلوچ سلاء بند تنظیم آتا شنگ کروک ویڈیوک آئی ایس پی آرنا موقف ءِ پین نزور کریر۔

داکان بیدس پن کروک تنظیم آک لٹریچر آ ہم پام تننگ ءُ۔ بلوچ لبریشن آرمی نا گائیڈ بُک “چیدہ” پِن کننگ کڑزیک، و بی ایل اے نا کنڈ آنخَدو آن بار اینخو ہم پین اِرا کتاب شنگ کننگانے۔

اندن بلوچ سلاء بند تنظیم آتا کاروائی تیٹ اوفتا شیفینکو یونٹ آتا نشخ آک درشان مسنو، ہرافتیٹ میڈیا آن بیدس ڈھکوک معلومداری تیاکاروائی اوفتا “انٹیلی جنس یونٹ” و “ایلیٹ فورسز” آ پام ایتک۔ ہرا کاروائی تیان پاش مریک کہ بروک وخت ئٹ زوت دا “ایلیٹ فورس” پین جوانیکا مونی بننگ کیک۔

ایلو کنڈا نسخان آک:

سال ۲۰۲۲ ٹی نسخان تا بابت ئٹ بلوچ سلاء بند تنظیم آتیکن “بلوچ نیشنلسٹ آرمی” نا سربراہ گلزار امام عرف شمبے نا دزگیر مننگ وپاکستان آ رادہ کننگ نا حوال ہم تالان مس۔ دُن تو جہانی ندارہ آ اسہ تحریک ئسے نا پنی آ باسک آتا دزگیری نا تدینیک مونا بسنو ولےبرجاء بلوچ تحریک ئٹ دا تینا نوعیت نا اولیکو تدینی ءِ۔

ولے سیکیورٹی چاہندار و بلوچ آجوئی پسند تنظیم آتون تفوک حلقہ آتا پاننگ ءِ کہ گلزار امام نا دزگیری آن بلوچ سلاء بند تحریک آتیاہچو بھلو زہم تمتو۔

سنگاپور ئٹ ساڑی ایس راجارتنم اسکول آف انٹرنیشنل اسٹڈیز پنی ءُ سیکیورٹی تھنک ٹینک اسیتون تفوک محقق عبدالباسط پائک کہسلاء بند تنظیم آتیکن اہم کمانڈر آتا بیرانی یا دزگیری زیات اہمیت تخپک۔

وائس آف امریکہ تون ہیت کریسہ اونا پاننگ ئس کہ گلزار امام نا دزگیری آن بلوچستان ئٹ بی این اے نا نیٹ ورک ءِ تو دَک لگنگ کیکولے تیوئی وڑ ئٹ داڑان بلوچ آجوئی پسند تحریک آتے ہچو بھلو نسخان مننگ کپک۔ او 2018 ٹی کراچی ٹی چینی قونصلیٹ آ جلہو ناماسٹر مائنڈ اسلم بلوچ نا خلنگ نا مثیل ءِ تریسہ پارے کہ بی ایل اے اسلم بلوچ نا جانشین بشیر زیب نا راہشونی ئٹ پین سوگوْ مسنے۔

داکان مُست گلزار امام نا دزگیری نا حوال نا مونا بننگ آن، اونا ہی تنظیم نا کم از کم ۳۵ بلوچ جنگجو جتا علاقہ آتیٹ آپریشن آتا وخت آخلنگار ہرافتیا پاکستان فوج ئنا کنڈ آن ڈرون جلہو آتا کاریم ئٹ ہتنگ قابل ذکر ءِ۔ پن کروک تنظیم آن بیدس ایلو بلوچ جنگجو تیا ہم ڈرونجلہوک کننگاد ہرافتیٹ اوفتے جانی نسخان تون مون تروئی تما۔

ایسری:

بلوچ سلاء بند تنظیم آتا کنڈ آن فورسز کیمپ و ہیڈکوارٹر تیا کوزہ، ہیلی کاپٹر خلنگ، حاضر سروس فوجی اعلیٰ آفیسر آتے دزگیر کننگو زالبول جلہو کار آتا اوڑدئی دا جنگ ئنا زراب ءِ پین ودفنگ نا خیال تننگ ءِ، ہراڑان بلوچستان ئٹ برجاء جنگ ئنا حالیت پین بدل مننگ ناگمان خننگک و پاکستانی فوج ئنا ڈرون جلہو آتیان ہلیس بھلو کچ ئسے اسکان آپریشن بناء کننگ و چینی کوالخواہ تتون اوار ٹیکنالوجینا ذریعت ئٹ خاص وڑ ئٹ بلوچ جنگجو تے زیر کننگ نا کاروائیک پاش کننگو کہ بلوچستان ئٹ داسا ہچو ‘شیفینکو پِڑ ئنا مزاحمت‘ اساف بلکہ داڑے اسہ ‘تیوہ جنگ‘ اس بش مسنے ہرا نا درشانی ءِ بلوچ سروک آک ہم کریسہ بسنو۔

ایہن تو گدرینگوک توہ تیٹ سلاء بند سرمچار آک پاکستان فوج نا دزگیر کروک کارندہ تا بدلہ ٹی بندی تا یلہ کرفنگ نا درشانی کریر۔ دااولیکو وار ئس کہ اسہ بلوچ سلاء بند تنظیم “فوج ئنا تیوہ پیشتمنگ” نا ہیت آن بیدس اسہ ٹِک سے آ تران کننگ آ تیار مسر، وا ہمپاکستانی فوج نا کنڈ آن تاغت کاریم ئٹ ہتنگا۔

تومکا فریق آتا موقف ءِ کہ انتہاء ہی آن اختتام دوئی کننگ مریک ولے داڑان بلوچستان ئٹ پین دتر وہنگ ٹی ودکی مرو مننگ کیک دا دتراسلام آباد نا در و دیوال تیا ہم چٹ ہلنگ کرور۔

بلوچستان نا دریابی شار گوادر و ایب کیب نا علاقہ تیٹ سڑک آتیا موڷ، آنسو گیس نا شیلنگ و جاگہ جاگہ غا ہشنگوک ٹیر آک تموک ءُ۔اندن کہی ہند آتیا آسمان ئٹ سم کاری نا توار ہم پنیسہ کرے۔

شار نا کہی گلی تیٹ برانزیک ساڑی ءُ، سلاء بند فورسز کارندہ غاک ہم سلوک ءُ۔

واہم حکومت بلوچستان نا دعویٰ ءِ کہ گوادر پورٹ آ ہنوک کسرک مُسہ دے آن گڈ بحال کننگانو اندن گوادر میرین ڈرائیور و پورٹ روڈ ہمملنگانے۔

حکومت نا دعویٰ ءِ کہ پسنی ٹی ہم تولوک برانز ایسر مس۔

سیکورٹی نا باروٹ اونا پاننگ ءِ کہ ایکسپریس وے سربندر کراس آ 500 و ہاشمی چوک گوادر آ 400 کارندہ سیکورٹی کن سلیفنگانےکاشتی چوک، الجوہر اسکول و سید ظہور شاہ روڈ گوادر آن برانزیک یکہ مسر۔

حکومتی دعویٰ نا رد ئٹ پسنی زیرو پوائنٹ، گوادر فاضل چوک و گوادر جیٹی آ ہم سیکورٹی کارندہ سلیفنگانے۔

واہم حکومتی دعویٰ تیان چپ شار ئٹ حالیت آک جوان افس بلکن داسکان ہم خراب ءُ۔

دی بلوچستان پوسٹ نمائندہ نا رد ئٹ شار نا سڑک آتیا ہن و بر ہڑدے آن کم و پوریا تیوہ بند ءِ اندن اندن برانزیک ٹولی تا دروشم ئٹساڑی ءُ۔

برانزی تے توننگ کن فورسز آتا بھلو کچ اس سڑک آتیا بکتر بند گاڑی تون اوار گشت کننگ ءِ۔

شار ئٹ انٹرنیٹ، بجلی و فون ئنا بند مننگ آن حکومتی دعویٰ پین نزور مننگے کہ حالیت آک کنٹرول ئٹی ءُ۔

حق دو تحریک پارے کہ اورماڑہ ٹی پولیس نا بےدادی آن اوفتا اسہ باسک اس بیران مسنے۔

اوفتا رد ئٹ چار شمبے نا دے پرامن برانز نا وخت آ پولیس بےدادی کریسہ اوفتا اسہ باسک دوست محمد نا خون ءِ کرے۔

ایلو پارہ غان تربت ئٹ ایمنی تون برانز کرو آ راہشون تے ہم دزگیر کریسہ اوفتیا جتا کیس خلنگانے۔

یاتی مرے کہ سئے شمبے آ گوادر ئٹی برانز کروک و پولیس نا نیامٹ جھڑپ نا سوب آن اسہ پولیس کارندہ اس سم ئنا لگنگ آن مرگ ئناگواچی مسوسس ہرا نا دوبہ ءِ وزیر اعلیٰ بلوچستان “حق دو تحریک” آ خلک و حق دو تحریک نا سروک مولانا ہدایت الرحمٰن نا برخلافکیس کننگ نا پاریسس۔

وزیر داخلہ ضیاء لانگو پریس کانفرنس ئٹ پارے کہ سی پیک بلوچستان نا دیمروی ءِ ولے ننا مہمان و ایلم چائنیز آتا برخلاف ہم مولاناہدایت الرحمٰن تران کرینے ہرا ہچ وڑ اسیٹ سگنگ مفرو۔

اندن “حق دو تحریک” دا دوبہ آتے رد کرینے۔ اونا پاننگ ءِ کہ ترند سم کاری فورسز آتا کنڈ آن کننگا ہرا نا پلویڑ ئٹ اوفتا جند ئنا کارندہبس۔

راہشونک اسہ بیان اسیٹ پاریر کہ “ہراتم ڈی سی گوادر تولوک برانز نا ہند آ بس تو اونا ہیت آتیان درشان مس کہ داسا ایف سی، فوجپولیس و لیویز نا وردی ٹی تولوک برانز کروک آتیا جلہو کرور تاکہ بندغ آک ضلعی بست و بند آ سوختہ مریر و ایف سی و فوج بے ڈوہمرے۔“

کہی ہند آتیان حق دو تحریک نا 18 باسک دزگیر کننگار۔

دزگیری تا باروٹ حق دو تحریک نا اسہ باسک اس دی بلوچستان پوسٹ ءِ پارے کہ ننا کہی ہمدڑد آتے اُرا تیان ارفنگا و اوفتا مڈی تے ہمنسخان تننگانے۔

اونا رد ئٹ کماش راہشون حسین واڈیلہ سنگت آتون اوار دزگیری آن گڈ بیگواہ ءِ۔

“حق دو تحریک” نا سروک مولانا ہدایت الرحمٰن گوادر ئٹی برجاء حالیت نا ذمہ وار حکومت ءِ کریسہ پارینے کہ بندغ آتا جائز خواستآتے مننگ نا جاگہ غا حکومت بےدادی نا کسر ءِ دوئی کرے۔

اندن حکومت بلوچستان گوادر نا برجاء حالیت نا ذمہ واری ءِ “حق دو تحریک” آ خلیسہ پارے کہ برانزی تا کنڈ آن پورٹ ءِ بند کننگ ناکوشست کننگا ہرانا سوب آن پولیس ءِ کچ ئٹ کارروائی کروئی تما۔

خیال ئٹ مرے کہ ‘حق دو تحریک‘ نا راہشون تا دزگیری و ایکسپریس وے آ تحریک نا برانزی کیمپ ءِ لتاڑنگ نا برخلاف دو شمبے نا سہبآن گوادر شار و ضلع نا ایلو علاقہ تیٹ برانز نا لڑ برجاء مس۔

یاتی مرے کہ دا تحریک نا خواست آتیٹ کل آن بھلا خواست سمندر ئٹی بیدس قانودی وڑ ئٹ مچی تا ہلنگ نا ایسری ءِ۔ تحریک ناراہشون تا دوبہ ءِ کہ صوبہ سندھ آن اِرا ہزار آن خڑک ٹرالر بلوچستان نا دریابی حد آتیٹ ٹرالنگ کننگ ءُ۔

تحریک نا راہشون تا پاننگ ءِ کہ مچی تا بیدس قانودی ہلنگ نا وخت آ ممنوعہ جال ہم کاریم ئٹ ہتنگک۔ داڑان نہ بیرہ گوادر بلکن ہندیمچی ہلوک آتا ہم معاشی خون مننگ ءِ و دریانی ساہدار تے ہم نسخان رسینگے۔

بلوچی زبان نا پنی آ شاعر منیر مومن نا نظم آتا براہوئی مٹ “ کپوت دیوانہ ءُ چک ئسے “ زوت اوتاک مکران نا نیمہ غان چاپ و شنگکننگو۔

منیر مومن نا نظم آتا تاک نعیم بلوچ نا کنڈ آن براہوئی ٹی مٹ کننگانے۔

خیال مرے کہ بلوچی آن براہوئی و براہوئی آن بلوچی ٹی مٹ باز کم خننگ مسنے، منیر مومن نا دا نظم آتا تاک ءِ براہوئی ٹی مٹ کننگ ناباز ستا مننگ ءِ۔

کتاب نا بارو ئٹ ڈاکٹر رحیم بخش مھر نا پاننگ ءِ کہ نن بلوچ آک ( بلوچی و براہوئی ہیت کینہ) جہان و جہان نا ساچست ءِ ہڑتوما زبانتیٹ مُچ کرینن ولے بلوچی بلوچی آن براہوئی و براہوئی آن بلوچی مٹ باز نزور مسنے۔ دا باز جوانو کاریم ئسے بائدے بلوچی ٹی ہمبراہوئی نا جوان انگا نوشت آک مٹ کننگ مریر۔

تاک ئنا پد پنہ غا آ عبدالرزاق ابابکی نوشتہ ءِ کہ بلوچ خوش بخت ءِ کہ اونا اسٹ آن زیات زبان ءُ و ہڑتوما لبزانکی ہم زبان ءُ۔ بلوچ آتابھلو کچ اس بلوچی و براہوئی ہڑتوما زبان تیٹ ہیت کیک۔ نوشتہ کار آتا ہم بھلو کچ اس ارے کہ ہڑتوما زبان تیٹ لکھنگ کیرہ ولے تینالٹریچر ءِ بدل کننگ آ داخس پام تفسہ اندن کہ کروئی ءِ۔ داسا منَہ ورنا ارے کہ دا دود ءِ ارفنگ ءُ کہ براہوئی ٹی بلوچی و بلوچی ٹیبراہوئی نا نوشت آتے مٹ کننگ نا زی آ کاریم کننگ ءُ ولے اوفتا کچ باز کم ءِ۔

او مُستی نوشتہ کرینے کہ اگہ ہُننگ مرے تو لبزانک نا خوشی پوسکن ءُ بنداو ئسے تون تفوک ءِ، پوسکنو خیال اس مرے یا مف، خیال آتےلوز آتون اوار  مونا ہتنگ المی ءِ۔ ولے دا تاک ئنا تہہ ئنا خیال آک پوسکن ءُ مننگ کیک فکر ہم اندا مرے کہ ہر بلوچ شاعر نا است خواہی ءِولے اونا درشان کننگ نا وڑ و ڈول اونا مونا ہتنھ نا ڈول، لوز آتے پوسکن ءُ داب ئسے تون و جوانو وڑ اسیٹ براہوئی زبان ئٹی مٹ کننگ ناڈول آ اونا شاعری خواننگ آ گیشتر ہدوناک مرو۔

مُستی نوشتہ کننگانے کہ نعیم بلوچ ہمو ورنا تیان ءِ کہ اسہ تو ہڑتوما زبان تیان سرپندی تخک و نوشت ہم لکھیک۔ تاک ئٹی او بلوچیزبان نا بھلو پنی ءُ شاعر منیر مون نا نظم آتے مٹ کرینے۔