زرتشت
نوشت: یاسر جواد | مٹ: کامریڈ علی ظفر
دی بلوچستان پوسٹ
ودی دے، کساس 628 مُستر مسیح
کزیت، کساس 551 مُستر مسیح
ملک، فارس
اہم انگا کاریم، بھجن و نظم آک
مُتکُن انگا فارسی آ مذہبی اصلاح کار آک زرتشت ءِ اسے پیغمبر اور زرتشت مت نا بانی پارینو۔ اونا دور نا باروٹ مفکرین تا نیام اٹ بھاز شرہ ءِ۔ اِنکارٹا انسایئکلو پیڈیا نہ منہ پولکار تا باور کروکا ہیت آک نوشتہ ءُ کہ او 1750 و 1500 مُستر مسیح یا 1400 و 1200 مُستر مسیح نا نیام نا دور ئٹی مسونے۔ انسایئکلو پیڈیا بریٹانیکا فارسی روایت بند جوڑ کرے۔ اوفتا رداٹ اونا ودی دے و کذیت زی آن نوشتہ ءُ۔
زرتشت ءِ مذاہب عالم نا تاریخ ئٹی ہرا سوب آن پام رسینگک۔ اسے کُنڈان او اسے داستانی ءُ شخصیت اس جوڑ مَس۔ اونا تعلقداری دے ٹک خڑک ہیلینائی دور (300مستر مسیح ءَ 308) نا میڈی ٹرینین جہان نا سحری دود و عقیدہ غا تو بھاز زیات ئس۔ ارٹمیکو پارہ غا خدا نا ہلوکا وحدانی آ تصور مذہب نا پوسکن انگا مورخین تا مون ءِ ہلک۔ اوفک زرتشت نا تعلیمات ءِ یہودیت و عیسائیت نا نیام اٹی حوالکاری نا ذکر ءِ کریر۔
فارسی یا زرتشتی ءَ فکر نا یونانی، رومن و یہودی آ فکر نا زی آ عمیق انگا اثرات آتا دعوٰی غا کے مسترد کننگ کیک۔
زرتشت نا مذہبی آ نظریات آتا اثر ءِ تسلیم کننگ بھاز ضروری ءِ۔ زرتشت مت نا طالب علم آکے اوفتا بانی نا بابت آ بھاز جیڑہ غا کے خنا نو۔ داسا سوج اس بش مریک کہ زرتشت مت نا ہرا بشخ زرتشت نا قبائلی آ مذہب آ ہلنگانے ایلو ہرا بشخ اونا خیالات اونا تخلیقی آ مذہبی جینئس genius نا مون ئٹی پوسکُن ودی مس۔ اَسے پین سوج اس ارفنگک کہ مُست ئنا ساسانی دور (224ء تا 651ء) نا زرتشتی مذہب “مزدیت” ہرا کچ اسکان زرتشت نا اصل انگا تعلیمات آکے مون مُستی دیک۔
مسٹمیکو سوج نا ذکر کننگ ہم بھاز الّمی ءِ کہ اوستا، گاتھائیں اور فارسی پہلوی نا کتب تیان بیدس جِتا جِتا انگا یونانی مصنفین تا کتب زرتشی خیالات آکے ہرا کچ اسکان نمائندگی ءِ کیرہ۔
زرتشت نا زند ئنا باروٹ تفصیلات آک قیاسی ءُ۔ زرتشتی روایت آتا رداٹ او “سکندراعظم آ 258سال مستر گدرینگانے ” 330 مستر مسیح ئٹی سکندر ایکمینوں آتا دارالحکومت پرسی پولس ءِ فتح کرے۔ ہندا دور نن بند و اگہ منن تو زرتشت 588 مستر مسیح ئٹی وشتاسپ (او بحیرہ ارال نا جنوبی ءَ علاقہ کوراسمیانا بادشاہ ئس) نا مذہب ءِ بدل کرے۔ روایت آتا رداٹ ہمو وخت زرتشت نا عمر 40 سال ئس۔ ہندُن اونا ودی مننگ نا دے 628 مستر مسیح جوڑ مریک۔ اونا تعلقداری شہسوار آتا اسے اُراسے آن ئس۔ او تہران نا خڑک آ اسے خلق اسیٹی ودی مس۔ اونا باوہ پیرہ نا جاگہ دائسکان شار اس جوڑ متوسس۔ اوفتا معیشت مال مڈی ئس۔ زرتشت وخت اس خانہ بدوش آکے “دروغ نا پیروکار” پاریکے۔
وڑتا رداٹ زرتشت اَسے پروہت اس ئس۔
اہورامزدا دانا آقانا کنڈان الہام ہلنگ آن پد تینے سیخائی (الوہی) راستگیری نا پیغام تِروکا جوڑ کرے۔ علاقہ نا سول مذہبی حکام اونا مخالفت ءِ کریر۔ الہام نا راستگیری آ یقین کننگ نا پد ہم او متکن انگا فارسی پرست مذہب آ ایمان ءِ جوڑ کرے۔ توڑے اہورامزدا ءِ لافانیت و مسرت نا وعدہ کرو کہ انصاف نا بادشاہ نا نیام ئٹی تِخا۔ توڑے زرتشت سماجی و اقتصادی اقدار آتا بنداو زی ان متکن انگا فارسی مذہب ئٹی اصلاح کاری کننگ خوائس۔ ولدا ہم اولیکو دشمن آک ہمو بندغ آک ئسر اوفکے او دروغ نا پیروکار پائک۔
اعلیٰ ترین و پرستش نا قابل انگا اسٹ اِنگا دیوتا اہورا مزدا زرتشت نا تعلیمات آتا محور ئس۔ گاتھاؤں تا رداٹ او آزمانک و ڈغار نا مادی و روحانی جہان نا خالق ئس۔
او نور و ظلمت نا ماخذ مختارِ کل قانون و ہندہ ءُ فطرت نا جوہر آن بیدس اخلاقی نظام نا جوڑ کروک کل آ جہان نا مصنف ہم ئس۔ ہندوستانی وید آتیٹی کثرت پرستی زرتشت تو اوار اَف۔ مزدا تو اوار حکومت آتو اوار دیوی نا ذکر افک۔ اہوارمزدا نا خڑک شش یا ہفت ہستی تا حلقہ ءِ اوفک اوستا ئٹی امیش سپینتا ءِ (فیض رساں لافانی) پاریر۔ گاتھاؤں تیٹی امیش سپینتا نا پن ہر وخت بریک۔ اودے زرتشت نا فکر و دیوتا نا تصور نمائندہ پاننگک۔
گاتھاؤں تا لوز آتیٹی اہورامزدا ( ہروُہ مقدس)، آشتاوہشا (انصاف و راست گو) ووہومناہ (راست اِنگا سوچ) ارمیتی ( بھگتی) نا باوا ءِ۔ ہمو لشکر نا ایلو مُسّہ ہستیک اہورامزدا نا خوبی آتا تجسیم ءِ پارے۔
کھشتر (قابل خواہشت سلطنت) ہوراواتت ( ہمہ گیر) و امیرے تت ( لافانیت)۔ ولدا ہم دا امکان مسترد مَفک کہ داکُل اہورامزدا نا تخلیق ءِ۔ داہستی تا مجسم جواننگا وصف اہورا مزدا پیروکار آتکے قابل تحصیل ءُ۔ انسان و ودیوتا ہر توما تکے اَسے ڈَول ءُ اخلاقی اصول ءُ۔ زرتشت مت نا اَسے خاص ءُ معادیاتی(Eschatological) پہلو کھشتر انا تصور اٹی اَرے او مستقبل نا قابل خواہشت بادشاہت اَسے۔ مَچے گڑبڑ ودی مسونے زرتشت نا تعلیمات آتا وحدانیت اٹی ثناہیت(dualism) نا وجہ غا اہورامزدا نا اَسے دشمن اہرمن ءِ او برائی یا شر انا نماہندہ ءِ اونا پیروکار اک ہم بد ءُ۔
دا اخلاقی ثناہیت (dualism) نا جڑ آک زرتشتی تکوینیات(cosmology) اٹی ءُ۔ او دا تعلیم تس کہ شروع اٹی اِرا ہروہ آتا نیام ملاپ مَس “زند یا غیر زند ” تینا کننگ اٹی آزاد ئس۔ دا حق اختیار اَسہ خیر و شر نا اصول ودی کرے۔ حق و انصاف نا سلطنت نا تعلقدای اول الذکر و دروغ نا سلطنت نا تعلقداری موخر الذکر اٹی ءُ۔ ولداہم وحداینت نا تصور تکوینیاتی و اخلاقی ثناہیت (dualism) و نا زی آن غالب ءُ انتئے اہورامزدا ہڑتوما ہروُہ اک (خیروشر) نا باوا ءُ۔
اہورامزدا انجام کار امیش سپینتا تو اوار ہروُہ شر نا خاتمہ ءِ کیک۔ کائنات نا اخلاقی دوئی نا ختم کننگ نا دلالت کروکہ دا پیغام زرتشت نا مرکزی آ مذہبی آ اصلاح ءِ۔ دانا پیش کروکہ وحدانیت پرستانہ حل مُتکُن انگا ثناہیت(dualism) آ رجوع کیک۔ ولدا ہم اَسٹ آن پد اَنّا دور اٹی ثنائی نا اصول آک بھاز زیات انگا ڈَول اٹی ظاہر مسر۔
دا مسخت نا خاطر آ اہورامزدا نا حیثیت ہم اونا دشمن اہرمن نا برابر مس۔ اولیکو آفر نشیں اٹی دنیا خیر و شر اَنا سلطنت نا نیام اٹی بشخنگاس ئس۔ ہر انسان اَسٹ انا انتخاب ءِ کروئیءِ۔ اہورامزدا اونا حکومت یا اہرمن نا۔
اَنّا اصول اک روحانی آ ہستی تا زی ہم لاگو مریرے۔ تینا اختیار کروکا کسر آتا رد اٹ جوان یا خراب۔ انسان نا آزادی نا اختیار نا مطلب ءِ کہ او تینا تقدیر نا ذمہ وار ءِ نیک اِنگا انسان تینا جوان انگا اعمال آتا ذریعہ غا ابدی انعام یعنی لافانیت و وصال ہنگ ئس۔ دروغ نا کسر ءِ ہلوکہ تینا ضمیر آ بیدس اہورامزدا ہم سزا ایتک۔ دا تصور بھاز کچ اٹ عیسائی آتا تصور دوزخ تو مِلِک۔ استا نا رداٹ اسَے وار ہڑتوماتہ اسے کسر ءِ منتخب کیر تو واپسی نا ہچو ڈَول اس اَف۔ جہان ہرا مخالف آتا گروہ تیٹی بشخنگانے ہرا ڈَول نا سلطنت ءُ اہورامزدا نا کُنڈا دیہات آباد کروکہ او اَسے مخصوص ءُ چاگڑدی بست و بند اسیٹی اوار تینا مال مڈی نا خیالداری ءِ کیک۔ دروغ نا پیروکار اک دُز صفت گِدانی آکو۔ زراعت و گلہ انی نا دشمن آک۔
بھاز انگا گاتھاؤں آکے زرتشت نوشت کرینے۔ اوفتٹی تصور نا معادیات مِلِک۔ کذیت آن پد انسان نا منتظر مقدر نا بابت ءَ و وَدکل ہر پنہ غا نوشت ءِ۔ زرتشت نا رد اٹ جہان ئٹی ننا حالیت ہم کذیت آن پد حالیت نا تعین کیک۔ ایلو زند ئٹی اہورامزدا جوان فعل، جوان گفتار، و جوان سوچ ءِ انعام مِلِک۔ خراب اِنگا فعل، خراب اِنگا گفتار خراب اِنگا سوچ ءِ شراغان گدرینگک۔ کذیت اَن پد ہر انسان ہروُہ صلہ نا پول آ گدرینگک۔ اونا کُنڈا ہر انسان پریشان و خوف اٹی ءِ۔ اہورامزدا نا فیصلہ غا پد نیک اِنگا ہروُہ ابدی مسرت و نور نا سلطنت اٹی کارے۔ گناہگار انگا ہروُہ آکے خوف و ظلمت نا سلطنت اٹی کارے۔ ولدا ہم زرتشت جہان نا ختم مننگ نا اَسے دور اَنا اعلان ءِ کرینے۔ تخلیق نا آخیری ءَ مرحلہ اٹی اہرمن نا خاتمہ مریک۔ جہان اٹی نیک انگا انسان آک آباد مریرے۔ زرتشت مُردہ غاتا ولدا زندہ مننگ نا عقیدہ ءِ اختیار کرینے۔ وشتاسپ ءِ تینا پیروکار جوڑ کننگ آن پد بادشاہ نا دربار اٹی سلیس۔ ایلو حکام اک ہم مذہب ءِ بدل کریر زرتشت نا مسڑ بادشاہی نا وزیر طہماسپ تو برام کرے۔ روایت آتا رداٹ زرتشت 77 سال نا عمر اسکان زندہ ئس۔ (551مستر مسیح) اونا کذیت آن پد بھاز انگا حکایات آک زرتشت ءَ منسوب مسّور۔ قصہ غا تا رداٹ زرتشت نا ودی مننگ آن پد کل آ فطرت شاد مس او بھاز انگا قوم تیٹی تبلیغ کرے۔ مقدس خلوص ءِ روشن کرے اَسے مقدس ءُ جنگ اس ہم کرے۔ او پروہت آک، جنگجو آک و زراعت کار آتا اَسّے ماڈل تو اوار ماہر دستکار و شفادہندہ نا ڈُول اٹ خننگا کے۔ مغربی فکر نا زی اَن زرتشت نا لوزاک اثر کرینو۔ اَسّے کہ افلاطون، ارسطو، اور فیثاغورث اوٹی ہم بھاز دلچسپی ہلکُنو۔ ایلو یونانی و رومن نوشت کار آک ہم زرتشت ءِ مغربی دانش و سحر نا بانی پیغمبر خیال کرینو۔ پدآن یہودی و عیسائیک زرتشت آتا تعلقداری جوڑ کننگ نا زی آن، بد انگا ہروُہ فرشتہ غاک، زند آن پد کزیت و جنت و دوزغ نا باروٹ یہودی و عیسائی آتا عقیدہ غا تا ترقی زرتشت نا نظریات آتا اثر ءِ۔
“ایلو تا کے جوانی کننگ فرض اَف مسرت ءِ اَنتئے کہ دا ننا تینا صحت و خوشی ءِ زیات کیک”. زرتشت
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
