ضلع کیچ نا علاقہ تمپ کلاھو ٹی نا درست موٹر سائیکل آ مروک سلہہ بند بندغ تا سم کاری آن اسہ ورنا احسان ولد شوکت بیران مس ۔
تدینی اینو سہب یانزدہ بجہ ہمو وخت مس ہرا وخت او تینا اسٹور آ ساڑی ئس ۔
ہندی ذرائع نا ردئٹ کسفنگوک مالو پاکستانی لشکر نا دوتیان زوراکی ئٹ بیگواہ مروک ئس و اوکان گڈ آجو کننگاسس ۔
پاش مرے کہ داکان مالو ہم زوراکی ئٹ بیگواہ بندغ آک آجو مننگ آن گڈ کسفنگ مسونو ۔ بلوچ راج دوست حلقہ آتا پاننگ ءِ کہ زوراکی ئٹ بیگواہی تا گواچی بندغ آتا یلہ مننگ آن گڈ ریاستی ادارہ غاک اوفتے ہندی سرکاری مخ تف ٹولی تا دوتیان کسفیرہ ۔