درد ئسے گیشتر و ہچ بیان ہم مفک
خاک خیسن مریک ہچ گمان ہم مفک
گواڑخ ءِ کشکرہ پت دسیرا چڑہ
اندن و کیرہ چم ہچ نشان ہم مفک
کشیرہ دیدہ تے گنگ کیرہ ننے
ولا ہم او تے کس ہچ شغان ہم تفک
خسنگء او ننے خاخراٹ ظلم آ نا
انتہ کے ایلم آن ہچ بیان ہم مفک
نے کروئی ء جنگ دا وطن کن تینا
داسہ نوری کو نو ہچ جوان ہم بفک
کاٹم آن سرجہ ء او پھلان ء ننا
دا کنڈا انتہ کے ہچ دھیان ہم بفک
بے سما لاشعور انتہ کے مسن ان
چھت ہنا کاٹم آن ہچ گدان ہم مفک
کینہ دن نن صفت تینا جنگاتے نن
دنو غیرت ہچ قصہ تیان ہم بفک
بش مرین داسہ نن دا وطن کے تینا
بولانی دا ہنا ہچ زمان ہم مفک
زبیر بولانی
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔