افغانستان نا دارالحکومت کابل مسجد ٹی تراک آن ہفت بندغ مرگ نا گواچی و بھاز بندغ ٹپی مسونو ۔
پیشن ملکی حوال تِروک ایجنسی نا ردئٹ تراک افغانستان نا اسہ بھلو مسجد وزیر اکبر ٹی نماز جمعہ آن گُڈ ہمو وخت آ مس ہرا وختنماز خوانوک آک مسجد آن پیشن مننگ ئسُر ۔
اسپتال ذرائع تا ردئٹ تراک ٹی زیات نمازیک ٹپی ءُ و مرگ نا گواچی مننگ نا خُلیس ہم ارے ۔
تراک نا حوال رسینگنگ تون سیکیورٹی کارندہ آک ہمو جا آ رسینگار و علاقہ ءِ گھیرہ کریسہ سرچ آپریشن ءِ بناء کریر ۔
افغان پولیس نا ردئٹ بنائی پٹ و پول آن معلوم مننگ ءِ کہ مقناطیسی تراک آن کننگانے ۔ کابل پولیس ترجمان خالد زدران نا ردئٹ تراک آنہفت بندغ کسکنو۔
تراک نا ذمہ واری ءِ دائسکان کَس ارفتنے واہم طالبان حکومت آن گُڈ دا وڑ آ تدینی تا ذمہ واری تے داعش ارفیسہ کرینے ۔
یاتی مرے کہ کابل ٹی تدوکا پنچ دے ئٹ مروک دا مُسٹمیکو تراک ءِ ۔