بلوچستان نا ضلع خاران آن پاکستانی لشکر چار بندغ ءِ دزگیر کریسہ بیگواہ کرینے اندن زوراکی ئٹ بیگواہ مُسہ بندغ آجو مسنو۔
بیگواہ کننگوک آتا چاہنداری امین اللہ نا مار ارشاد، محمد انور نا مار داؤد و عبدالقادر نا مار امین اللہ نا پن تیٹ مسنے۔ ہرافتے خاران جنگل ہند کلی رحمت اللہ ٹی پاکستانی لشکر اُرا تیا چھاپہ خلیسہ دزگیر کرینے۔
حوالکار تا ردئٹ فورسز آتا کم آن کم بیست گاڑی تیا تالان قافلہ علاقہ ءِ پلویڑ کننگ آن پد پن کروک بندغ آتے دزگیر کرے۔
اندا وخت ئٹ خاران آن اسہ پین بندغ ئسے نا زوراکی ئٹ بیگواہی نا حوال رسینگانے۔ اینو پیشیم نا دو بجہ غا خاران بازار آن امان اللہ محمد حسنی ءِ اونا دکان آن سلہہ بند بندغ آک برمتہ کریسہ تینتون دریر۔
ایڑے ضلع کیچ نا تحصیل بلیدہ غان پاکستانی لشکر نا دو آن بیگواہ مُسہ ورنا آجو مریسہ تینا اُرا تے سر مسنو۔
آجو مروک بندغ آتیٹ اکرم، عبدالمالک و صلاح الدین ہند چھب بلیدہ اوار ءُ۔ خاہوتی حوالکار آک اوفتا آجو مننگ ءِ پک کرینو۔