تربت آن پاکستانی لشکر اِرا بندغ ءِ دزگیر کریسہ نادرست ہند آ درینے۔
بیگواہ مروک آتیٹ سلیم نا مار وارث و اسلم نا مار نثار اوار ءُ۔
پن کروک بندغ آتے تربت نا علاقہ آسکانی آن پاکستانی لشکر اینو سہب ئنا دزگیر کننگ آن پد بیگواہ کرینے۔
خیال ئٹ مرے برجاء دے تیٹ تیوہ بلوچستان آن کیہی بندغ تے پاکستانی لشکر دزگیر کریسہ بیگواہ کرینے۔ درو ڈیرہ بگٹی و بارکھان آن چار کیس رپورٹ مسنو اندن تربت ئٹ ہم درو پاکستانی لشکر کیہی بندغ آتے دزگیر کریسس۔ ہرافتا چاہنداری محمد رحیم نا مار ڈاکٹر ظفر، ڈاکٹر ظفر نا مار رحیم جان و بہرام نا مار ڈاکٹر محمد کریم و جبار مننگ کرینے۔
ایلو پارہ غان قلات ئٹ برجاء لشکر کشی نا وخت آ چِل آن زیات بندغ دزگیر کننگانو ہرافتا چاہنداری دائسکان مننگ کتنے۔