بلوچستان نا علاقہ، خضدار و حب ئٹ روڈ شکست نا جتا ویل آتیٹ اسہ بندغ اس مرگ نا گواچی مسونے، اندن17 ٹپی مسونو۔
رسینگوک حوال تا رد ئٹ خضدار بھلا روڈ جھالاوان کمپلیکس نا خڑک آ شکست آن مدرسہ نا اسہ طالب علم اس ہند آ ساہ تس و ارا خوانندہ بھاز ٹپی مسونو۔ ٹپی آک ٹیچنگ ہسپتال خضدار آ سر کننگانو۔
گیشتر حوال تا رد ئٹ خضدار جھالاوان کمپلیکس نا کنڈا مزدا گاڑی و رکشہ نا ڈک لگینگ نا سوب آن اسہ طالب علم اس مرگ نا گواچی مسونے و ارٹ ٹپی مسر، پولیس مزدا گاڑی ءِ کوزہ ٹی ہلیسہ سر و سوج بناء کرینے۔
پین حوال ئسے نا رد ئٹ کراچی آن گوادر آ ہنوک مسافر آن پُر کوچ اوتھل زیرو پوائنٹ نا خڑک مکران کوسٹل ہائی وے آ ڈرائیور نا دو آن یلہ مریسہ کلٹی مس۔
ویل ئنا سوب آن 15 آن زیات مسافر ہرافتیٹ زالبول و چنا ہم اوار ءُ، ٹپی مسونو۔ ایدھی ریسکیو و ہندی پولیسں نا رد ئٹ تیوہ آ ٹپی آک اوتھل اسپتال آ سر کننگانو۔
پولیس نا رد ئٹ ویل ئٹی ویل ئنا سوب پِر ئنا سوب آن کسر نا پر شُوک مننگ ہم مننگ کیک۔