بلوچ لبریشن آرمی نا میڈیا چینل ہکل آ تدوکا دے بلوچ لبریشن آرمی نا کماش بشیر زیب بلوچ نا “شہید آتا دے” ئنا وخت آ اسہ آڈیوکلہو ئس شینک کننگا۔ دا خاص کلہو شہید آتا دے ئنا مجلس تیٹ ہم بنفنگا۔
تینا کلہو نا بناء ٹی بی ایل اے نا کماش بشیر زیب بلوچ ہیت کریسہ پائک کہ زندہ غا راج آتا چیدہ اندا مریک کہ او تینا شہید آتے یاتکریسہ دا سوغند کیرہ کہ شہید آتا فکر و فلسفہ ءِ ہلیسہ تینا مزل نا کنڈ آ گام خلون۔ اینو ہمو شہید آتا دے ءِ ہرافک ننکن و ڈغاربلوچستان اکن تینا ساہ تیان ایج ارفیر ہرافتے دا ڈغار تون مابت اس اینو ہمو شہید آتا دے ءِ ہرافک راجی آجوئی نا دا جہد ءِ تینا دترتریسہ نن کل آ دا ذمہ واری ءِ خلکر کہ نن دا جہد ءِ مون مُستی درون اینو نا دے دا شہید آتے بیرہ یات کننگ نا اف بلکن سوغند کننگ نادے ءِ کہ نن دا شہید آتا مشن و مسخت ءِ مزل نا کنڈ آ درون۔
بی ایل اے کماش نا آڈیو کلہو ئٹ پاننگ ئس کہ تدوکا سینزدہ نومبر آ ہرا شہید آک ننتون اوار اسر تینا مسخت آ ندر مریسہ دا سال اوننتون اوار افس، مننگ کیک بروک آ سینزدہ نومبر آ ننے آن کس مف ولے دا جہد مونی ہنیسہ کرو توفک تمپک دژمن نا مونا سلاء بِٹوئیاف و دا کاروان برجاء مرو۔ دا جہد ءِ مزل نا کنڈ آ دننگ کن ننے تینا خیال تے شابیتی تریسہ تینا کاریم تون ایماندار مروئی ءِ۔ نن تیناشہید آتے ہر دے ہر ساعت یات کینہ ولے سینزدہ نومبر نا دے ئنا مسخت ننے دا سوچوئی ءِ کہ اوفک انتئے و دیر کن تینا ساہ تے ندرکریر۔
بشیر زیب بلوچ پارے کہ ننے سماء مرے دژمن توفک نا زبان ءِ سرپد مریک او نا دوٹی پھل ئس اف او تینا غٹ فوجی مشینری ءِ بلوچ آتابر خلاف کاریم ئٹ ہتنگ ءِ ننتون راج ئسے نا وڑ جنگ، توفک و بے دادی آن بیدس پین ہچو کسر سلتنے کہ نن تینا راج ئنا رکھ ءِ کننگکین، نن تینا جاچ ءِ الین کہ نن انت کننگ اُن و ہرا ہند اسکان کننگ اُن ننا راجی گُرج آک انت ءُ راج ننے آن انت خوائنگ ءِ مگہ جاہی نندا جہد ئنا خواست آتے پوروْ کننگ اُن ؟
او پارے کہ بلوچ راج نا زی آ ہرا ظلم آک مننگ ءُ اوفتون مون تننگ کن راج نا وڑ ئٹ نن انت کننگ اُن، پیشن پیشتمبو عمل کبو، عمل ئٹتوفک ارفبو عمل ئٹ دا راجی جنگ ئٹ اوار مبو اینو ننے تینا وس آن زیات جہد ئنا گُرج ءِ۔
بشیر زیب بلوچ نا پاننگ ئس کہ اینو ہموفتے یات کبو ہرافک دا راجی جہد اکن تینا اُرا و چنا تے پدی الیسہ خوشی ئٹ ساہ تے ندر کریرہمو دے ءِ یات کبو ہراتم شہید فدائی درویش تینا معصوم آ چنا تے الیسہ تینا مشن آ ہنا، ہمو دے اوڑا انت گدرینگو۔ ہراتم فدائی ریحان ءِاونا لُمہ باوہ رخصت کننگ اسر گڑا او لُمہ باوہ غا انت گدرینگو، فدائی شاری ءِ یات کبو و سرپد مبو کہ اینو بلوچ چنا، پیر انگا، زالبول ونرینہ دا جہد کل ئنا ذمہ واری ءِ و کل ءِ دا ٹی اوار مروئی ءِ۔
بی ایل اے کماش نا پاننگ ئس کہ اینو شاری تینا کاریم ئٹ دا درشان کرے کہ زالبول آک اسہ کاریم اسیٹ ہم نرینہ تیان پدی افس،زالبول آک جہد کار جوڑ مننگ کیرہ دا جنگ نا بشخ جوڑ مننگ کیرہ شاری نا قربانی جہان آ دا پاش کرینے کہ بلوچ زالبول آک دا جہدئٹ ہچو کاریم ئسے آن پدی مفرور۔
او بلوچ لُمہ باوہ تا پن آ تینا کلہو ئٹ پارے کہ لُمہ باوہ غاک تینا چنا تے دا راجی جنگ ئٹ اوار مننگ آن توپس بلکن اوفتا حوصلہ جوڑمریر اوفتے ہمت ایتر، بلوچ لُمہ باوہ غاک تینا چنا تے نزور و نرور آ بندغ تیان مُر تخر و اوفتا تربیت ءِ کیر اگہ نن راجی جنگ ئس کننگ اُنگڑا دا نزور انگا سوچ تون اسُل مننگ کپک ننے ہمت، حوصلہ، جوزہ، ایمانداری و ترندی تون اوار دا راجی جہد ءِ مونا دروئی ءِ، دا کسرنزور آتا اف بلکن ہموفتا ءِ ہرا مکران آن بولان اسکان دژمن نا کیمپ آتیٹ بشخندہ کریسہ پیہرہ تینا دژمن ءِ خلیسہ اودے پیشن خسرہاگہ نن تینے او دلیر آتا سنگت و وارث سرپد مرینہ گڑا ننے دا جہد ءِ مونا دروئی ءِ و دا تیوہ ترندی و طاغت تون اوار مننگ کیک ننے اینودا جہد ءِ ایمانداری ئٹ مون مُستی دروئی ءِ۔
بشیر زیب بلوچ نا پاننگ ئس کہ اینو ہزار تا کچ ئٹ بلوچ آک دژمن نا زندان تیٹ ءُ ہمر نن شہید آتے یات کینہ اوفتے کن ہم اسہ دے ئسگچین کبو او بندی تے ہم یات کبو انتئے کہ اوفک او غٹ اذیت آتیان بیدس ہم دژمن نا مونا تینا کاٹم ءِ شیف کپسہ۔ او سرمچار آتے ہم یاتکبو کہ او ننکن غٹ اذیت آتے سگیسہ پنجاب و پنجابی نا مونا کاٹم ءِ شیف کننگ افس۔
بلوچ راہشون تینا کلہو ئٹ پارے کہ بلوچ تینے فکری ذہنی و جوْن ئنا باروٹ تیار کے دا دژمن لکھ آتا کچ ئٹ ننا بندغ تے خون کرو ہمر کہاو بنگلہ دیش ئٹ کرے زالبول آتون بدکاری، دژمن ءِ ورندی تننگ کن تینے تیار کبو تماشئی مفبو، ببو دا راجی فرض ئٹ عملی کڑد ایسریایتبو۔ پنچ کروڑ نا راج ئسے دا اورپبو کہ چار بندغ قربانی ایتور چار بندغ جنگ کرور و نن تولوک تماشئی مرون بلکن نن کل ءِ دا جنگئنا بشخ جوڑ مروئی ءِ، نزور و نا اومیت آ بندغ تیان مُر مبو دا تینٹ نا اومیت ءُ نمے ہم نا اومیت کیرہ، دا ہمت ءِ ایسر کروکو بندغ ءُ، جنگآن نرّوک ءُ۔ ننے دا پاش کروئی ءِ کہ توفک آن بیدس ننتون پین کسر اف، دا ننا ایمان و شعور ءِ کسس ننے جوزئی پائے یا پین گڑاس ننجوزئی افن بلکن ننے ٹی جوزہ ارے نن تینا راجی جہد نا گُرج آتے سرپد مرینہ اگہ نن جنگ کتون گڑا پگہ دا ریاستی جلہو نا مونا نہبلوچ مرو نئے کہ بلوچستان مرو۔
بلوچ لبریشن آرمی نا کماش بشیر زیب بلوچ نا ودیک پاننگ ئس کہ کنے یخین ءِ اسہ بندغ ئسے نا وڑ نن ایسر مننگ کینہ ولے دا راجیمزاحمت ایسر مننگ کپک، اومیت و حوصلہ کبو، شہید آتا دے آ دا ہیت ءِ یات تخبو کہ ننے ایسر کننگ کپسہ نن تینا ساہ ئنا گڈیکو دماسکان ترندی ئٹ جنگ کرون و تینا وطن ءِ آجو کرون نن تینا بندغ تا جوزہ ءِ اوریسہ پراومیت اُن اسہ راج ئسے نا وڑ نن تیار اُن تینا مزلنا کنڈ آ ہنون۔
او پارے کہ توفک تون اوار سرپنداری، آگہی نا گرج ءِ دژمن نا ہر چم ءِ پوہ مروئی ءِ لس مروئی اف، جہان ءِ نشان تروئی ءِ کہ نن لائخی وفن تون اوار تینا جہد ءِ مونا دریسہ سرسہب مرون۔