بلوچستان نا علاقہ لسبیلہ ٹی گیس سلنڈر تراک ئٹ اسہ بندغ ئس بیران 17 بندغ ٹپی مسنو۔
شابیتی حوال تا رد ئٹ بیلہ منی اسٹاپ آن خڑک ہوٹل ئٹ گیس سلنڈر نا تراک آن گڈ خاخر لمبہ کرے ہرا خڑک ئنا دکان و درزن آ موٹرسائیکل تے تینا پلویڑ ئٹ ہلک۔
لسبیلہ پولیس نا رد ئٹ کہی بندغ آک ٹپی مسنو ہرافتے اسپتال آ سر کننگانے ایلو کنڈ آ میونسپل کمیٹی اوتھل نا فائر بریگیڈ نا گاڑیکخاخر ءِ کسفنگ ئٹ اختہ ءُ۔
ڈپٹی کمشنر لسبیلہ مراد خان کاسی ڈی ایچ او کیو اسپتال اوتھل و سول اسپتال بیلہ ٹی ایمرجنسی ٹہیفسہ ڈاکٹر و پیرامیڈیکلاسٹاف ءِ خوائفینے اونا رد ئٹ خاخر ءِ کسفنگ کن غٹ وسائل آک کاریم ئٹ ہتنگور۔
ڈپٹی کمشنر لسبیلہ مراد خان کاسی پارینے کہ تدینی ٹی بھاز ہُشنگوک بندغ تے کراچی آ دننگ کن ہم کوشست کننگ اُن۔