ضلع خضدار نا علاقہ فیروز آباد آن خننگوک جون ئنا چھار دے آن گڈ محمد رمضان ولد حاجی احمد دوستینزئی نا پن آن چاہنداری مسونے ۔
پاننگک کہ پن کروک بندغ ءِ 14 اگست 2014 آ پاکستانی لشکر نا دوتیان زوراکی ئٹ بیگواہ کننگاسس و بھلو وخت ئسے نا بیگواہی آن گڈ اونا جشوک جون خننگانے ۔
بلوچستان ئٹی بیدس عدالت کسفنگ نا دا اولیکو تدینی اف ۔ ہنوکا وخت ئٹی ہم ہزار آ بندغ آک دزگیری نا وخت آن گڈ کسفنگانو ۔ دا تدینی تا برخلاف بلوچ راج دوست ٹولیک و بندغی حق آتا باسک آک تدوکا اِرا دہائی ئسے آن برانز کننگ ءُ ۔