بلوچستان نا بنجاہی شار کوئٹہ نا قندھاری بازار ئٹ ایس پی نا گاڑی ءِ جلہو ئٹ ٹک کننگا، ہرا نا سوب اِرا پولیس کارندہ تون اوار چاربندغ مرگ ئنا گواچی اندن 15 بندغ ٹپی مسر۔
منہ گھنٹہ نا نیامٹ اسہ پین تراک اسیٹ ایس ایچ او سریاب کا گاڑی ءِ ٹِک کننگا ہراٹی ایس ایچ او تون اوار کہی کارندہ غاک ٹپیمسر۔
کوئٹہ سول اسپتال نا ترجمان وسیم بیگ میڈیا تون ہیت کریسہ پارے کہ شار ئنا قندھاری بازار ئٹ پولیس نا گاڑی ءِ ٹک کننگا۔ مرگ ئناگواچی مروک آتیٹ اِرا پولیس کارندہ ہم اوار ءُ اندن اسہ مسڑ و اسہ شاری اس ہم کسکنے و پانزدہ بندغ ٹپی ءُ۔
اسپتال ئٹ ساڑی اسہ پولیس کارندہ مٹھا خان پارے کہ ہرا گاڑی ءِ ٹک کننگا او اسہ اعلیٰ پولیس آفیسر ئسے نا ئس ہرا پولیس اسٹیشننا کنڈ آ ہننگ ئس۔ سینئر کارندہ رکھوک ءِ ولے اونا ڈرائیور و اسہ پین کارندہ اس دا جلہو ئٹ مرگ ئنا گواچی مسونو۔
سینئر سپرنٹنڈنٹ پولیس (ایس ایس پی) نا ترجمان زوہیب محسن بلوچ پارے کہ بنائی پٹ و پول آتیان دا ہیت مونا بسونے کہ چار آن پنچکلو گرام نا تراکی مواد اسہ موٹر سائیکل ئسے آ تخنگاسر، ہرادے ریمورٹ کنٹرول نا کمک ئٹ ترخفنگا۔
جلہو نا ذمہ واری ءِ بلوچ آجوئی دوست سلہہ بند تنظیم بلوچ لبریشن آرمی ارفینے۔
بلوچ لبریشن آرمی نا ترجمان جیئند بلوچ میڈیا ٹی شینک کروک بیان اسیٹ پارے کہ ننا سرمچار آک اینو کوئٹہ ئٹ سپرٹنڈنٹ آف پولیسنا گاڑی ءِ آئی ای ڈی جلہو ئٹ ٹک کریر، ہرا نا سوب اِرا پولیس کارندہ مرگ ئنا گواچی و کیہیک ٹپی مسر۔
ترجمان پارے کہ بی ایل اے نا سرمچار آک ایس پی انویسٹی گیشن صدر نصیر الحسن شاہ نا گاڑی ءِ قندھاری بازار ئٹ آئی ای ڈیئٹ ٹک کریر، تراک نا سوب اِرا پولیس کارندہ مرگ ئنا گواچی و کم آن کم اِرٹ ٹپی مسر اندن اوفتا گاڑی ءِ بھاز نسخان رسینگا۔
جیئند بلوچ پین پارے کہ کوزہ گیر پاکستانی لشکر نا ذیلی فورس پولیس ءِ بھاز وار خبڑدار کننگانے کہ او دژمن نا پاننگ آ بلوچ راج ئنابرخلاف تینا راج دژمن کاریم تے یلہ کیر، ولے پولیس تون اوار ایلو ادارہ تیٹ اوار بندغ آک دژمن لشکر و ڈھکوک ادارہ تا پاننگ آ بلوچالس و بلوچ راجی تحریک نا برخلاف جتا وڑ تیٹ کاریم کننگ ءُ۔
او پارے کہ پن کروک ایس پی بے ڈوہ بلوچ آتے دزگیر و سر و سوج نا پِن آ بلوچ آتون بے رحم سلوک کننگ نا ڈوہدار ئس۔
جیئند بلوچ پارے کہ بلوچ لبریشن آرمی دا جلہو نا ذمہ واری ءِ ارفک و نن دا ہیت ءِ دوارہ کینہ کہ بلوچ راج آ مروک غٹ ظلم آتا حسابہلنگو۔
کوئٹہ قندھاری بازار تراک آن منہ گھنٹہ آن گڈ سریاب روڈ نا رہی آ منیر احمد مینگل روڈ آ ایس ایچ او سریاب احسان اللہ مروت ناگاڑی ءِ بمب ئٹ ٹِک کننگا۔
تراک آن ایس ایچ او تون اوار کہی کارندہ غاک ٹپی مسر و اوفتا گاڑی بُھس مس
دا ارٹمیکو بمب جلہو نا ذمہ واری ءِ ہم بلوچ لبریشن آرمی ارفے۔ بی ایل اے نا ترجمان جیئند بلوچ پارے تراک نا سوب آن ایس ایچ او توناوار چار پولیس کارندہ ٹپی مسونو۔
داڑتون اوار جیئند بلوچ بلیدہ نا علاقہ گِلی ئٹ جمیل ولد مراد بخش ءِ مرگ ئنا گواچی کننگ نا ذمہ واری ءِ ارفے۔ او پارے پِن کروک بندغپاکستان فوج و ڈھکوک ادارہ تا ٹہیفوک سلہہ بند ٹولی نا کارندہ اس ئس۔
اندن جیئند بلوچ بلیدہ ئٹ ڈیم نا ٹھیکیدار آ جلہو نا ذمہ واری ءِ ارفے۔ دا بابت او پارے کہ بلیدہ ئٹ پاکستان فوج تینا مسخت آتیکن ڈیماس ٹہیفنگ و دا مسخت کن پیشن آن بھلو کچ اسیٹ بندغ ہتنگسہ ءِ۔
ایسر ئٹ جیئند بلوچ دا لُٹ و پُلی پراجیکٹ تون تفوک کل بندغ آتے خبڑدار کرے کہ اوفک داڑان دو ارفر۔ پراجیکٹ آتیتون تفوک بندغ آتےنن ٹِک کرون۔
