بلوچ خوانندہ گَل بی ایس او آزات نا پارہ غان گَل ئنا سیاسی تاک “سگار” شینک کننگا۔

سگار بی ایس او آزات نا سیاسی تاک ءِ ہرا گَل ئنا لٹریچر کمیٹی سگار پبلیکیشنز نا پارہ غان ہر مُسہ تُوہ آ شینک کننگک۔ ہراٹیسیاسی باسک و بلوچ نوشتہ کار آک بلوچ جہد، سیاسی ہیل کاری، سیاسی حالیت و جہانی، علاقائی سیاسی، زرگزرانی و فوجیحالیت آتیتون اوار ایلو جتا سرحال تیا تینا خیال آتا درشانی ءِ کیرہ۔

سگار کمیٹی نا رِدئٹ ‘سگار‘ بی ایس او آزات نا باسک، بلوچ ورنا و سیاسی باسک آتا راجی شعوری و سیاسی ہیل کاری نا رِدئٹشینک کننگک۔ اوفتا پاننگ ءِ کہ دا بابت پین کتاب ہم سگار کمیٹی نا پارہ غان اندا مسخت تون شینک کننگک۔

شینگ مروک سگار تاک 22 بلوچی و براہوئی بولی ئٹ 302 پنہ غا تالان ءِ ہراٹی جتا سرحال تیا نوشت آتیتون اوار گَل ئنا سرکماش ابرمبلوچ نا گپ تران اوار ءِ۔

یاتی مرے داکان مُست زو تیٹ بی ایس او آزات نا پارہ غان ‘فلپائن ءِ آجوئی دراجیں سپر‘، ‘الجزائر نا آجوئی نا جنگ‘، ‘فدا احمد ڈیھ ءِفدائین استال‘ چُنک کتاب آک شینک کننگانو۔

بلوچستان نا ترقی پسند آ راجی و مزاحمتی ادیب و شاعر حاجی شاہ بیگ شہدا نا کتاب تکہیر شینک مس۔ شاہ بیگ شہدا بلوچمزاحمتی شاعری اٹ گچین ءُ پن اس تخک داڑان بیدس اسہ ادیب ئسے نا دروشم بلوچستان تون اوار پیشن چاہنداری تخک۔

شاہ بیگ شہداء نا کتاب تکہیر آماچ ادبی دیوان مستونگ نا پارہ غان شینک مسونے۔

کتاب نا سر لوز ئٹ پنی آ ادیب و شاعری حمید عزیز آبادی “جہد انا چیدہ” نا سرحال تون نوشتہ کرینے کہ او اول سر ئسے آن پدریسہجُہد انا چیدہ ءِ۔ دا اونا سگ و سینہ نا آدینک ءِ کہ او پیران سری و کماشی نا نیامٹ نئے ناامیت ءِ، نئے او تینا ساڑی حالیت آتیا شہساچُرت اسے ٹی اختہ ءِ۔۔۔۔ گواچنی تو دادے کہ او گیر اسے نا ءِ خید اٹ چوشوک، آماچ نا بڑز انگا کوہان آ سلوک بیرہ ساہت تیری اسےکن راج انا ندارہ ءِ ہم کننگ اف۔۔۔۔ نئے او تینا راجی و سیاسی حالیت آتے جِک نت آ سیل کننگ ءِ۔

حمید عزیز آبادی نوشتہ کیک کہ بلکہ او تینا ‘خید انا زباد‘ اٹی گم، فکر اسے آن بھری، ڈیہہ انا ساڑی حالیت آتیا ‘تکہیر‘ اٹ ہُننگ ءِ۔

بلوچستان نا ضلع خضدار نا ہندی پنچ سال آن زوراکی ئٹ بیگواہ رشید بلوچ نا لُمہ تینا مار ئنا کسر ءِ اُریسہ کذیت کرے۔

خاہوتی حوال تا رد ئٹ استو رشید نا لُمہ ءِ اُست ئنا دورہ مسوسس و دا اُست ئنا دورہ اوڑکن ساہ ہلوک پاش مس۔

بیگواہ آصف نا ہیڑ و رشید نا تاتہ مسڑ سائرہ بلوچ تدینی نا پک کریسہ چاگڑدی حوالکاری تلہ ٹوئٹر آ نوشتہ کرے کہ “دیر پائک کہریاست لُمہ مریک، دا تو ننا لُمہ تے کیدنگ ءِ۔ بیگواہ رشید نا لُمہ تینا مار ئنا دید اکن ودار کریسہ کذیت کرے۔“

او پارے کہ “گڈیکو وخت ئٹ اگہ باہ آن کلمہ نا جاگہ غا تینا بیگواہ مار ئنا پِن مرے، دا لُمہ تا اُست آن پیشتموک آ آڑسندہ نا سوب آن داادارہ غاک الّم عبرت نا نشان مرور۔“

31 اگست 2018 ئٹ پاکستانی لشکر نوشکی زنگی ناوڑ پکنک آ ہنوک دئے بندغ ءِ دزگیر کریسر، فورسز آتا کنڈ آن پن کروک بندغ آتادزگیری ئٹ عکس آتے ہم شینک کننگا و میڈیا غا دا بابت حوال ہم شینک کننگا۔

واہم اوکان گڈ پن کروک بندغ تے بیگواہ کننگا۔ بیگواہ مروک ایلو بندغ تے اِرا سال نا نیام ئٹ جتا حالیت آتیٹ یلہ کننگا اندن اوفتون اواربیگواہ مروک آصف و رشید بلوچ دائسکان بیگواہ ءُ۔

بیگواہ آصف و رشید نا یلہ مننگ کن اوفتا خاہوت کوئٹہ، کراچی و اسلام آباد ئٹ تینا برانز تے ریکارڈ کرینے اندن دا بابت بیگواہ بندغ تاکمیشن ئٹ ہم ساڑی مریسہ کرینے واہم اوفتا دوستخواک دائسکان یلہ کننگتنو۔

بلوچستان ئٹ کیہی بیگواہ بندغ تا لُمہ غاک تینا چنا تا ودار ءِ کریسہ دا کوڑی آن رخصت کرینو اندن بیگواہ بندغ تا یلہ مننگ کن مروکبرانز آتیٹ ہم خننگ ئٹ بسونے کہ بیگواہ بندغ تا لُمہ باوہ غاک تُسینگانو۔

بلوچستان ئٹ راج دوست ٹولیک و بندغی حق آتا تنظیم آک پاکستانی لشکر ءِ بندغی حق آتا لتاڑنگ و بندغ تے زوراکی ئٹ بیگواہ کننگ ناذمہ وار پارہ۔

طالبان کوالخواک اوغانستان ئٹ مسن تا خواننگ ءِ تالان کروک اسہ منصوبہ ئسے نا سروک ءِ دزگیر کریر۔

اوغانستان ئٹ اقوام متحدہ نا کمکی مشن “یوناما” ٹویٹر آ نوشتہ کرینے کہ “Pen Path” (قلم کسر) تنظیم نا سروک و مسن تا تعلیمنا وکیل مطیع اللہ ویسا ءِ درو کابل ئٹ دزگیر کننگانے۔

اقوام متحدہ نا مشن اوغان کوالخواہ تیان خواست کرے کہ او مطیع اللہ ویسا نا اُرا و اونا دزگیری نا سوب تا بابت چاہنداری ایتر و داہیت ءِ یخینی جوڑ کیر کہ اودے کانودی کمک دوئی ءِ و اونا خاہوت تون حال و حوال برجاء ءِ۔

مطیع اللہ نا ایلم سمیع اللہ “ایجنسی فرانس پریس” ءِ پارے کہ اونا ایلم ءِ شام ئنا نماز آن گڈ مسیت نا پیشن آن دزگیر کننگا۔ مطیعاللہ مسیت آن پیشن پیشتما تو اِرا گاڑی تیٹ بروک کیہی بندغ آک اودے توریر۔ ایلم اوفتیان اوفتا چاہنداری ءِ سوج کرے گڑا اوفک اودےخلکر و زور ئٹ تینتون دریر۔

30 سالی مطیع اللہ ویسا اوغانستان ئٹ خواننگ نا تالانی نا جہد ئٹ اختہ ئس۔ او “پین پاتھ” تنظیم نا بنماس ءِ تخا و اونا سروکی ءِکریسہ ڈیہہ ئٹ 18 لائبریری ٹہیفے۔

مطیع اللہ ڈیہہ ئنا خلقی و مُر ئنا علاقہ تیٹ بند اسکول تے دوارہ ملفنگ ئٹ کڑد سر تسونے۔ اونا این جی او قبائلی سروک آتون ہماوڑدہی کیک۔ کمیونٹی و کوالخواہ تے اسکول تے ملنگ نا سلاہ ایتک۔ و بندغ آتیٹ کتاب و موبائل لائبریری ونڈ کیک۔

بلوچستان نا جتا ضلع تیٹ مونا بروک شکست و تدینی تیٹ زالبول تون اوار 5 بندغ مرگ ئنا گواچی و 11 ٹپی مسونو۔

شابیتی حوال تا رد ئٹ بلوچستان نا ضلع ڈیرہ بگٹی ٹی نادرست بندغ تا سم کاری آن 18 سالی ورنا دین علی نا مار ارشد علی مرگ ئناگواچی مس۔ جوْن ءِ پوسٹ مارٹم کن ڈی ایچ کیو اسپتال آ دننگا۔

ایلو پارہ غا لورالائی نا علاقہ لونی آباد ئٹ مار تفر ئٹ لُمہ نا خون ءِ کرے۔ لورالائی پولیس بست و بند نا رد ئٹ تدینی نا سوب مُست ئناسوختئی پاننگک۔

دانگا کراچی آن اورماڑہ غا ہنوک پاکستان نیوی نا بس مکران کوسٹل ہائی وے کنڈ ملیر نا دے کہی علاقہ کنڈ گری نا ہند آتیٹ ترندی ناسوب چپی مس، بس ئٹ سوار اسہ بندغ اس مرگ ئنا گواچی 9 ٹپی مسر۔

اسہ پین ٹریفک شکست اسیٹ کوئٹہ نا علاقہ سریاب روڈ آ گاڑی و موٹر سائیکل تین پہ تین ڈک لگار ہرا نا سوب اسہ بندغ اس مرگ ئناگواچی و اِرا بندغ ٹپی مسر، شکست ئٹ ٹپی و کہوک آ بندغ نا جوْن ءِ سول اسپتال کوئٹہ غا دننگا۔

اندن حب جُو ئٹ مُسہ بندغ ٹبار، اسہ بندغ ئسے نا جوْن کشنگا ایلوفتا پٹنگ برجاء ءِ

بلوچ لبریشن آرمی نا ترجمان جیئند بلوچ بیان اس شینک کریسہ پارے کہ بی ایل اے نا سرمچار آک کراچی ٹی کوزہ گیر پاکستانیلشکر نا اسہ مخبر نور محمد ءِ سم کاری کریسہ مرگ ئنا گواچی کریر۔

ترجمان پارے کہ بلوچ لبریشن آرمی نا ‘انٹیلی جنس ونگ‘ نا معلومداری تیا سرمچار آک 25 مارچ 2023 آ کراچی نا علاقہ یوسف گوٹھئٹ اسہ کاروائی اسیٹ دژمن فوج ئنا ایجنٹ حافظ عبدالغفور نا مار نور محمد عرف ساقم ہند شاپاتان، پنجگور ءِ سم کاری کریسہ مرگئنا گواچی کریر۔

ترجمان پین پارے کہ نور محمد عرف ساقم ءِ جولائی 2021 ئٹ بی ایل اے نا اسپیشل ٹیکٹیکل آپریشنز اسکواڈ (ایس ٹی او ایس) ناباسک سنگت شہید تابش عرف ریحان نا شہادت ئٹ کوزہ گیر پاکستانی لشکر نا کمکاری ٹی اوار مننگ و پنجگور و ایب کیب ئٹ فوجیآپریشن تیٹ دژمن نا کمک ءِ کروک ڈوہ تیٹ اوار مننگ نا سوب آن بی ایل اے پٹنگ ئس۔

جیئند بلوچ پارے کہ پن کروک ایجنٹ ءِ راجی غداری نا ڈوہدار مننگ آ بلوچ راجی عدالت مرک ئنا سزا تسوسس۔ او اسہ تنظیمی سنگتئسے نا شہادت ئٹ اوار مننگ آن گڈ نریسہ کراچی ٹی تینے ڈھکاسس واہم بی ایل اے نا انٹیلی جنس ونگ نرّوک ڈوہدار نا ڈس ءِ خلک واونا معلومداری تیا کاروائی کریسہ بی ایل اے نا سرمچار آک تدوکا دے تیٹ سم کاری کریسہ دژمن ایجنٹ نا مرک ئنا سزا ءِ ایسریتسر۔

بی ایل اے نا ترجمان پارے کہ بلوچ لبریشن آرمی دا جلہو نا ذمہ واری ءِ ارفک و دا درشانی کیک کہ راجی غداری نا ڈوہدار مروک دژمننا کمکار تے ہچ وڑ اسیٹ پشخنگپرو۔ او ہراڑے کار تینے ڈھکر، اوفتے سرمچار آک پٹیسہ اوفتا بیم بش کروک ایسری اسکان سر کرور۔

اوغانستان نا بنجائی شار کابل ئٹ ٹہیفوک وزارت خارجہ نا دفتر نا رکھوک بنجائی در آ جلہو کار خودکش تراک کرے۔

تدینی نا بابت طالبان حکومتی ترجمان تینا بیان ئٹ 6 بندغ نا کہنگ ءِ پک کریسہ پارے کہ خودکش جلہو کار ءِ چیک پوسٹ آ سلنگ نااشارہ کننگاسس۔

ترجمان اوغان کوالخواہ تا رد ئٹ خودکش بمبار سلتو گڑا سکیورٹی کارندہ غاک اوڑا سم کاری کریر ہراڑان او ٹپی مریسہ تما و ہموتمخودکش تراک کرے۔

خودکش جلہو ئٹ 10 آن زیات بندغ ٹپی ہم مسر ہرافتے خڑک ئنا اسپتال آ دننگا ہراڑے 3 ٹپی بندغ تا حالیت نازرک مننگ نا سوب کہوکآتا کچ ئٹ ودکی نا خُلیس پاش کننگک، کہوک آ کل بندغ آک شاری ءُ واہم ٹپی آتیٹ سکیورٹی کارندہ ہم اوار ءِ۔

کوالخواہ تا رد ئٹ جلہو کار نا پوسٹ مارٹم کننگک واہم دائسکان اونا چاہنداری متنے، و دائسکان ہچو ٹولی اس دا جلہو نا ذمہ واری ءِارفتنے۔

یاتی مرے کہ طالبان نا اقتدار ئٹ بننگ آن گڈ سکیورٹی کارندہ، سرکاری دفتر و امام بارگاہ تیا جلہو تیٹ داعش خراسان اوار مسونے۔

طالبان نا دعویٰ ءِ کہ او برجاء وخت ئٹ داعش خراسان نا برخلاف کاروائی ئٹ بھلو سرسہبی دوئی کرینو و داعش برصغیر نا سروک توناوار اہم کمانڈر تے فوجی آپریشن ئٹ کسفنگانے۔

جاچ ہلوک آتا پاننگ ءِ کہ اینو وزارت خارجہ غا مروک خودکش جلہو داعش نا برخلاف مروک کاروائی تا بدلہ مننگ کیک۔ یاتی مرے ششتُو ئٹ اوغانستان نا وزارت خارجہ نا دفتر آ مروک دا مسٹمیکو بھلا جلہو ءِ۔

کراچی ٹی سلاء بند بندغ آک پنجگور نا ہندی بندغ ئسے سلاء بند جلہو ئٹ مرگ نا گواچی کریر ۔

ٹی بی پی نیوز ڈیسک ءِ دوئی مروک حوال آتا ردئٹ اِرا دے مالو کراچی نا علاقہ یوسف گوٹھ ٹی موٹرسائیکل آ سوار نا درست سلاء بندبندغ آک بلوچستان نا ضلع پنجگور نا ہندی نور محمد عرف ساقم ولد حافظ عبدالغفور ءِ  سم کاری کریسہ کسفیر ۔

جلہو آن گڈ سلاء بند بندغ آک نرار ۔ مرگ نا گواچی کروک بندغ پنجگور نا علاقہ شاپاتان نا رہینگوک ئسے ہراڑا ہمو وخت جلہو کننگاہرا وخت او اسہ دکان ئسے آ تولوک ئس ۔

تدینی نا سوب آک دائسکان سما تمتنو واہم تفوک ادارہ آک دا حوالہ ئٹ پٹ و پول کننگ ءُ  ۔

بلوچستان نا ضلع خاران آن پاکستانی فورسز و ڈھکوک ادارہ نا کارندہ آک ورنا ئسے تدوکا دے اونا ارا آن زوراکی ئٹ بیگواہ کریر۔

شابیت حوال تا رد ئٹ تدوکا دے فورسز کارندہ آک ضلع خاران کلّان نا علاقہ ٹی آپریشن نا وخت آ بیبگر بلوچ پِنی بندغ ئسے دزگیرکننگ آن گڈ تینتون اوار دریر ۔

فورسز کارندہ آتا آپریشن نا وخت دزگیر کروک ورنا  دائسکان پاش کننگتو ۔

بلوچستان ٹی زوراکی ئٹ بیگواہی تا تدینیک خلیس نا حالیت ئٹی ءُ ہراڑے ہڑدے ئی بنیات آ زوراکی ئٹ بیگواہی تا تدینیک رپورٹ مننگو ۔

ٹی بی پی نا کچ و حساب نا ردئٹ مارچ نا اولیکو ارا ہفتہ ٹی تیوہ بلوچستان آن 42 بندغ زوراکی ئٹ بیگواہی تا گواچی مسونو ہرافتیٹمنٹ ئس آجو کننگار اندن مُسہ ہفتہ نا نیام ئٹ 4 بندغ نا جون آک رسینگار ۔

بلوچ لبریشن آرمی نا ترجمان جیئند بلوچ میڈیا ئٹ بیان اس شینک کریسہ استو تربت ئٹ پاکستانی لشکر آ مروک جلہو نا ذمہ واری ءِ ارفے۔

جیئند بلوچ نا پاننگ ئس کہ ننا سرمچار آک استو کیچ ئنا شار تربت ئٹ کوزہ گیر پاکستانی لشکر نا بنجائی کیمپ ئنا رکھوک چوکی تے گرنیڈ لانچر نا ذریعت ئٹ ٹک کریر۔ سرمچار آک پاکستانی لشکر نا ٹھکانہ تیا کیہی گولہ تے خلکر ہراڑان دژمن کارندہ تے جانی و مالی نسخان تون مون تروئی تما۔ بلوچ لبریشن آرمی دا جلہو نا ذمہ واری ءِ ارفک۔