نظم

اف چنا باوه نا اسٹ ئنگا
بےگوا باوه ء چنا تا ھم
ایڑھ ئسے نا پراد ایلم که
ایلمس ایلم ء تینا پٹک
لمه ناجول ٹی خڑینکاکو
نی کنے پا گڑا امر داسه
بش مریو عید کیو خوشی کیو

لاش تموک لمه نا کٹ ئٹ
کپ کپ جون تیوی اونا
آه فریاد شار ٹی مچا
بانک ئس پژه غاتے چکنگے
ایلمس غمزده فریشانے
نی کنے پا گڑا امر داسه
بش مریو عید کیو خوشی کیو

غم سهوکا ای باوه نا گوری
ندر مونجا غا لمه که تینا
ایڑھ نا خنک پالنا توبه !
ایلمس دن خسکسا اوغے
درد استا سهے لطیفی ھم
نی کنے پا گڑا امر داسه
بش مریو عید کیو خوشی کیو

لطیف شھزاد لطیفی بلوچ

دی بلوچستان پوسٹ: دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔

بلوچستان ٹی کرونا وائرس نا آماچ مروکا بندغ آتیٹی ودکی بس، گدرینگوک آ 24 گھنٹہ ٹی ہفت ضلع آن 88 ناجوڑ مونا بسونو ۔

اندن دا 88 کیس تون اوار بلوچستان ٹی کرونا وائرس نا آماچ مروکا بندغ آک 12 ہزار آن ودینگار ۔ دا وختا بلوچستان ٹی کرونا وائرس نا آماچ مروکا 1448 ناجوڑ نا علاج مننگے ۔

محکمہ جانجوڑی بلوچستان نا پارہ غان شینک مروکا رپورٹ سینا ردٹ چار شنمبے نا دے 786 بندغ نا کرونا وائرس نا ٹیسٹ کننگانے ۔ اندا وختا ہفت ضلع آن 88 ناجوڑ نا مون آ بننگ آن پد بلوچستان ٹی کرونا وائرس آن آماچ مروکا ناجوڑ آتا حساب 12044 آ سر مس ۔

رپورٹ ٹی دا ام پاننگانے کہ گدرینگوک آ 24 گھنٹہ ٹی 17 ناجوڑ نا جان جوڑی آن دا وختسکان بلوچستان ٹی جان جوڑ آتا کچ 10458 آن زیات مس ۔

اندن 1448 ناجوڑ آتا علاج مرسٹ ءُ ۔ 255 بندغ نا کرونا وائرس ٹیسٹ آتا رپورٹ لیبارٹری ٹی ءُ، دائسکان بتنو ۔

یاتی مرے کرونا وائرس آن بلوچستان ٹی بیران مروکا بندغ آک 138 ءُ ۔

یاتی مرے گدرینگوک آ ہفتہ ٹی پاکستان تون اوار بلوچستان ٹی کرونا وائرس نا بابت است جمعی نا درشانی کرسٹ وفاقی حکومت نا پاننگ آن پد غٹ جاگہ سمارٹ لاک ڈاؤن ءِ ایسر کننگا۔

خوانندہ نا پن محمد حیات نا پنٹ چائنگ مس ۔

بلوچستان نا ضلع کیچ تربت نا علاقہ آبسر ٹی پاکستان پیرا ملٹری فورس فرنٹیئر کور نا سم کاری آن تربت ٹی ہندی و کراچی یونیورسٹی نا اسے نودربر اس محمد حیات بلوچ بیران مس ۔

احوال آتا ردٹ تربت نا علاقہ آبسر ٹی فورسز نا قافلہ آ نادرست آ بندغ آک تراک اس کریر۔ اندا تراک آن پد فورسز تینا مون سم کاری کرے۔ اندن خڑک تینا مَچ آتیا کاریم کروک محمد حیات ءِ فورسز ئنا کارندہ آک دزگیر کریر و لٹ کٹ آن گڈ اونا لمہ و ہیڑ نا مون آ سم کاری کریر، ہراڑان او جاگہ غا کذیت کرے۔

علاقائی بندغ آتا پاننگے کہ محمد حیات کراچی یونیورسٹی نا اسے نودربر اسے۔

یاتی مرے بلوچستان ٹی گدرینگوک بیست سال آن برجاء جنگ اٹ بلوچ آزادی پسند مسلح تنظیم آک پاکستانی سیکیورٹی فورسز ءِ ٹک کیرہ۔ اوفتا ٹک کننگ آن پد پاکستانی فورسز آ دا دوبہ لگک کہ او دا ٹک کننگ آن پد داپار ایپار نا علاقہ غاتیٹی بے گناہ اُلس ءِ سم نا گواچی کیرہ، ظلم و بیدادی کیرہ، کئی بندغ آتے بیگواہ ام کرینے کئی بندغ آک سم نا گواچی مرسٹ بیران ام مسونو۔

یاتی مرے دا تدینی آن پد چاگردی حوالکاری نا سائٹ فیس بک و ٹوئٹر آ اُلس دا تدینی آ توار چست کننگ و محمد حیات کن انصاف نا ہیت کننگ ءُ۔ دا تون اوار اوار پاکستانی سیکیورٹی فورسز ءِ ام بد رد کننگ ءُ۔

ہیومن رائٹس کونسل آف بلوچستان نا پارہ دا تدینی نا مذمت کرسٹ پارینو کہ محمد حیات ءِ اونا خاہوت نا مون آ سیکیورٹی فورسز سم کاری کرسٹ کسفین ءِ۔

پشتون قوم پرست و مستکوئی سینیٹر افراسیاب خٹک ٹوئٹ کرسٹ پارینے کہ تربت ٹی محمد حیات پنی آ بلوچ خوانندہ اس خلننگانے دانا نوٹس ارفنگے و بلوچستان ٹی ہرا خون ریزی مننگے اونا خلاف توار چست کین۔ آخر ٹی دا ام پارے بلوچ آتا زند ام معنی تخک۔

The murder of Hayat Baloch, a young student in Turbat today must not go unnoticed. We must raise our voices for stopping the ongoing bloodshed in Balochistan. Baloch lives matter.#JusticeForHayatBaloch #FCKilledHayatBaloch https://t.co/1pUsgFeTRT

— Afrasiab Khattak (@a_siab) August 13, 2020

پاکستان پیپلز پارٹی نا بنجائی زمہ وار بلاول بھٹو نا ترجمان و مستکوئی سینیٹر فرحت اللہ بابر ٹویٹ اس کرسٹ دا تدینی نا مذمت کرسٹ پارے کہ دا تدینی نا جوڈیشل انکوائری کننگ مرے ۔ و ملزم آتے سزا تننگ مرے ۔ ظلم و بیدادی زور و زبر دستی ٹی بیگواہ کننگ ء ایسر مروئی ء ۔

پی ٹی ایم نا گلالئی اسماعیل تینا ٹویٹ ٹی پاکستان نا وزیر اعظم عمران ء مینشن کرسٹ پارے کہ پی ٹی ایم نا نعرہ کہ ننا ورناتے انتکہ کسفنگ مننگے ۔ دا امرو آزاتی ئسے ۔انتکہ سیکورٹی فورسز نا پارہ غان شارتی تے ٹک کننگ مننگے ۔

اندن دا وختا دا تدینی نا خلاف ٹویٹر آ #JusticeForHayatBaloch ٹاپ ٹرینڈ ٹی ء ۔ اوڑتون اوار #FCKilledHayatBalochُ نا ام ایش ٹیگ استعمال مننگے ۔

اقوام متحدہ نا 2 شیفکو ادارہ ورلڈ ہیلتھ آرگنائزیشن ( ڈبلیو ایچ او ) و یونیسیف تینا اسے رپورٹ سیٹی پارینو کہ تیوی جہان ٹی 820 ملین آن زیات چناتے اسکول آتیٹی دو سلنگ نا بنیاتی آسراتی اف ۔ ارانا سوب آن چناتیٹی کرونا وائرس و پین ناجوڑی مننگ نا خلیس ارے ۔

ڈبلیو ایچ او نا ڈائریکٹر جنرل ٹیڈروس اذانوم گھبریئسس تینا اسے بیان سیٹی پارینے کہ اسکول آتون اوار غٹ تربیتی ادارہ غاتیٹی انفیکشن نا توننگ کن دیر ، صفائی و جان جوڑی نا حفاظت کن خدمات کروئی مریک ۔ کووڈ 19 جہانی دین نا وختا اسکول آتا بحالی و چلیفنگ کن دا گڑاک حکومت آتا خاص انگا پالیسی تیٹی مریر ۔

اقوام متحدہ نا حساب و کتاب نا ردٹ کووڈ 19 خواننگ نا پڑا دا وخت اسکان بھاز بھلو رکاوٹ اسے۔ دا وائرس نا سوب آن 190 آن زیات ملک آتیٹی اسے ارب 60 کروڑ چناک زیمی مسونو ۔

اسے پٹ وپول سینا ردٹ دا ام معلوم داری مسونے کہ گدرینگوک آ سال تیوی جہاں 43 فیصد اسکول آتیٹی صابون و دیر نا بنیاتی آسراتیک متنو۔ داسہ دا وائرس نا وختا اسکول آتیٹی صابون و دیرتون دو سلننگ نا بنیاتی آسراتی اسکول آتے جوانو وڑسیٹی چلیفنگ نا قابل کننگ کن بنیاتی شرط ءِ۔

رپورٹ ٹی دا گڑا غا سختی ٹی پاننگا کہ حکومت آک کرونا وائرس نا تالان مننگے توننگ کن تینا کوشست آتے کیر ۔

یونیسف نا ایگزیٹو ڈائریکٹر ہنریٹا فور پارینے کہ اسکول آتا بند مننگ نا سوب آن چناتے تموکا خراب انگا اثرات آتا ثبوت دستاویز نا شکل تننگانے ۔ کووڈ 19 نا بندات مننگ آن اسکول آتا بند مننگ ، چناتا خواننگ و فلاح و بہبود بھاز چیلنجز آک اریر۔ ننے چناتا خواننگ ءِ اولیکو ترجیح تروئی ءِ۔

راسکوہ ادبی دیوان گرگینہ ہنکین نا پارہ غان خلق خراسانی گرگینہ ٹی اسے دے ئی سیمینار اس اڈ الک ۔ دا سیمینار نا ارا بشخ اسر ۔

پروگرام نا خاص انگا مہمان ٹکری عبدالباسط اس و اعزازی آ مہمان میر سمیع اللہ سرپرہ اس ۔

دا پروگرام نا بندات تلاوت کلام پاک و نعت رسول آن مس۔ تلاوت کلام پاک نا شرف ءِ حافظ شفیق الرحمان دوئی کرے۔ حبیب اللہ حبیب نعت رسول پاک بنفے ۔

پروگرام نا اولیکو بشخ ٹی راسکوہ ادبی دیوان بلوچستان نا چیئرمین عابد سلام علم و ادب نا زیہا بروکا شرفدار آتے لیکچر تس۔

ارٹمیکو بشخ مشاعرہ اس۔ دا مشاعرہ ٹی ہرا شاعراک تینا کلام تے بنفیر اوفتا پنک دا وڑ ٹی ء؛ عابد سلام، ہشام غنی، ثناء صابر، عالم نسیم، عزت اللہ عزت، اسد فراز، شبیر زیب، نصیر نازل، زاکر بلوچ، ورند راز، اسرار زیب، استاد ساحل غلام، آصف زیب۔

1 of 5

ہراڑے عشق عقل ہوش ہبکہ غٹ گمان
ہرانا جوزہ فکر خاخرا تیان بش زراب کے
ہرانا لمبہ غاتا موڷ اٹی شعور ئنا تفیر جمھراک
ہرانا جون ئنا اے ٹکرا تیان ردیر انقلابی گواڑخاک
ہرانا حوصلہ تئے مونا ذرہ زرہ مشک لڑزرک
ہرانا مف خلیس وہم چرت تک اٹی
ہرانا ہکلا تیان سرے ڈغار آسمان
ہراکے تینے مخیسہ وا ڈے آ ندر کے
پری اے مرگ ئنا دروت الے قدم تے تہ
ہراکے آجوئی نا گودل آک شعر پار چھاپ کیر
الیر چٹ ہراکا رژن بلسماک
دتر تیان ہرانا گند الیر مسک عود عنبراک
ہرانا نت تیان بک الیر ہتمک پھل گلشناک
بریر سجدہ اٹی ہراکے لگسہ اے شمع غاک
تخے ہرادے خن تیا وا مہردار
ہراکے سوز ئسے ٹی نغمہ لیلڑی خلیر چلتناک
ہرادے لمہ موکل ء ہزار ناز ئٹی
ہرادے باوہ بیرک ئس تفے
ہرادے ایڑ سگ ئنا وا چیدہ کے
اے لمہ ئنا ہنینا مل
دلیرا سوچ ئنا اے خواجہ بس
ریحان اسلم ء ……….

مَشمار بلوچ

سوراب ٹی گدان ادبی دیوان سوراب نا پارہ غان اسے مشاعرہ اس مس۔ دا مجلس نا کماشی ءِ گدان ادبی دیوان نا چیئرمین سلام الفت کرے۔ ایلو مہمان آتیٹی گدان ادبی دیوان نا بانی شکیل زہری، بی ایس او نا چیئرمین نذیر بلوچ، منیر آزاد ، عنایت ساغر و ایلوفک اسر ۔

دا مجلس ٹی مہمان آک تران کرسٹ پاریر کہ بولی و ادب نا شون تننگ کن گدان ادبی دیوان مدام گچینو کڑد ادا کرینے ۔

مونی پاریر کہ گدان ادبی دیوان سیمینار، مشاعرہ، ہیلکاری نشست آتیان ابید چندی شاعر و ادیب آتا کتاباتے ام شینک کرینے ۔

لاک ڈاؤن نا ایسر مننگ آن پد گدان ادبی دیوان نا پارہ غان اسے وار ولدا علمی و ادبی کاریم آتا بناء کننگ تون اوار شہید ناصر حیات پبلک لائبریری ءِ ام فعال کننگانے ۔

مشاعرہ ٹی سوراب نا پنی آ شاعر استاد اسماعیل خنجری، حاجی فرید، فراق مہر، ہدایت نادری، عبدالمالک زیب، نجیب آیان، شعیب عالم، اقبال سائر ، کامران منیر، صلاح مینگل، عنایت ساغر ، سلام الفت، شکیل بلوچ اسک تینا شاعری تے بنفیر ۔

 جلہو ٹی سرکاری گاڑی ءِ نشانہ کننگاسس۔

بلوچستان نا علاقہ چمن ٹی مال روڈ آ اسے تراک اس مس۔ دا تراک آن 5 بندغ بیران مسر و 10 بندغ ٹپی ءُ۔ احوال کار آتا پاننگ کہ دا تراک اٹ سرکاری گاڑی ئسے نشانہ کننگاسس۔

پولیس نا پاننگ نا ردئٹ چمن ٹی مال روڈ آ سرکاری گاڑی ءِ نشانہ کرینو۔ دا تراک موٹر سائیکل ئسے نا کمک اٹ اے این ایف نا گاڑی آ کننگانے ۔

تراک اٹ ٹپی مروکا بندغ آتے سول ہسپتال کوئٹہ غا دننگا۔ ہرانا سوب آن سول ہسپتال ٹی ایمرجنسی خلننگا۔

تراک نا ذمہ واری ءِ حزب الاحرار ارفینے۔ حزب الاحرار نا ترجمان ڈاکٹر عزیز یوسفزئی تینا کلہو ٹی دا تراک نا ذمہ واری ارفیسہ پارینے تراک اٹ آئی ایس آئی نا گاڑی ءِ نشانہ کرینن۔ ہراڑان اسے درزن آن زیات کارندہ غاک کسکنو۔